[البندري]

[poem=font="simplified arabic,6,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
الا واعذابي كل ما غاب نور العين =تجيني هموم(ن) ماعرف وين ممشاهـا

وانا لدّ لهمّ الليل ونكفوا الممسين =اسامر نجوم الليـل واسـري بمسراهـا

ولا يا وجودي وجد منهو فقد ثنتين =عيونه وفرقا امهٍ فقـد حلـو مرباهـا

توفتّ وعمره ما بعد كمّل السنتين =يصيح ويـدوّج يحسـب انـه بيلقاهـا

ولا له من الوالي سوا شايب(ن) مسكين =رجيله معاقه ما يقدي لموطاهـا

ليا سمع صوته كن في ضامره سكين =وعيونه من الحزن القوي نثّرت ماها

صغير(ن) ذبحه الجوع واليتم وقته شين =ومن بكيّته كل المخاليـق بكاهـا

على صاحب(ن) لاجيت ابدله مع السالين =ذكرته وخليت اول الناس واتلاهـا

وانا حالفتله حلف وعاهده ايمين =ياعشرته مادامت حياتـي فـلا انساهـا

وانا دام راسي حي وامشي مع الحيين =له الروح يامرها بكيفـه وينهاهـا [/poem]