بسم الله الرحمن الرحيم



http://up3.m5zn.com/get-8-2008-bkzlatzkamu.jpg




[poem=font="Arial,5,blue,normal,normal" bkcolor="transparent" bkimage="" border="none,4," type=0 line=1 align=center use=ex num="0,black"]
احمد الخياط=
مرحبا كل عام ومرحبا كل ليله=قلتها للبعيد وقلتها للموالي
امن بغى يجتهد بالوقفه المستحيله=يلتفت للجنوب ويلتفت للشمالي


محسن الدوسري=
البقا يالمرحب والليالي طويله=بين سود الليال وبين بيض الليالي
كل شاعر من الشعار في يديه حيله= رحمة الله على اللي موقعه في العوالي


احمد الخياط=
انت رجال فرق له رجال وقبيله=قالها اللي يفرق في حرام وحلالي
من نوى للحرايب شب راس الفتيله=والمواقف لاهلها يابوزيد الهلالي


محسن الدوسري=
البحر من يقيسه والجبل من يشيله=لو تهب الهبايب ماتهز الجبالي
انت ودك تشب النار باهون وسيله=وكان شابت بدون اسباب ياهملالي


احمد الخياط=
من زرع حنظليله لا جنا حنظليله=والليالي تخالف بين مر وحااالي
لاتبيع الذهب بين النفوس الغليله=وان عصيت الاوامر ماانت عمي وخالي


محسن الدوسري=
علم اللي زرعها بين فصل وفصيله=عيف دم البعير وجيب دم الغزالي
انت مانت بولي العرش ولا وكيله= قلت رايك وانا لي راي بين الرجالي


احمد الخياط=
احد عاش بمعزه واحد عاش بفشيله=لا تضيع الحمول اللي بظهر الجمالي
كل ليله تعنى مير مامن حصيله=وان نشدتك تقوله سالم براسمالي


محسن الدوسري=
خل حكمك لنفسك والكثيره قليله=منت حضرة وزير ولانت حضرة معالي
مادخلنا بسوق امجمعين البليله=بيعنا بالجنيه وشرينا بالريالي


احمد الخياط=
انت مثلك عن الدنيا عسى الله يزيله=لوتعقد الحبال نفل عقد الحبالي
راح فاروق عن مصر العزيزه ونيله=ذاق طعم المهانه والزمن فيه مالي


محسن الدوسري=
يشهدون الرجال ان الدعاء للحليله=ودعاء ماذبح سرحان يابو جلالي
الرجال اتعرفني زين ويش احكيله=وانت ونات يوم تون حاديك صالي[/poem]





:flower2: