محمد السنانى ورشيد الزززززززلامى
بسم الله الرحمن الرحيم
محمد السناني: هلا يا مرحبا حياكم الله في حلال هذيل..رجال يتعب التاريخ مايحصي مزاياها يقولون الزلامي شاب مايحسن ركوب الخيل..تجاوز عمره المحدود والمده تعداها رشيد الزلامي: يدوم الك البقا يالشاعر اللي تحسن التمثيل..تمثل منطقة خنذف من اقصاها ليا اقصاها انا اسوق الجمال اللي تشيل وتتكي للشيل..ولاهمي ركوب الخيل فرقاكم وفرقاها السناني: هذا من واجبي والواجبه ماتقبل التوكيل..اقوم بواجبي واقهر شبابه واتحداها تقوله يالزلامي والعصا والبشت للتقبيل..تركها المورقي والعازمي ماهو بوياها الزلامي: ترى ربعك شبابه ماتميل ولا تحب الميل..ليا شوش عليك ابليس دورها وتلقاها انا فصلت لك ثوبك لكن اخطيت فالتفصيل.. وخليتك تنوش ناس وانته من ضحاياها السناني: انا ادري عن شبابه كلها والجيل قبله جيل..بلاويها كثيره وانت اظنك من بلاياها تقول انك مفصل وانت دوبك ياالله التسهيل ..تطالع للثريا في عيونك وانتثر ماها الزلامي: بعد طاحت ثلاث اضلوع من جنب البعير شعيل..عليه بالحرام تمر وعيونك تحلاها بعد سلم الحجر مانبتلش بامر ابرهه والفيل..وانا اقول ابرهه والفيل جعله من فداياها السناني: عظام شعيل صلبه شد حيلك يا شديد الحيل..ليا وقفت على دربه رعيتكم توطاها سواليف ابرهه مذكورة في محكم التنزيل ..ولو إن الزلامي طاعته دنياه سواها الزلامي: لا والله يا جهينه باغتتكم مع سواد الليل..عباره صادقه ماتنكتب ولا كتبناها انا اقول الغشيم اللي يمرح في مسيل السيل..ليا حن الخيال وفاضت الشعبان بملاها السناني: شهادة لاإله الا الله اللي مالها تعديل..وحنا ماقبل ماتعرض على عتيبه نطقناها |
[align=center][table1="*****:95%;"][cell="filter:;"][align=center]الصرح بيض الله وجهك على مجهودك الرائع[/align][/cell][/table1][/align]
|
بيض الله وجهك
|
ووجهك وشاكر مروركم الجميل
|
الساعة الآن 06:36 AM. |
Powered by vBulletin Version 3.8.7
Copyright ©2000 - 2024, Jelsoft Enterprises Ltd
Translation by
Support-ar