صوت وصدى
 

صوت الشاعر ماجد العازمي

[poem=font="simplified arabic,6,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
البارحة يوم اكثر النـاس غافيـن=عديت من حلـو المعانـى منـاره
مناره(ن) فيها حقيقـه وبراهيـن=ماهيب كذبـن لا ولاهـي عيـاره
لمشعل الحامد سنـاد الضعيفيـن=ابستشيره وفـاز منهـو ستشـاره
الحب به ناسن علي الود صافيـن=وناسن تذوق من البعد والمـراره
والقلب يامشعل غدا فيه جرحيـن=جرح الفراق وجرح ذيك الاشاره
كله سبايب صاحبي كامل الزيـن=لاهو بنى عمـى ولانيـب جـاره
اشارته باصاحبي من طرف عيـن=والصد والحرمان دايـم شعـاره
يلعب علي سلك المـوده بحبليـن=ماخذ سلوم الحب مثـل التجـاره
والحب ذل اشخاص كانوا عزيزين=ومن عقب ذل النفس لاوخسـاره
وعقبه ترى ضاعت جميع العناوين=ودى بدربن واضحن في مسـاره
وعجزت اميز بين هالزين والشين=وابغى جوابك وافيـن بختصـاره
وختامها صلوا علي مكمل الديـن=اللى بـه الاسـلام زاد نتشـاره[/poem]



صدى الشاعر مشعل الحبيني




[poem=font="simplified arabic,6,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
البارحة يـوم المخاليـق ممسيـن=بنيت من جزل القوافـي عمـاره
عمارة(ن) ماسقـت فيهـا ملاييـن=من جم فكرن فيـه قـوة عبـاره
لماجد الراشـد ثقيـل الموازيـن=ياعـز ضيفانـه وياريـف جـاره
قافك وصلنا وانقسم فيـه دربيـن=مع درب ثالث مانحـب احتكـاره
ان كان علمك سر فالجهد قسميـن=والشرع حلل وانت لـك اختيـاره
الجاه منى وادفع المهـر مهريـن=وروح يمـه لـو بعيـدن ديـاره
لو كان ماعندى سوء الدين بالديـن=مغير اقزر في معـاش الـوزاره
لاشك ربعي يابو راشـد كريميـن=وحقـي عليهـم والعطايـا كبـاره
وان كان تعلن ماتغيـرت واعيـن=وربعك كرام من مواكـر حـراره
وان كان غيره فالسموحه من الحين=لو كان قلبي طيـر قطـع شكـاره
خله يولـى خـل طـرد المقفيـن=وكفخ كما طيرن تنهـض وطـاره
لو كان حبـه منتشـر فالشراييـن=ويطرى عليك ايام كنتـم صغـاره
خلـه وتلقالـك ربوعـن موديـن=ولا خير في بعدن وهجر ومراره
واختم جوابي وارسل الرد ياحسين=وصلو علي المختار ليل ونهـاره [/poem]