[مساعد بن جبران]

[poem=font="simplified arabic,5,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
ياكثر مغليك ما طاح الغلا دونك=وياكثر ماعيش في صدك وحرمانـك

وياكثر ماجيت احقق رغبة ظنونك=وياكثر ما اطوّف الغلطات من شانك

اصبحت كلك ملاك بعين مجنونك=في بسمتك في زعلك وكلمة السانـك

اذوق طعم الحياه بنظرة عيونك=واعاف كل الحيـاه بلحظـة احزانـك

اللة وهبني غلاك وصرت مفتونك=بالحب يرجح عن الغالين ميزانـك

ياغاية النفس والخاطر على هونك=حاول تشوف الغلا بعيـون خلانـك

حاول تعالج بعطفك خافي طعونك=لاتقتل معذبك في طـول هجرانـك

مافيه غيرك بقلبي لا يغرونك=غصبٍ علـى وسـط القلـب مسكانـك

لاتسمع اللي عن دروبي يصدونك=اسمع حبيبك وطوّف قول عدوانـك

خلك معي دامني مشجون بشجونك=ان طعتهم ياحبيبي كثـرة اشجانـك [/poem]