|
عيون الشعر قصة وقصيده-الغاز-قصائد منقوله-والنقد والحوار وبرامج مسابقات الشعر |
الرئيسية |
منتدى هوازن |
اجعلنا الرئيسية |
اضفنا في مفضلتك |
إسترجاع كلمة المرور |
طلب كود تفعيل العضوية |
تفعيل العضوية |
الذهاب إلى الصفحة... |
17-05-05, 07:54 PM | رقم المشاركة : 131 | ||
|
في الليل بعد ما رجعوا مبارك وسعيد بيت بو خالد حصلوا عوشه وبسوم وروضه وعبود قاعدين على الدجة جدام الباب يسولفون .. كانوا يتريون مبارك وسعيد ... حتى عبود يوم رد خبروه انه مبارك طلع سيارة يديده فقعد يترياهم وياهن ... والكل اتخبل على السيارة ويضحكون ويسولفون ومبارك كان ساكت على غير عادته في هالمواقف ... حتى عوشه كانت تحس باحراج بس حاولت ما تبين لحد هالاحساس |
||
17-05-05, 07:55 PM | رقم المشاركة : 132 | ||
|
عوشه: هاه لا ماشي .. هذا مبارك متصل يبغيك يقول ان تيلفونك يعطي مغلق |
||
17-05-05, 07:56 PM | رقم المشاركة : 133 | ||
|
في المقهى قبل سفر سلطان وعلي ومحمد بيومين قاعدين ويا محمد ومبارك يسولفون ويضحكون على على وسلطان اللي كانوا مسوين حادث في الاسبوع اللي قبله .. كانت يد سلطان مكسوره وجرح في يبهته يلوع الجبد ... اما علي في ويهه كدمة مشوهتنه... غير جرح اللي في كتفه |
||
17-05-05, 07:57 PM | رقم المشاركة : 134 | ||
|
بدت دوامات الجامعه وانشغلت بسوم هالسنة صدق محد كان يشوفها ... حتى فستانها روضه اللي اختارت لونه وموديله ومنو يفصله ... كانت بسوم موكلتنهم بكل شي ... ولا حتى ابدت راي او ناقشتهم في شي قالولها اياه ... كانت مشغوله صدق بدراستها ومندمجه فيها .... روضه صح كانت اداوم الجامعه بس كانت بعد متفيجة ويا عوشه وحمده عشان ترتيبات العرس ... وديكورات جناحها في بيت عمها ... كانن كل يوم يختارن لون ويردن يغيرنه بالباجر ... او يختارن اثاث ويردن ايغيرنه بعدها باسبوع ... ديكورات خيام العرس تكفل بها محمد كامل .. بعد ما شاورها شو من الالوان تريد وخلاها تختار الكوشه اللي تباها ... وفي هالربشة كلها كانوا يفتقدون عبود اللي يروح الكلية طول ايام الاسبوع وما يرد الا في الويك اند ... كانوا على اتصال دايم بفطوم وكل ما اختارن شي شاورنها .. فستان العرس سوته في لبنان عند زهير مراد ... حمده والبنات سون فساتينهن عند اليزابث في بوظبي ..اخر اسبوع من شهر عشرة يوم الخميس الصبح كلهم قاعدين ويا بعض حتى فطوم هيه وولدها اللي كمل سنة قاعدين بعد ما تريقوا ويا ابوهم يسولفون .. كان ولد فطوم يلعب ببراويز الصور اللي محطوطات على الطاوله |
||
17-05-05, 07:58 PM | رقم المشاركة : 135 | ||
|
علي : يا مرحبا الساع ... والله ايام يا ريال من متى ما شفناك .. |
||
17-05-05, 07:59 PM | رقم المشاركة : 136 | ||
|
بعد ما خلصن ترتيب القشار راحت فطوم حجرتها بترقد تعبانه .. اما عوشه اللي من بدا الاسبوع وهي ما ترقد في الليل ومطفرة بروضه وياها .... كانن قاعدات برع على الدجة جدام الباب ... ويتهن بسوم بعد ما خلصت دراسه قعدت وياهن ... |
||
17-05-05, 07:59 PM | رقم المشاركة : 137 | ||
|
الاربعاء الصبح محمد مشغول في خيام العرس يشرف على الترتيبات النهائية على الخيمة اللي بيتعشون فيها الرياييل والميلس اللي بيقعدون فيه قبل العشا .... وموصي على الكراسي اللي بيحطونهن برع وين ما بيبون العياله والنعاشات ... اما خيمة الحريم واللي فيها الكوشه .. كانوا يركبون في الكوشه وبيشتغلون طول اليوم عشان تكون جاهزة في الليل ... ولانه طالب يعدلون فيها ويغطون الستيج اللي بيغنون عليه اللي يايبينهم يغنون في العرس ... الساعة ثلاث الظهر رد البيت .. طبعا ما حصل امه لانها كانت بيت عمه .. اما ابوه كان راقد ومبارك كان نازل وهو يغني ومستانس ... يوم شافه ابتسم له |
||
17-05-05, 08:00 PM | رقم المشاركة : 138 | ||
|
محمد بعد ما تلبس شاف ابوه قاعد ايتقهوى بروحه في الصالة ... فراح سلم عليه وحبه على راسه وقعد عداله يقهويه |
||
17-05-05, 08:01 PM | رقم المشاركة : 139 | ||
|
روضه: (انحرجت) لو صبرت علي كنت قلتلك اياها |
||
17-05-05, 08:01 PM | رقم المشاركة : 140 | ||
|
بعد ما لبست بسوم الفستان اللي طلع يجنن عليها ... فلت شعرها اللي كالعادة كان لين جتوفها بس ... مع لونه الكستنائي وخلصلاته العسلية .... كان شكلها روعه ... وتمن يطالعنها كلهن وهن مبلقات عيونهن مع انهن متعودات عليها ... بس بسوم بالفعل كل معنى للجمال كان في ويها .... ومحلتنها البراءة اللي فيه |
||
انواع عرض الموضوع |
العرض العادي |
الانتقال إلى العرض المتطور |
الانتقال إلى العرض الشجري |
|
|