منتدى هوازن - قصائد نادرة جداً للأمير ضاري الفهيد العبيد الرشيد.

قصيدة مؤثرة للأمير ضاري الفهيد الرشيد "رحمه الله"

من عـاش بالدنـيـا يشوف العبـايـر_______________ بالحـال يمـزح حـلـوهـا مع مـراره
البـارحـة نـومي عن العيـن ذايــر_______________ والجـفـن سهـرانٍ وينـثـر عـبـاره
وعلى طلوع الشمـس يعطي بشـايـر_______________ لاشك يـوم أصبـح بكـى من نـهـاره
هنـي من وقـتـه على الكيـف دايـر_______________ طـربٍ ومشـتـاقٍ لجـمـع التـجـاره
ماهوب من مثـلي بالأفـكـار حـايـر_______________ ليـلـه بنـيّـان ونـهـاره جـبــاره
العـفـو يا شـيءٍ لجـا بالضمـايـر_______________ يشـدي الـدلـة مـولـعٍ شـب نـاره
لاقـام يوقـدهـا بحـامي السعـايـر_______________ تـقـب كـبـدي قـتـه مـن بـهـاره
بـلاي من قلـبٍ عـن العـذل نـايـر_______________ لاجيـت اعـذلـه قـال مالي بـصـاره
وهو عليّ يـدلـي بامـورٍ كـبـايـر_______________ وعـزي لمـن مثـلـي عـدوه بـداره
ياقلـب...ياقلـب النـدم والخسـايـر_______________ مـا حـيٍ إلا والـدهـر طـق صــاره
اعـرف تـرى مادبّـر الله صـايــر_______________ ودنـيـاٍ ايكفـي عن طـوالـه قصـاره
بـالك تصـافي من يخون السـرايـر_______________ يـودع الى قـفِّـيـت جـلـدك سبـاره

الأمير/ ضاري الفهيد الرشيد.

*****************************************************

وهذه أيضاً إحدى القصائد النادرة للأمير ضاري الفهيد الرشيد..................

هيـه وش عنـدكم يا أشكـل رجـاجيـلـي
********************يـا هـل الـعـرف ياحـمّـايـة التـالـي
مـا مـحـنِّـي ولا زوّد غـرابـيــلـي
********************أوسـبـب ما شطـنّـي أو بـرى حـالـي
كـود مـا يشـدّه الخاطـر من الـميـلـي
********************شـوف خطـو الـدْهـيّـه صار رجّـالـي
كـل مـن صــار دبٍّ أو مـهـيـبـلـي
********************أو تسـلـقى وجـاء للـهـرج نـقّـالـي
أو غـدى صـاحـبٍ للقـول والـقـيـلـي
********************صار مقبـولٍ وهـرجـه عنـدكم غـالـي

الأمير/ ضاري الفهيد الرشيد.

*****************************************************

وهنا قصيدة للأمير ضاري الفهيد الرشيد يسندعلى أخوه لأمه الأمير فيصل الحمود العبيد الرشيد...........................

هذه القصيدة خاصة جداً ولم يسبق تدوينها للأمير ضاري الفهيد الرشيد، وفيها يمدح أخوه لأمه الأمير فيصل الحمود الرشيد وينتقص من أناس كانوا سبباً أساسياً في سقوط حكم أجداده، يقول فيها رحمه الله :

الله ياعـايـد على مـلك بـايـا*--------------- يـارازق بالحكـم ناصر وسبهـان

ياشيخ ياقـاطـع رقاب السـرايـا--------------- مرخص بروحه يوم روغات الأذهان

غديت مثل مصخـرات الضحـايـا--------------- ولاحيـلةٍ أحتـالها يا اخو سـلطان

الأمير/ ضاري الفهيد الرشيد.

* (باياء)أحد ملوك الهند خُلع ثم انتفض شعبه وتظاهروا حتى أعادوه، وكان ضاري بالهند آنذاك وحضر وشاهد تلك المظاهرات.

اخوكم=== فهد