أمن الوله خاطري في غيبتك ضايق ... جديده
 

السلام عليكم ورحمة الله وبركاته

اقدم لاعضاء وزوار الصرح الشامخ القصيده وعسى ان ترتقي لذائقتكم


[poem=font=",6,,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]

أمن الوله خاطري في غيبتك ضايق = والضيق حمله ثقيل ولا أقدر أطيقه

والضيق ماهو على ياصاحبي لايق = ماني متعود أعيش الوقت في ضيقه

وانا الذي جيت لك لمحبتك تايق = ياحلمي اللي صعب وياي تحقيقه

ياكثر ماشتاق لك والشوق لك شايق = ومن كثر ماشتاق لك شوقي نشف ريقه

تنام ليلك وانا في ليلتي فايق = لو كنت مثلي سهرت الليل وتفيقه

ولو كنت ذايق مثل ماصاحبك ذايق = فتحت باب الوصل من بعد تغليقه

شفني مابين الرجا والياس متضايق = وعلقتني في غيابك خوش تعليقه

لو كنت في غيبتك ياصاحبي رايق = ماكان غنا على حزني طواريقه

والحين وان كنت منت لحالتي ضايق = الله حسيبك .. بعيش الوقت في ضيقه[/poem]

صححححححححححح السانك

وش هالقصيد الجززززززززززززل

الله يحفظ والدك ويطيل بعمره

صح الله السانك


جزل مليون مره وافي

مايجيب الا الجزلات

صح السانك على القصيدة الطيبه


جزل ووافي طال عمرك


لاهنت ،،،

الله الله الله يابن جبهان

مبدع وجزل

لله درك على هالجزاله

ياكثر ماشتاق لك والشوق لك شايـق
ومن كثر ماشتاق لك شوقي نشف ريقه
تنام ليلـك وانـا فـي ليلتـي فايـق
لو كنت مثلي سهرت الليـل وتفيقـه



مبدع والله يا خالد

صح الله السانك واعتلا شانك وجاد بنانك