[مرزوق الصواغ]

لا تسكر هاتفك رد ياترف الخدود= ودى اسمع صوتك العذب ودى اسمعه

اتصل بك خمس مرات ماجانى ردود= ويشجرا ياناعس الطرف ردك تمنعه

ماتخاف من الولي منك بيحت السدود= من عطاك الود تقسا عليه وتجزعه

قبل عشر ايام حبي وحبك لاحدود= من كثر مانعتني فيه صعبن نجمعه

ينتهى فى لحضتن منك وبليا وعود= دون ذنب ودون سابق قرارن تطبعه

من هو اللى غيرك وانت عاشقنى بزود= تحتضنى بلذت الحب هرجك مروعه

صافين لى بالهوى دوم ماخلفت العهود= كل دربن اتبعه قمت مثلى تتبعه

كيف اصدق عقب هاليوم صايرلي جحود= ياقليل العرف جرمك عليه ماشنعه

صار حبك كنه الثوب ياضافى الجعود=تلبسه ساعه ليارتحت وعقبن تنزعه

خل عذال الهوى ينفعونك والحسود= من نسانى ويش ابي فيه مابه منفعه