|
الشاعر عوض الدواي نبذه عنه وبعض محاوراته وقصائده
الشاعر الكبير عوض الدواي حيث انه لم ياخذ حقه اعلاميا وانما ما زال ذكره بيننا بقوى الدفع الذي كان هو عليه والتي ما زالت حتى وقتنا هذا وهو يعرف بشجاعته وفراسته هذا عن شخصيته وشاعر لا يشق له غبار في المحاوره والسجال الشعري والقصيد بشكل عام ولكن وللاسف الشديد لم ينستطع جمع الكثير من ما قاله هذا الشاعر الفذ ما ياهلنا الى اصداره في كتاب ولكن نسال الله الاعانه على ذلك وان يكون هذا الامر بمساعدتكم.
الشاعر في سطور فاقول مستعيننا بالله: هوالشاعر عوض بن جمعان بن مرزوق بن عبدالله الدواي وهو من عائله عانقة الشعر فاخوته الاثنان شعراء اعلام وهم تويم بن جمعان الدواي (والد الشاعر سالم بن تويم) وسالم بن جمعان الدواي (ابا الظهور) وجاء من بعدهم عبدالله بن تويم الدواي شاعر فذ لم يصلنا من قصيده الكثير والشاعر العلم سالم بن تويم الدواي رحمهم الله جميعا. وعوض الدواي من الشعراء البارزين على مستوى الكويت والخليج العربي وهو من اقوى شعراء الرديات وله رديات قويه مع شعراء اخرين ومشهوره والكل يعرفها وورد في ديوان الرجاوي(الشاعر رجا الفزير ) هذه الترجمه له ((هو الشاعر عوض بن جمعان بن مرزوق الدواي العازمي ولد عام 1909م وتوفى 4-2-1971برز اسمه كشاعر مميز اتصفت الفاضه بالقوه والجراه والجمال واكتسب سمعه طيبه في الرديات الشعريه حيث كان ندا شرسا لبعض الشعراء وله صولات وجولات في هذا لا يتسع المجال لذكرها )) وله الكثير من القصائد المنشوره كقصيدته المشهوره التي يقول في مطلعها يا ليتني ماوقت راس الطويله التي نشرت في ديوان الشاعر سالم بن تويم ط 1976م ص 222 وقصيدته في الغوص التي نشرت في كتاب اعلام الغوص عند العوازم لطلال الرميضي ص 110 ============ ولقب الشاعر عوض الدواي من جمهور القلطه والمحاوره بـــ((عويـــضه)) =========== ======= باب القصائد والرديات قال الشاعر عوض الدواي في الغوص مخاطبا صديقه الغيص نصار بن دودان العازمي وهو صغير سن وكانت تلك اول موسم غوص له فقال له عوض ينصحه: يابن دودان كان الرجم ودك تومي به=لا تقطر هواك في صافيات الغبيـب ودك ان الولد ياخذ نصيحة صحيبـه=لاتخاوي المزيني يا ردي النصيـب يقصد بالمزيني السمك الصغير وهنا ينصحه بمصاحبة كبار القوم ملاحظه: وردت هذه الابيات في كتاب اخونا الفاضل طلال الرميضي اعلام الغوص الا ان هناك غلط بسيط وهو كلمة رفيجه مكان صحيبه وهذا هو الصواب والله اعلم. --------------------------- ولكم هذه القصه وابياتها: في احد الايام وتقريبا في سنة 1968 كانت هناك محاوره بين الشاعر الكبير سالم بن تويم الدواي وبين الشاعر المعروف خلف هذال العتيبي ايام ما كان يعمل بالكويت وبعد طاروق قوي بينهم وطويل جاء الشاعر عوض الدواي ليرى ابن اخيه سالم وهو يلعب وجلس في مقدمة الحضور وشاهده الشاعر خلف بن هذا وكان يسمع في الشاعر عوض ويود ان يلعب معه ولم يحصل له ان لعب من قبل فطمع في ان ينتهز الفرصه وقال خلف: انت شاعر وبالطاروق اديـب=مير البلا من حاضر يمي وغاب ويقصد الشاعر عوض الدواي فرد عليه الشاعر سالم بن تويم: لا تحسب ان له عادتن عنها يغيب=مير انـا دونـك مثـل الحجـاب فجائه ماتمناه بما لا يتمناه وقال: لا تحسب انـي مغيبـن مستريـب=اقـرب عليـك مـن زرار الثيـاب يومك تحفر الجحر تحفره وانت ذيب=ماتـدري ان بداخـل الجحـر داب فقال خلف :اركد خلني احظر رد وارد عليك فقال العملاق عوض مافيه اركد عندك شئ هاته وقال: يوم جيتني تغطرف من قرد النصيب=جيتك هاذي ماحسبت لهـا حسـاب هالحين جر الحوض واشرب ياشريب=بسفرتن لاحساب فيهـا ولا عقـاب فانصرف الشاعر خلف من الميدان بما لا تشتهيه نفسه وهذه احد النماذج الشعريه للعملاق الراحل في الغزل: يا ليتنـي ماوقـت راس الطويلـه=واني قعـدت ويمهـا مـا تعنيـت اشـوى لقلـبٍ ضيـع الله دليـلـه=عن ويقة المرقاب يوم إني اكميـت الرجـم للمولـع قليـلٍ حصيـلـه=يبحث عليه جروح وقت التفاخيـت يزيـد شـره مـا يبـرد غليـلـه=ياليتني عن ويقت الرجـم صديـت حدتني الضيقه ورحـت اعـدي لـه=وافرح اليا منـي لراسـه تزلفيـت اقـول اذن العيـن تشبـح رحيلـه=هذي حظية خاطـري يـوم ظنيـت ويهمت في راس الطويل استخيلـه=ما شفت منه اشباش وارزنت واقفيت اقفيت فـي همـي فـؤادي يشيلـه=من الغضب لا نيب حـي ولا ميـت مثل الـذي بالقيـظ غـره صميلـه=في بارح الجوزا وعـج وعفاريـت يصفـق وكبـده باضمـا حنظليلـه=عز الله اني مثلـه اليـوم سويـت عليـك يـاراع العلـوم الجميـلـه=ياللي على شوفـك شفاوىولاجيـت ياعيـن حيـي كلـهـم والقبيـلـه=ليتك دريت بضيقتـي يـوم قفيـت نهـار عينـي كنـهـا مستذيـلـه=سبايبك يوم انـك ابعـدت وانحيـت اقنبقنيـب الذيـب واهـذل هذيلـه=لو قلت ابقعـد ساعـةٍ مـا تلزيـت لو عرضت لي كـل شقـره جديلـه=ماني ابلا سالي ولا عنـك سجيـت غديـت لـي بـد القبايـل نحيلـه=والله مـا غيـرك وليـفٍ تمنـيـت ارجيك رجو البـدو هـدب المخيلـهوالا ترجى راكـب الهجـن للبيـت يا ليتنـي ماوقـت راس الطويلـه=واني قعـدت ويمهـا مـا تعنيـت وقد قال هذه القصيده بعدما حن لدياره وهو عائدا من المملكه العربيه السعوديه بعد ان اهداه الملك فيصل بن عبدالعزيز رحمه الله بكره هديه على محاوره جرت له واعجب به الملك فاهداه بكره ولم استطع معرفت مع من او ماذا قال حتى اهداه هذه البكره والشاهد انه حن لدياره وهو في طريق عودته وتحديدا في الصمان فقال :- يابكرتي عن حصى الصمان هجي بي=مغير ضلعن يلـوح وفنتقـن خالـي بالله مليـت مــن دار التغريـبـي=عسى بـلاد التغـرب مالهـا والـي الي يبي القلب يقنب دونـه الذيبـي=ويسرب الشوف دونه من ورى الجالي والله لحسـج ولحـج بالعراقيـبـي=والمرفويه ليا جيـت العـرب تالـي تهنفلـي مثـل هنفـول الرعابيبـي=عقشن تخازر هواها بيـن الازوالـي ارفيلي الغيض لا حضبت محاضيبـي=ساعه وعقبه جميع الغيض ينجالـي توضيحات--- بكرتي:ناقه صغيره وهي مشتقه من بكر اي انها نحيفه وجميلة القوام فنتقن:الارض الجرداء الخاليه من البشر ويسرب:اي ان النظر يزغلل او لا يصل وهي ماخوذه من كلمة سراب لحسج ولحج بالعراقيبي:اي انه سيضربها بماخرة رجليه على خاصرتها حتى تسرع به والمرفويه:اي الراحه والرفاه تهنفلي :اي اركضي بي بسرعه وبي رشاقه عقشن:جميله وهذا الوصف يطلق على جمال الابل ارفيلي الغيض:اي اكضمي الغيض وبمعنى اخر تحملي الغضب وهذه قصه قديمه للشاعر العملاق عوض الدواي ففي احد الايام وتقريبا في الستينيات من القرن الماضي كان الشاعر عوض الدواي معزوم في ديوان الخطيم احد تجار الكويت وكان ايضا من الموجودين شخص اسمه مزيد الذيب المطيري وهو حديث عهد بالكويت اذ انه جاء للكويت في تلك الفتره قادم من الصمان وكم هو معروف ان الشاعر عوض الدواي قضى فتره في الصمان ولديه صدقات كثيره هناك فسال عوض مزيد الذيب عدة اساله عن تلك الديار واهلها واحوالهم وكان الذيب يجيبه بتثاقل وبعد العشاء قال مزيد الذيب للخطيم استاذنك عندي ابيات لعوض فقال مسموح فقال الذيب: وش ثورك علي يا حامـي الشيـب=تنشـد عليـلٍ ماتـداوى سجـايـاه ان كان تنشد يا عوض عن هل الذيب=شدوا من القرعـه يبـون المسنـاه هل الشجاعه والكـرم والمواجيـب............مفـقـود .............. فقال عوض مباشره ومن دون سابق تحضير: ماقيل في نشد الخلايـق عذاريـب=وليتك تركت مجمل اللعب فخبـاه وانا ليا كثـرة علـي اللواعيـب=سواة سيلٍ من ضرب جمـه ارواه وادخل على الله جندكم ما بها عيب=اهل المطايا الحمر وخيـلٍ محـذاه وانا من اللي يعطبون المضاريـب=الاد عطا يا جـا نهـار المثـاراه نطاحة الجمع الموالي ليـا هيـب=من سلـم منهـم واهنيـه هنيـاه وهذه رديه بين عوض الدواي وخالد بن مرمح بعد ان سقط في عمله واصيب في بعض الكسور وانيم بالمستشفى فارسل لعوض هذه الابيات: الا يـا نديـبـي فــوق حــرن زهــى المعـلـوق زهـــاه الـــدلال وزاهــيــن دل مـعـلـوقـه انـا شـف بالـي يـا عـوض خـاطـري والـشـوق رفيقـن علـى الشطـات مـا صــار بــه بـوقـه نحوبـه تنـحـو بــه هـلـه وابـعـد المسـبـوق وانــا جـالـي الا انــي فــي رجــى ملـوقـه ان كانـه جنـوبـن يــم درب المـلـك والـشـوق مـشـغـول فـــي دار الاجــــواد مــاذوقــه وان كـانـه شـمـال يــم دار الكـفـر والـبــوق ------------- مفقود ----------------- ورد عليه العملاق عوض الدواي قائلا: انا بادي بذكر مـن يـرزق المخلـوق جزيل العطا عـلام فـي رزق مخلوقـه كريمن يساله كل من ضـده الملحـوق يساله قوي وضعيـف ويناظـره فوقـه هلا بالقعود وحي من طرش المنطـوق تسعين الف ترحيبه بنضـوه ومنطوقـه يامرحبا به عد مزنن كشف في بـروق اليا صمم حقوق النو وستاقـت بروقـه هلا بالرفيق الطيـب الغالـي الصـدوق وانا له على الحاجات لا حزت حقوقـه انا له على الحاجات ضلعن طويل غروق صعيبن على من قال ابشـرف اغروقـه ترى همك اللي عاق بك سهل مايعـوق ولا صرت طيب باقي الاسباب ملحوقـه بشرني عساك طيب عقـب ذاك العـوق سقى الله ليا قالو مشى وانطلق عوقـه نحرت احمد الجابر وقلت العشا محروق سبايب عشيرن عقبه الحـال محروقـه شكالي هنوفن كنهـا ناعـم الزملـوق يقول انها غـدت مـع الهيـر مبيوقـه وتنهض وطرش كـل برقيـه سبـوق وجميع البحر جود عن السرق والبوقـه الا يا نديبي فوق تسعين طـرق بنـوق موتر قريزن تطبـع النـوط وتسوقـه صوالينن والركاب كل ابلجـن ماثـوق ثقيلـن ليامنـه غـدى للفشـق توقـه هيا يا النشاما دوروا كل خـد وسـوق من باب الحسا وبغداد دوجوا على سوقه على نجد ومشيط حوقوا وطنهم حـوق بالبخشيش والحيلات وكحولهـن فوقـه لفينا الديار واثريه في ديرتـك ماثـوق عند الدبدبه يرعـى مسيكـه ورقروقـه قلن لك عشيرن طايحن بالعمل مفلـوق عويقن عسى جزل العطا يسعد اوفوقـه حاكي فاطرج يشيلج في كرينـن فـوق على فوردن ادهم تركبه غصب مشبوقه انتي فوق صالونن جديدن مع الطاروق اخلافج اعيال وفوقـج وقـدم مسيوقـه ابشر بالوفى جاك الوفى خالصن مطبوق من اللي ليا جاه البحر سمـع طاروقـه |
لاهنت على هالموضوع
|
شـكــ وبارك الله فيك ـــرا لك ... لك مني أجمل تحية .
|
| الساعة الآن 08:40 AM. |
Powered by vBulletin Version 3.8.7
Copyright ©2000 - 2024, Jelsoft Enterprises Ltd
Translation by
Support-ar