منتدى هوازن - قصيده بينى وبين محمد عيد الصواغ

صوت محمد

سلام شرهه من زميل لزميله= وزود الزماله فيه يربطنى الدم

اشره على الطيب ولاخلي سبيله= والله الردى لو صد ماوالله اهتم

سلام يامن ماكره بالطويله= مايلحفه شكن ولا يلحقه ذم

شاعر ومتمكن وعندك حصيله= لكن عن الماجوب وين انت ياعم

دام الشعر للشاعر افضل وسيله=انهم هجوسك وانت ياهاجسى هم

شاعر وعندى للجزيله جزيله= اغرف بحر وانحت على جدلن صم

دنيا العنا لوهى غصونن ضليله= لابد من عقب الهنا تنقلب غم

الموت حق وكل حين يجيله= هو هادم اللذات ومشتت اللم

ياما خذا من كل قوم وقبيله= مايعترف فى منطق الكيف والكم

حكمه من الله مالنا فيه ةحيله= غير الصبر فى ما ابتليناه من هم

كنت اتحرى القاف مثلك يشيله= يرثى ابو شويمى وبالقاف يهتم

عضيدك اللى مايجى فيه ميله= بالازمه ماعنده الا ابشر وتم

شرواك يامتعب شواعير جيله= مبدع اديب اصعيب فى غبه الجم

تمت عسى تبقى سنينك طويله= جاك المراد اللى حوى خاطري وضم

ردى على محمد عيد شويمى الصواغ

يامرحبابك عد رش المخيله= وعداد من رحب وهلا وسلم

وعداد نبتن زاهين فى خميله =وعد النجوم وعد من حج محرم

ياشاعرن جاب الثمر من نخيله= قامت نخيله فى سما المجد تنعم

شرعتك يامحمد علينا ثقيله= مدام جتنى منك بقولك سم

سويتلك فى تالي الوقت عيله= هي امن الاسباب والا امتحلم

شيطان شعرك ركبك فوق خيله= ضيعك فى ليل المتاهات الاظلم

ليتك قبل تجزم بشب الفتيله= ايقنت بالموضوع من قبل تزهم

انا علومى يامحمد جميله- مانى من اللي لاعطا الشي يندم

اكيل كيلى واعطى الكل كيله= وفى واجب الطّْيب انا فيه ملزم

كلن على ماقيل يعرف عميله= كانك على بدع التماثيل مغرم

قدمك بحر ماهو بشاطى المسيله= لايجرفك موجه وهذا هو العلم

بحره غزيز وفيه ضاع الدليله= زخات مو جه يامحمد تلاطم

من ملتقى شعري عطيتك قليله= والا كثيره توه الحين ماتم

جاك الجواب ابزعفرانه وهيله= ياشاعرن فى واحه الشعر ملهم