[ناصر الفراعنه]

[poem=font="simplified arabic,5,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]




يايبـه يانـور عيـنٍ تبلشهـا السهـر=يايبه ماجـور ماجـور يانسـل الكـرام
يايبه ياعزوتي مـن صواديـف الدهـر=يوم طير الضيم فوقي نفض ريشه وحام
لأجلك العيـن انتثـر دمعهـا دمٍ حمـر=والحشا كنه على واهج الرمضـا حطـام
يايبه وإن خانك الساق أنا ساقـك وسـر=ان بغيت السهـل والا شواهيـق العـدام
يايبه وإن قصر الشوف شوفـك ماقصـر=دامني لك شوف وعيون فوقـك ماتنـام
يايبه وإن خانك الكف أنـا كفـك حجـرإ=ضرب بي اللي تبـي هامـةٍ والا قـوام
يايبه وإن خانك السمع أنا إذنك فالبشـر=في ذمتي ماتسمع ألا خبـر عـزك يقـام
يايبه وإن خانوا أصحابك أنا صحيبك جبر=مير مافأصحابك اللي عطى درب المـلام
يايبه وإن درهم القوم أنـا دونـك بحـر=والله إن تبطي مضاريبهم بـرد وسـلام
يايبه لاغطـرف القمـري الشـادي ودرجر= هاجوس المعنى عليك أحلـى كـلام
يايبه ياعزة الجـار وضيـوف السحـر=يامزبـن واحـدٍ طقتـه بقعـا وهــام
مالقيتك بفرجة السـوق تصلـخ وتهـدر=الك عند الناس قـدرٍ وهيبـة وإحتـرام
ولاأنت باللي فوق جاره عصاته تنكسـر=يمدحك جارك وضيفك وربعك والخصـام
وكان سبَّل عسعس الليل ثوبـه واستتـر=شف دمعك في صلاتك مثل وبـل الغمـام
ياعسى يفدى قدم رجلك اللـي ماانعثـر=رجلك اللي ماسعت كود في عـز المقـام
كم وكـم فنجـال بـنٍ بمجلسـك انتثـر=مجلسٍ للعود الأزرق على وكـره مـرام
وكم سمانٍ راعي الضان لقدومـك ذخـر=حثهن بأطراف كفـك لضيفـانٍ حشـام
كن نقفة دمهـن فالثـرى سيـلٍ حـدر=وكن ريح شحومهن فالفضا ريح الخـزام
يايبه شفـت الليالـي مجاهيـم وعفـر=عن مباغيت المنايـا التهينـا فالحطـام
كلنـا يـدرق عليـه الزمـان وينتـثـ=رفوق منصوب الشداد وعلى ظهور المسام
يايبه من زاد كـاد وخفـى عـزه شهـر=وأنت عزك فالخضيرا جلا جنـح الظـلام
يايبه من هام شـيٍ وهـو مالـه ظهـر=ذاق دون اللي يبي مزة الحنظـل شمـام
يايبه من يبغي المجـد مـن دون معـذ=رمثل زارع شتلةٍ فالصبخ يبغـى الصـرام
من همل فرجـه بليـا سميـنٍ ماظفـر=تنطحه شمسٍ تجدويه مطعـوم السمـام
يايبـه تسبيحـةٍ يـوم جنـح الليـل در=ماتساوي وزنها كنوز مصـرٍ والشـوام
يايبه ماشق صم الصفـا غيـر الصبـر=والكدر عقب الصبر ينتحي مثـل الحـلام
يايبه دنيـاً لقينـا لهـا بطـن وظهـر=الحظيظ اللي بها عـز نفسـه واستقـام
والختام بريـح مسـكٍ وريحـانٍ ذعـر=الصلاة الزاكيـة مـن ضميـرٍ مستهـام
للنبي الهاشمي صاحب الكـف الخضـر=عد ماغنى على خضر الأغصان الحمـام
[/poem]