( من واقع الذكرى)
 

[poem=font="simplified arabic,5,firebrick,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
من واقع الذكـرى ومـن ذيـك الايـام=ابيـات سطرهـا القلـم فـي كتـابـه
صوت المشاعر في صدى طيف الاحلام=عنوانهـا الثابـت خـيـال التشـابـه
غايـات مصدرهاالحقيقـه والاوهــام=نهـج التناقـض يحتويـهـا جنـابـه
فيها عزى الماضي على صوت الانغام=تجاذبـه همـس القصـيـد وغـدابـه
واستقبلـه عاشـق ذعاذيـع الانـسـام=بحسـاس تفكيـر الـغـرام انتشـابـه
استلطفـه واحيـاه بحسـاس والـهـام=بحـلا عبـارات الهـوى وانتسـابـه
وارسل رسول الصمت لوحـه ورسـام=تحكي عـن الماضـي هنـاه وعذابـه
عـن حـب سلمتـه حيـاتـي ولا دام=وانا مـن اول كنـت اقـود الرجابـه
يامن ملكت الـروح عـامٍ بعـد عـام=وش بـدل ايــام الهـنـا بالكئـابـه
ويـن الحنـان وهمستـك والتبـسـام=وصوتـك بليلـه ممطـره والدعابـه
وذاك الجبين اللـي لـه القلـب مقـدام=اشتاقلـه شـوق الحبـايـب وهـابـه
ايام كنـت اصحـى بطاريـك وانـام=مانفتـرق والحـب بــأول شبـابـه
ماكنـت احسـب ان المقاديـر قــدام=تهـد قصـر الحـب وتصـك بـابـه
جلست مـع نفسـي ونكسـت الاعـلام=وقلـت آه مـن يقـدر يسـد بغيـابـه
وجاني صدى الذكرى للحسـاس سـوام=يردنـي للـي بقـى مــن سـرابـه [/poem]