ديوان الشاعر نواف منور العازمي حصرياّ في هوازن
 

السلام عليكم ورحمة الله

لم يسجل المرحوم بأي منتدى سوا هوازن الذي خصها بقصائدة ومحاوراتة
فقد كان متواجد معنا بصوتية هوازن ولعب المحاورة مع عدد من الشعراء
وسجل بمنتدى هوازن لطلب الاخ مدير المنتدى نايف بن دغام
كتب قصيدة واراد ان يوثقه على شبكة الانتر نت فقط في هوازن فقد رفض الإنظمام لأي موقع ولأي منتدى والدليل موجود لدينا
وقد عمل مع منتدى هوازن لقاء مطول تجدونه بعيون الشعر
هذا وقد توفى الشاعر
في يوم الاربعاء الموافق 19_ 9_2007م في منطقة ميناء عبدالله في دولة الكويت

وهنا كلامه عندما سجل بمنتدى هوازن بكتابة يده



السلام عليكم ورحمة الله
تلقيت دعوة عزيزة من شخص عزيز وهو صاحب المنتدى
وأفتخر بانضمامى لمنتديات هوازن العرب
الشاعر : نواف منور العازمى
رابط الموضوع
http://www.hwazn.com/vb/showthread.php?t=1370


ومنا للفقيد رحمة الله عمل هذا الديوان لقصائدة

http://bajeelah.net/up/uploads/10c9aa31ee.jpg

قليلين الحيا


http://www.alamalyawm.com/ArticleIma...YGZYSWPYLV.jpg

[poem=font="Simplified Arabic,5,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
قليلين الحيا
فقدنا قليلين الحيا مابقا كود انت=شريدتهم انت الله يشيلك عن الديره
على شذبت المقفي وسب الرفيق ادمنت=تعذرب بهرجك طيب العرف والسيره
تخوجل بمنطوقك تدلع تدلع بنت=وقالولي انك تستشير اختك منيره
بوقت السعه شاعر وفاهم وكنت وكنت= وبااللازمه جون تطارد معاصيره
يغرك كلامي يوم اقوللك نوب احسنت=وانا اطفيبها اعيون اهل الحقد والغيره
انا مستعد اني لردك مثل ماكنت= على اسمك ووسمك مع هل البر والديره
ترى العلم الاخر كان شان الزمان وشنت=ترى علمك اللي تذكره مايحصل غيره
اذا اوعدت ماتافي واندورك ماعينت= معايير وانته وش تبي غير هاالعيره
وانا صح عن بعض الطواريق قد دينت=واذا اذنبت فيك الذنب تقفاه تكفيره [/poem]

[poem=font="Simplified Arabic,5,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
يانفس

يانفس طاوعتك امـرار وتراديـد=واليا بغيت لـك طريـق مشيتـه
امشي بشفك ما حسبت المناقيـد=مانام ليل ولازمـك مـا قضيتـه
واليا طلبتي شي من دون تحديـد=بالجـاه والا بالدراهـم شريتـه
مدللك عن منتك زيـد وعبيـد=وابوي مثل رضاي لك ما رضيتـه
بقيت في حكمك كما العبد للسيد=ماشي ورايك ماذكر اني عصيتـه
ابي الخلاص وياخذ الامر ويزيـد=ان طعت لامرك كل ليل سريتـه
اثرك عدوه ما ورى تبعتك فيـد=غدرك تبين لي وانـا مـا هقيتـه
ما شفت منك الا مشاكل وتنكيد=وقطع المصالح والتعـب كمبليتـه
والنفس مثل الورع تفطم عن الديد=وعزالله انـي تـو طبـك لقيتـه
الصبر سويته مع العزم لـك قيـد=والله يساعدني علـى مـا نويتـه[/poem]

[poem=font="Simplified Arabic,5,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
لاوهنيك باالغلا

لا واهنيك باالغلا وانت ضدي=وشلون لونك بصفي على طول
ماهو بودي يوم امر امتعدي=والله من اللي بيني وبينك يحول
اخاف من نظرة اعيونن تلدي=ومطالعات احويل بعيونه الحول
بيني وبين اسرار حبي تحدي=الين صار الطبع والطبع ميزول
محدن درى عني ولاباح سدي=وواواصل الغارات واصول واجول
واطوي مسافة خايعن مجرهدي=واقضي اشغالي وانا معك مشغول
ومعلي اللي يجيب الكلام ويودي=لاجبتلك سيره ولاارسلت مرسول
ان مر زولك دايم اغضي واصدي=وانا بقلبي ياحبيبي يهازول
يابو جديلن فوق متنه يكدي=جميل من كل النواحي ومجمول
عذبتني والحال صار متردي=تراك عن ماصار باالحال مسؤول
جحدت حبك لين بيحت سدي=واليوم ابشرح ماحصلي وابقول
صبرت يالبين العن جد جدي=لقيت بعض الصبر ماهوب معقول
ونصرت قدك باالغلا وانت قدي=لو قالو العذال اباقول يحول
والله مدري من عليه اببدي=ماله وجود ولغز ماهوب محلول [/poem]

[poem=font="Simplified Arabic,5,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
حمام الحدايق

جيته وبلغته بكل الحقايق=وقلت الله الله فيك مغرم ومفتون
ولازلت احاولبك بكل الطرايق=وانا حذر ماودي الناس يدرون
وعندي على حبي جميع الوثايق=اطلب وانا جاهز وحاظر وممنون
اضحك وانا فيني تشب الحرايق=زودن على مابي من الهود واطعون
من عذرك اللي صار ماهوب لايق=ابغاك عون وصرت باالعكس فرعون
الحقت جرح العام الاول لحايق=بحرج اضروف الوقت عني تصدون
جيت ابتسم واضحك ورحت امتضايق=والله ماحسبها تجي منك هلون
وان سهل الله ياحمام الحدايق=اباتقضى منك وابليس ملعون

وسلامتكم الشاعر نواف منور العازمي [/poem]

[poem=font="Simplified Arabic,5,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
الحرار الصواريم

ودك يصير الرجل عراف وافهيم=مايقول داري واهو ماهوب داري
واليا نشد عن شي يستخدم الميم=ماشفت ماعينت مالاح طاري
والطيب من بين النشاما مقاسيم=اللي عليهن حمل واللي عواري
لاكن قل المال لرجل تحطيم=لوكان يطريله ثمانين طاري
عشقن طلع في وادي الهيم للهيم=دربي يمين ونبت عشبه يساري
ومن صارله حاجه ورى برطم شريم=ينزل لرغباته نزول اضطراري
ويحطله طيبن مزيف وترهيم=مع تحدث في سلوكن حظاري
ماهو على شانه يفك المجاهيم=له حصتن فا الآهلي والتجاري
وقتن تغير فيه بعض المفاهيم=فيه العدو مثل الصديق المباري
وقل الصحيح وقايله واصح يانيم=وساد الكلام اللي من الصح عاري
الا ويصحب كلمة الحق تعتيم=فعلا وانا سامع وشايف وقاري
لكن عزيز النفس مايقبل الضيم=ماني على الدون والدون ضاري
ولا ابغى من الناقص حفاوه وتكريم=لو صرت في بعض الامور انتحاري
اجزع كما تجزع حرارن صواريم=والخوف ماطول عمار الحباري
للكل مقدارن وللكل تقييم=ولاني لعميان البصيره مداري
للأسئله ياسين للأجوبه جيم=هذاك ذاك وذاك ذيب الغداري
وعلى الرسول افضل صلاتن وتسليم=شهادتن لله تشهد اجهاري

وسلامتكم الشاعر نواف منور العازمي [/poem]

[poem=font="Simplified Arabic,5,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
المحترم يفرض عليك احترامه


ماني الوحيد اللي خواله عمامه=لاكن بليا عم جالي ولد عم
سلمت منها لو مالي سلامه=الرجل من هول الزمان يتعلم
وطيبن لمن لايستحقه رخامه=مثل الذي لاقال اله قول ماتم
والبحر لولا غبته واللتطامه=ماصارله هيبه ولاصارله جم
والناس لو تدري بهول القيامه=ماشفت قطع الوصل باالحم والدم
وبنين بلاساسن سريعن هدامه=لازم تبيّن خلته ويتهدم
ولون بوجيه الاوادم علامه=يعرفبها واف الخصايل من الرم
ماكان يخدعك الهبود بكلامه=ثم قلت ياطيب الولد لاتكلم
باالهرج اشد من الهلالي سلامه=وعلى الصحن قدم الضيوف يتقدم
زاح الصحن يمه وقرب ايدامه=سما واكل لو كان ماقلتله سم
والرجل مهما كان يرفع مقامه=والخير كمن خص والشر كم عم
من يحترم نفسه يزود احترامه=ويشاف باالعين الجليله ويحشم
بس الخمامه غصب يبقا خمامه=يحكم عليه الوقت والناس تحكم
لو لبس من غالي العمايم اعمامه=سرجن على ثورن ثبارن معم عم
لاكبر راس الثور يكبر سنامه=الحصن تفهق والكديش يتقدم
والعد حوّل فوق جاله مقامه=اقرش من الطي الرفيع وتصرم
ويين الشجيع اللي يجود احزامه=اللي جويدن محزمه ويتحيزم
لاكن عسى حسن العمل هو ختامه=الله يغفر ذنبنا ثم يرحم
قدر شراب الآدمي مع طعامه=هذا محلله وهذا محرم
اعوذبه عن كل ضلم وضلامه=وعن حوبت المضلوم واشرار ضالم
وعلى النبي صلاة ربي ختامه=محمد عليه الله وماصلي وسلم

وسلامتكم نواف منور العازمي [/poem]


[poem=font="Simplified Arabic,5,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
شيوخ القبايل
عقدن يحل وعقد ماهوب محلول=تحير من دونه جميع الوسايل
قالم يحل وقلت ماهوب معقول=الحل والله دونه الياس حايل
قالو علامك قلت طيب ومعلول=مشاكلن تبغالها شرح طايل
قالو محبه قلت حبيت مجمول=الحب ماعيّب شيوخ القبايل
قالو وش اسمه قلت ذا شي مجهول=اما اسكتم ولا على ماني قايل
قالم تقول وقلت عزالله اقول=لاواهني حايل بسكان حايل
لاوكنت في جون خلا مابه الزول=ترى الخلا طب القلوب العلايل

وسلامتكم الشاعر نواف منور العازمي [/poem][SIZE="4"]



[poem=font="Simplified Arabic,5,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
ياخذني الطاري ليـا ذعـذع النـود=والامـر مـن رب العبـاد استمـده
واقول ياقلـب مـن الـود ملهـود=هـرج تحـس انـه يضايقـك بـده
الارض قاع وفوقهـا بـرق ورعـود=ونزل السما ماله عـن الارض صـده
والسيل جرحه يبعث زهـور واورود=لاتقول عقب الجـرح مابـه مـوده
انته ربيـع القلـب ياناعـم العـود=لـو ان قلـب تاخـذه مـا تـرده
ماتشوف قلبي بيـن اياديـك مولـود=وقلبك بلشنـا بيـن مزحـه وجـده
ماترحم اللي جرحه عيونـك السـود=ومخفي جرحـه عـن النـاس مـده
وانا صبر وكـل صبـر لـه حـدود=واخر قراري حاجز الصمـت اهـده
واقع ولي فالصمت غايـه ومقصـود=والصدق سيف يقطع الفطر حده
طالت مشاويـري وطـال العنـا زود=من الكويت اسري واصابـح بجـده
يمشي قدم رجلي على الهون والكـود=واثبـت براهيـن المـوده بـشـده
واليا طلبت شهود جبنالـك شهـود=انـي مسافـر بيـن روحــه ورده
احيان مثل اللي ورى السرب مـردود=ضامي ودون السرب جا مـن يـرده
واحيان اقول اني من العقـل مجـرود=البحر ما افرق بيـن جـزره ومـده
ومن طبعي اخشى هرج حاسد ومحسود=وماحب من يبدي على النـاس سـده
واحيان اقول الباب مغلق ومسـدود=مع واحد نـور القمـر مثـل خـده
واحيان اقول لنـا مواثيـق وعهـود=بينـي وبينـه جـا كـلام نـعـده
راع الهوى مابين صاحـي ومصلـود=لـو قـال يالله السـلامـه مــرده
واحيان اقول انـي مغربـل ومقـرود=عـرف عسـى تاليـه ربـي يصـده
لاشافـي قلبـي ولا حاصـل فـود=لاواهـنـي مكبـريـن الـمـخـده [/poem]



[poem=font="Simplified Arabic,5,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
الزيـن ياسعـود مشغولـن تلفونـه=والظاهر انه بعـد ياسعـود عطلانـي
أدق عشريـن مـرّه مـا يشيلـونـه=ياسعود ماكن وسط البيـت عربانـي
رحت أتنشد عنـه ناسـن يعرفونـه=قالوا عشيـرك لقالـه واحـد ثانـي
قلت الله أكبر ماصدق مـا تقولونـه=ماهوب حقن لطيف الـروح ينسانـي
دقيت فـي شارعـه رمـزن يعرفونـه=وصدفه طلع لي وهو ضايق وزعلانـي
وقلت أنت وشفيك وجهك مختلف لونه=بالله وش مزعلـك يااعـز خـلانـي
قال انزعج كـن بيتـي مـا تدلونـه=سيّر على البيت لو تنشد عن اخوانـي
ماهـوب لازم تلفـونـي تدقـونـه=لابد تنشـد مـادام الخـط عطلانـي
ياسعـود علمتهـا بهرجـن يقولونـه=وياسعود علمتها فـي كـل ماجانـي
قال الحسد طبع ناسـن مـا يخلونـه=وشلون تصدق لعدوانـك وعدوانـي
شرّع لـي البـاب العالـم يشوفونـه=نسى المذلـه بعـد عمـري وجدّأنـي
وسولفت والكابرس يمشي على هونـه=مع التقاطع ورى اشـارات خيطانـي [/poem]


[poem=font="Simplified Arabic,5,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
الله من قلب همومـه غـدت بـه=مثل الهبوب اليا غدت فالقراطيس
من بين هدفات الظلوع انتحت به=وعزي لمن كثرت عليه الهواجيس
ان نمت من بين الحشى غادرت به=بحلوم ليـل تلتجيهـا كوابيـس
وعلى محيطات البحور احذفت به=وامسي بجم ما تجيـه الغواطيـس
اهموم قلبي حبته واسكنـت بـه=بنت لها بنـي مثبـت بتاسيـس
على عشير الي بعـد قربـت بـه=ابعد لياهو بعد لنـدن وباريـس
ما قربت سود الليالي غـدت بـه=واقفت بغض العود زين الملابيـس
شمل الهوى من بيننـا شتـت بـه=وردت يديني من عشيري مفاليس
جسم نحل وانهار ما فكـرت بـه=ولا حسها مثلي عليها حواسيـس
اسهر وسهري كنها ما درت بـه=يجهل عناي ابو العيون النواعيـس
مدري كلام اهل الحسد صدقت به=اهل الحظوظ الراديات الهلابيـس
نفاقهم يوم اهرجوه اقنعـت بـه=اللي ورى سلم المحبه جواسيـس
او رايها من عندهـا قـررت بـه=مدري تبي تكسب بهجري نواميس[/poem]


وهنا قصيدة وعد بها المنتدى عندما فتح الموضوع بقسم الشعر
ولم تكتمل القصيدة لوفاتة



السلام عليكم ورحمة الله

أشادة بمنتديات هوازن الشامخه

من نواف بن منور العازمي , الذى لم يسجل سوا فى هذا المنتدى

والسموحه عن الأنقطاع وذالك لظروف وحكم ( المحاوره التى أخذت معظم وقتى )

أعدكم بأخر قصيدى والذى لم ينشر الى الأن وأخص به منتدى هوازن

بالساعات القريبه أن شاء الله

الله واكبر تطلع الشمس وتغيب / واعوذ به من كل ذنبٍ جنيته

رابط الموضوع
http://www.hwazn.com/vb/showthread.php?t=22027







آللهم أرحمه وأسكنه فسيح جناتك
آللهم باعد بينه وبين خطاياه كما باعدت بين المشرق والمغرب
اللهم نقه من الخطايا والذنوب كما ينقى الثوب الأبيض من الدنس
اللهم اغسله بالثلج والماء والبرد
اللهم أبدله داراً خيراً من داره وأهلاً خيراً من أهله
اللهم اجمعنا وإياه في مستقر رحمتك
اللهم انا نسالك باسمك الاعظم ان توسع مدخله
اللهم آنس في القبر وحشته
اللهم ثبته عند السؤال
اللهم لقنه حجته
اللهم باعد القبر عن جنباته
اللهم اكفه فتنة القبر
اللهم اكفه ضمة القبر
اللهم اجعله روضة من رياض الجنة ولا تجعله حفرة من حفر النار
اللهم إن كان محسنًا فزد في إحسانه، وإن كان مسيئًا فتجاوز عن سيئاته
اللهم افتح عليه نافذة من الجنة0 واجعل قبره روضة من رياضها
اللهم شفع فيه محمد صلى الله عليه وسلم
اللهم أورده الظلل وألبسه الحلل واسقه من حوض نبيك شربة هنيئة مريئة لايظمأ بعدها أبدا ..



اللهم وأنزل السكينة على أبنائه وأهله ومحبيه

اللهم اجبر المصاب وعظم الأجور

رحمه الله وأسكنه فسيح جناته

الله يرحمه
وشكرا لكم على وضع الديوان

آللهم أرحمه وأسكنه فسيح جناتك

آللهم أرحمه وأسكنه فسيح جناتك
آللهم باعد بينه وبين خطاياه كما باعدت بين المشرق والمغرب
اللهم نقه من الخطايا والذنوب كما ينقى الثوب الأبيض من الدنس
اللهم اغسله بالثلج والماء والبرد
اللهم أبدله داراً خيراً من داره وأهلاً خيراً من أهله
اللهم اجمعنا وإياه في مستقر رحمتك
اللهم انا نسالك باسمك الاعظم ان توسع مدخله
اللهم آنس في القبر وحشته
اللهم ثبته عند السؤال
اللهم لقنه حجته
اللهم باعد القبر عن جنباته

آللهم أرحمه وأسكنه فسيح جناتك

الله يرحمه ويغفرله ذنوبه ويسكنه الجنه


آمين

آللهم أرحمه وأسكنه فسيح جناتك

بارك الله فيكم

ورحم الله نواف منور

آللهم أرحمه وأسكنه فسيح جناتك