منتدى هوازن

منتدى هوازن (http://www.hwazn.com/vb/index.php)
-   قسم الرقية الشرعية (http://www.hwazn.com/vb/forumdisplay.php?f=146)
-   -   عرق سويحلي وخرز وكتب سحر سؤال للمشرفين (http://www.hwazn.com/vb/showthread.php?t=119418)

أســــــــعد 25-09-08 03:45 PM

عرق سويحلي وخرز وكتب سحر سؤال للمشرفين
 
السلام عليكم ورحمة لله وبركاته
سمعت عن منتداكم عن طريق القوقل كتبت كلمة عرق السواحل لانه كلمة البحث ومشكلتي
وطلع لي منتدى هوازن فسم الجن دخلت للقسم ما اعجبني مالقيت شيوخ ومتخصصين
ولقيت فوق قسم الرقية الشرعية وفرحت ولله لعظيم

السؤال للمشر فين اتمنى يفيدوني

اخوي اللي اصغر مني عمره 35 وانا عمري 44 كويتي مسلم من اهل السنة والحمد لله

اخوي هويتة الخرز والخواتم وكتب السحر
ويمتلكهم يملك خرز من جميع البلدان بقيمة 10000دينار مايهمه الفلوس يقط بس على اللي يبيه

يمكن 8 سنوات وهذي حالته

متزوج للحين كل مانقوله تزوج قال مابي مابي فكوني

حسيت بالنهايه ان اطباعه غريبه
والله العظيم مره شفته قي حجرت امولع شموع حمراء ويتمتم مادري شيقول
المهم طلعت من الحجره بعد ما صرفني

قلت لازم اتقرب منه اكثر واكثر علشان اشوف شسالفت الخرز والكتب والحركات الغريبة

مره من المرات دخلت عليه وسلمت وقلتله ياخوك انا خوك العود فاتحني شنو سالفة الخرز والكتب
فتحلي صدره وقالي

هذا خرز المحبه حق البنات.... تعديل المشاركه من قبل المشرف

وقالي هذي خرزة الحية شريتها ب 500 دينار

وقالي هذا عظمة الهدهد لكذا وكذا

وهذا ناب الضبع لكذا وكذا

وهذا اهم شي عندي عرق السواحل ورانياه عودين لونهم دارسيني ملفوفين بخيط اخضر
قالي هذا العرق للهيبه والرزق و و و و وشرتة من عماني ب 4000 دينار والعرق شغال

وقاعد يقول ويقول
قلتله والمكتبه شنو فيها قالي كتب ابو معشر وووو والله ماحفظة اسمائهم من كثرهم

قعدت وياه لصلاة الفجر وطلعت

الحين انا اقدر على اخوي وشخصيتي تأثر فيه وعندي القدره على تنظيف حجرته من الخرابيط هذي

السؤال للمشرفين

شنو اسوي بالخرز والكتب اقدر اخذهم وهو طالع لربعه لكن اخاف في الكتب والخرز شئ يأذيني
صراحه خايف
شنو العمل ياجماعه شنو سوي فيهم وحنا من عائله مسلمه اهل ذكر وصلاة ومانحب الخرافات
شسوي فيهم
ابيعهم
احرقهم
ارميهم بالبحر

قلت لازم استشارت شيخ مختص

تكفون ساعدوني

ابو منصوزر 25-09-08 04:48 PM

انصحك تبيعهم وتتقي شرهم

الحميدي العبدلي 26-09-08 01:57 AM

لاتتصرف فيهم يمكن العرج عليه جان موكل فيه وايضا الخرز

انتظر المشرفين يفيدونك

سواد الليل 26-09-08 02:33 AM

انتظر الرقاة هنا اخي ولاتستمع لشخص عادي

ابو عبد الهادي 27-09-08 12:47 AM

اخي الكريم الخرز والكتب الموجوده على قولتك من الممكن انها تحمل جن
انتظر فلا تستعج التصرف
لان الكتب كما سمعت من مشايخ انها تحرق لاكن الخرز كيف يحرق

وشكرا لغيرتك على اخوك بارك الله فيك

الريح الاحمر 27-09-08 04:22 AM

السلام عليكم

اخي السائل كما قال اهل العلم بالنسبه للكتب أقرأ آية الكرسي3 والمعوذات3 واحرقهم
بالنسبه للخرز وخصوصا عرق السواحل لاتتصرف به لان به جان خادم موكل به

تعديل المشاركه من قبل مشرف القسم
وجزاك الله خير

وحذر اخيك عن طريقة الشموع الحمراء فأنها لتحضير الجان

أبوسند 27-09-08 02:08 PM

وعليكم السلام ورحمة الله وبركاته

حياك الله أخي في منتداك وبين إخوانك
أخي العزيز لاتتصرف بالكتب والخرز وذهب بها إلى أحد الرقاة المتخصصين بالرقية الشرعية
لكي لا يصيبك أذا من الجان وهو يقوم بحرق الكتب والتصرف بالخرز ولا يجوز لكم بيع الكتب والخرز
ولا إعطائها السحرة

وخبر أخوك أن من ترك شيء لله عوضه الله خير منه وإعنه على التخلص من هذا الخطر العظيم الذي يهدد إسلامه إن لم يتوب ويعود عن هذي الشركيات
وعليك بنصح أخوك فالتعامل بهذي الكتب والخرز ليس حرام فقط بال شرك بالله عز وجل
لما فيه من تقرب وستعانه بالشياطين

وبين له خطر ما يقوم به على نفسه وإسرته وجعل أحد من أهل الدين والصلاح يبين له خطر ماهو عليه فهذي الكتب فيها طلاسم وستعانه بالشياطين والشياطين لاتخدم الإنسان إلا إذا أشرك بالله وذبح لغير الله وستعانه بهم وعبدهم
والعياذ بالله
وأرجو منك مراجعت هذا الرابط


إضغط هنا

أبوسند 27-09-08 02:23 PM

اقتباس:

المشاركة الأصلية كتبت بواسطة الريح الاحمر (المشاركة 1270208)
السلام عليكم

اخي السائل كما قال اهل العلم بالنسبه للكتب أقرأ آية الكرسي3 والمعوذات3 واحرقهم
بالنسبه للخرز وخصوصا عرق السواحل لاتتصرف به لان به جان خادم موكل به

تعديل المشاركه من قبل مشرف القسم
وجزاك الله خير

وحذر اخيك عن طريقة الشموع الحمراء فأنها لتحضير الجان

وعليكم السلام ورحمة الله وبركاته


أخي الكريم تم تعديل مشاركتك
إتقي الله في نفسك ولا تدس السم بالعسل

أســــــــعد 27-09-08 04:38 PM

الله يجزاك خير ياشيخنا الفاضل ابوسند وبارك الله فيك وجزاك لله الجنة بحق هذا الشهر الفضيل

اخذت الاغراض كلها وحطيتها بدبة سيارتي وصارت صجه ولجه وتكفل الشايب لله يطول في عمره ان يعكي اخوي مبلغ كبير من المال مقابل الخزعبلات هذي

على نصيحتك راح اخذ الاغراض للشيخ الحداد هذي اللي اسمع فيه عندنا بالكويت

وجزاك الله خير

أبوسند 07-07-09 12:57 PM

اقتباس:

المشاركة الأصلية كتبت بواسطة أســــــــعد (المشاركة 1270416)
الله يجزاك خير يابوسند وبارك الله فيك وجزاك لله الجنة بحق هذا الشهر الفضيل

اخذت الاغراض كلها وحطيتها بدبة سيارتي وصارت صجه ولجه وتكفل الشايب لله يطول في عمره ان يعكي اخوي مبلغ كبير من المال مقابل الخزعبلات هذي

على نصيحتك راح اخذ الاغراض للشيخ الحداد هذي اللي اسمع فيه عندنا بالكويت

وجزاك الله خير

الله يجزاكم بالمثل
والله يهدي أخوك إلى طريق الخير والصلاح
والله يكفيكم شر كل ذي شر
والله يجزي والدك خير الجزاء والله يحفظه ويعطيه طول العمر وحسن العمل
والحمد لله الذي بنعمة تتم الصالحات


الساعة الآن 09:02 AM.

Powered by vBulletin Version 3.8.7
Copyright ©2000 - 2024, Jelsoft Enterprises Ltd
Translation by Support-ar