طاروق رباعي الشمري المطيري العازمي الرشيدي
 

الشاهين

يا مرحبابك يا الرشيدي عقب هارون الرشيد=اثنين ضد اثنين واطاروق مابين اربعه
رغيان

ياصخر جعلك صخر فالماقف وقلبك من حديـد ... والعلم مابيـني وبيـنك كان ماطاعك طعه
ابو عوجه
هارون خابره زبيده لو تنقص ماتزيد ... الك البقا والدرب الايسرى لا تروح وتتبعه
صخر
حنا ليا جينا على بيداء ترى يمكن تبيد00 الي يبا ياقف معي والي يبا ياقف معه

الشاهين
معا صغر سنك يا ابو عوجه تفيد وتستفيد=والكلمه اليا جتك مني يا الرشيدي تسمعه
رغيان
أنته دخلت امع العصابه مير انا راسي عنيـد ... ياصخر وش عندك مع الشيطان دايم تتبعه
ابو عوجه
ازيد عنك عمر ولا عني بعمرك تزيد == مابيننا شكن ولا ريب اسمع العلم اسمعه
صخر
بس الله الله ياعميلي والنخل خضر الجريد00 قلبك مطبعا ياولد والمشكله فالمطبعه
الشاهين
انا اتمنا طول عمرك في سعاده ياسعيد= مير المصيبه في طريق البيب ولا المجمعه
رغيان
انته تسولف مير أنا علمتك العلم الاكيـد ... ياقووم ياللي تتبع الشيطان لو هز اصبعـه
ابو عوجه
يالشمري لو لا فعول الفارس عبيد الرشيد == حرام خدك ياطويل العمر بيدك تصفعه
صخر
حنا ليا جينا نبا نلعب معك قلبك بيليد00 لا شك والندمان من قو الندم عض اصبعه
الشاهين
ذيك اليالي يارشيدي لوربع ساعه تعيد=بعض البشر اني لجربعهم بحايل جربعه
رغيان
الفرق واضح طال عمرك بالشقي وبالسعيــد ... لكّن عان طويق ثابت كان تقدر تطلعه
ابو عوجه
لو الليال عودة لا قيد برجليك قيد ... لاكن حنا في عصر قتل البريه يمنعه
صخر
الوقت لو طول لسان ماهو مروح بعيد00بابور في وسط البحر لكن من دون اشرعه
الشاهين
حنا اطنايا ياطنايا عبس با الوضع الجديد=صيرو طنايا كان منكم يا ابو عوجه منفعه
رغيان
انا نصحتك وانت تحسب كل يومن جاك عيـد ... يالموتر اللي كل ماساقوه زاد القرقعه
ابو عوجه
لاتجحد فعول الرجال الي لهم مجدن تليد ... من ثم يدوي فوق راسك رعد كل يسمعه
صخر
ان طعتني ياصاحبي لا تكتب بيتوت القصيد00 لاصار كل من جاك يارجال حطك مرقعه

لاهنتوا وصحت السنتكم