السلام عليكم ورحمة الله وبركاته
ألا ياحبيبي ليتك أتشوف وشلوني = مدام الغلا موجود فالقلب لك ثابت
أنا في غيابك يالغلا جنت أجنوني = ويطري علي أن العواذيل ماتابت
أنا خايفً تبليك ناسً تبــلونـــي = ترا هرجة العذال ودت ولا جـابت
على فرقتك ياكثر ناسً يحدوني = وأقول العقول الراجحه فالهوى شابت
وأنا ياحبيبي فيك ماخابت أظنوني = ولاكن ظنون الوقت في شملنا خابت
أحبك ومازال الغلا يشعل أشجوني = وزرع الغلا فالقلب مبطي وهو نابت
حفظتك عن أللي فالمحبه يلوموني = ونفسي على قربك لهلحين ماطابت
أدز الرســايــل وتـحــرّا تـلـفـوني = ولا أدري متى تفرج على صدري الكابت
لي أربع سنين وخاطري منك محزوني = وروحي شعلها الشوق مير البلا ذابت
رماني غيابك رميةً جات من دوني = وخلتني أوقف ولا أدري ولا صابت..!!
((عسى دنيةً حدّتك تبعد عن أعيوني = تحدك علي أسرع من الشمس لاغابت))
العرض العادي
