[عبدالله المقاطي]

هذه القصيدة من قصائدي القديمه ونشرت عبر صفحة واحة الاقلام بجريدة الندوة بتاريخ 28/2/1405 هـ


[poem=font="simplified arabic,6,black,bold,italic" bkcolor="transparent" bkimage="http://www.hwazn.com/vb/images/toolbox/backgrounds/1.gif" border="inset,4," type=2 line=1 align=center use=ex num="0,black"]
أنوح نوح الورق وأعوي عواء الذيب
=وادموع عيني فوق خدي صبيبـي
اسباب غـرون مـا يـرد المكاتيـب
=ما ني حبيب لـه ولاهـو حبيبـي
مع البريد ارسـل وطـرش مناديـب
=واصيح باعلى الصوت محد يجيبي
ارجـوك يكفينـي تغلـي واكاذيـب
=انا اعرفك مانتـه بعنـي غريبـي
كنت اخبرك دايـم كثيـر التراحيـب
=واليوم كاني صايـر لـك حريبـي
الحب ما هو بالعصـي والمشاعيـب
=مكتوب لك يازين حض ونصيبـي
صابر على حر الهـوى والملاهيـب
=اصبر وانا من بعد عرفك صويبـي
يازين كان انـك تعـرف المواجيـب
=فانا قريـب منـك وانتـه قريبـي
ماعاد همك غيـر جمـع المكاسيـب
=نسيـت يـوم تقولـي ياحبيـبـي
تفخر بزينك بيـن كـل الاصاحيـب
=وشمس الضحى لو كان تطلع تغيبي
افـداك يازيـن البنـي الخراعـيـب
=انـا دواء علتـك وانتـه طبيبـي
عذبتني يـا داعـج العيـن تعذيـب
=كيف اعتنيبك وانت مـا تعتنيبـي
ماعاد ابي لا ماك سيب وانا اسيـب
=جرحك بوسط القلب عيـا يطيبـي
يقولها اللي جـرب الحـب تجريـب
=ومشيبـه قـدام وقـت المشيبـي [/poem]