رساله من بدويه
 

[poem=font="simplified arabic,5,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]

تعال بشرح لك أنا كل مغلوق
تعال شاهدني مع ذكرياتي
لا .. لا يغرك لبس موضة ومسحوق
إنفض غبار الوقت تلقى صفاتي
قرب وطالع ، معّن الشوف بحدوق
وزيف التطور جرده من حياتي
بتشوف في وجهي من الماضي اطروق
أخذت من بطن الصحاري صفاتي
طفلة بثوب مخيطينه ومفتوق
تنطر جديد الثوب بالعيد ياتي
سمعت أطراف أخبار عن كلمة السوق
وتاخذ وتسأل !!..هو وجوده ثباتي ؟
طفلة سحبها الوقت للهم برفوق
حتى انها صارت من العاشقاتي
وجار الزمن وعرض الحب للعوق
شرق ركايبها وهم مشملاتي
واتلا عهدها فيه يركض ورا نوق
مسرود جيب وفي يدينه عصاتي
ويصد ، لكن يلتفت لي من الشوق
عجلان يلخصني بعين تحاتي
وقفى وخطواته يتلن معلوق
وخلاني ما تنقل عظامي عباتي
ودار الزمان ولا مشى الحظ بوفوق
وما زلت أخفي بالظلام اعبراتي
ولا زلت أنا ألعب له على كل طاروق
حتى يجيب الله موعد وفاتي [/poem]