اكتب أجمــل بيـــت شعر او قصيده في قبيله العــوازم
 

السلام عليكم ورحمه الله وبركاته
حبيت أخذ ارائكم عن اجمل بيت او قصيده قيلة في قبيلــه العــوازم......

الشاعر نواف العازمي رحمه الله
وبعد
حنا نصيد الرؤوس واذكرى قبل سبعين عام...احذر تناسها وتجحده وصكر بابه

انا عازمي من لابتن تقص رؤوس ...تقص الرأس وتحط بداله دمنه بعيري
وبعد
تعرفون فعول ربعي ياهل الزود ونقصان ...ومن فعل ربعي روسكم كلها شيبي
وبعد
جعادين العوازم تركب البكره بدون اشعور...ليا حنت من الضيقه تساوا فـوق غاربهـا
وبعد
عوازم فعلنا عند اللزوم يشيب المولود... لنا تاريخ من يوم العرب في حرب وجهادي
وبعد
عوازم من هوازن والعرب تاريخها موجود...اصيلين النسب تاريخنا هجري وميلادي
وبعد
حنا العوازم كسبنا النصر وانت مهزوم....هزيمتن جاتكم ماينمحي عارهاا

الشاعر نايف بن ادغام العازمي
حنا العوازم راية الحـق والديـن...أنشهدنـا مـن ثقـات الرجالـى
وبعد
ربعى هل العزوة من اول وذا الحين....حنا العوازم مـن كـرامّ السبالـى
وبعد
حنا العوازم بالجزيـره سلاطيـن..أكبر فخر للأرض والحـظ عالـى
وبعد
حنا العـوازم بالملاقـى عنيديـن....مضرابنـا فـجّ النحـر دمّ سالـي

الشاعر متعب فهد العازمي
هل علمت انـه العوازم مثل شلفا كليب ...كنها قمت جبل مايقاش مرقبــه

الشاعر سعود الصقلاوي رحمه الله
شب ضو ٍبالمراقيـب للغايـب تجيـب...لين غيـاب العـوازم تجيـك رجالهـا

الشاعر فهد الجافور رحمه الله
ربعي العطوان عز الضعيف والقصير ...من نهق فسقان حطو برجليه الحجار
وبعد
العازمي يذبحك والحاكم بعيد ..وراك شي قد شيب الغلام

ابوبشير العويضي العازمي
انا من لابتن يوم الملاقا تكسر الطابور ... علي وضح نقا لا حولو رجلي وخيالي

لشاعر حامد زيد العازمي
ربعي لياما كشر الحزن نابه...اردبهم حوض المنيا طوابير....بني عطا سم السفيه و عذابه...شوق العفاف الفارعات الغنادير
هذا اجمل ماسمعت ويليت تزيدونها بلي عندكم وافيدونا ....

لاهنت ياطلال
والقصائد كثيرة عن ذكر العوازم


فنحن هوازن والجزيره مهدنا **** مرابعنا فيها ولدنا ونقبرا

فتلك دياري في هوازن عزوتي ***** وتاريخنا باق ومهما يعكرا

عوازم بالتاريخ ذكرى فعالهم ***** عوازم في جل المهمات حضرا

الشاعر الاديب احمد بن محمد العضيدان رحمه الله

[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
سريعين النبا واهـل الكرامـه=وهل النخوات والجود : العوازم
قبيلـه مجدهـا جالـه علامـه=هل الناموس في وقت اللـوازم
هل المعروف ورجال الشهامـه=ولا حمي الوغا فالرجل حـازم
ملا قلبـه صعاطيـر وقرامـه=وفي وقت المواقف شخص جازم
هل الخيل الأصايـل والجهامـه=ليا سمعت نداهم جـت تـرازم [/poem]


الشاعر : عبدالله الحضبي السبيعي

الله يعطيك العافية ياطلال المجرن

السلام عليكم ورحمة الله

الأخ المحترم : طلال المجرن
أردت أن ارسل لك رسالة خاصة ولاتوجد عندك تلك الخاصية

فعذرني أخي الكريم على نقل موضوعك بقسمه المخصص
هذا القسم وليس قسم الشعر الذي خصص لقصائد الاعضاء فقط

دمت بكل خير

[poem=font=",5,darkblue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
الشاعر معيض الفهيدي العازمي

أولاد عـــــــازم شوك بعيون الأجنـاب=وعدوهـــم تكثر علـــيه المصـــائب

مــــن خلقة الدنيــــا وهم كون وحراب=وميـــزاتهم يثنــون خلف الركـــائب

ليــــاصار يـــومٍ فيه طالـــب وطـــلاب=اللي حضــر يســـد من كان غائـــب

أفعــــالهم بنقيـــر منـــها الصخر ذاب=كــم شيــخ قومٍ حط فوقه نصــائب

دخيــــلهم ما يشــيب لو الزمن شــــاب=واللي طمـــع في حقـهم رد خائــب

العــازمي ما يعيـــل ولا يأمن الــــداب=وحـــلالهم للنـــاس ما يصير سائـــب[/poem]

الشاعر معيض الفهيدي العازمي

ربعي لهم في هامت المجد بصمات= يفتح لهم صرح التواريخ بابه

"عوازم "قد اللوازم الياجات = والطيب لاهل الطيب مابه غرابه

خطو فعايلهم بكل السجلات = والمجد سجل مجدهم في كتابه

محـمـد سلـمـان الحجـيـلان العـازمـي

للشاعر : براك القعمر القاها في حضرة الملك عبدالعزيز بن عبدالرحمن ال سعود - رحمة الله

قال براك العوازم جواب قد جرى // نبجه القعمر وجده ولد عم الامير

والامير مبارك الملعبي في الملتقى // يوم جضع الزلم في نحورنا مثل الهصير

يوم ناطحنا البيارق شفنا المنكرا // جا نهار صافي الريش مايحرز يطير

التقينا وامطرت الموت والسد انفرى // لين راحت سلقة الجمع والاول دمير

كم صبي في نحانا يضيع به الرجا // ياكله صنع القريزي ويلهمه الذخير

وابتليناهم وصار المثار له حلا // بالهنادي والمخابيط والسيف الشطير

شيخ كسبنا البيارق بفعل يخبرا // سندن يمك بصدق وواجهك البشير

سته جنك وحنا على جوبة(رضى) // وخمسة جنك وحنا على جوبة (نقير)

شيخ هذا قيل لبراك والجاري جرى // كان هرجي كذب قل هالسوالف ماتصير

شيخ حنا دولة لك بلا هرج وعطا // في يدك دولة نظام على الدرب العسير

,وبيض الله وجهك ياطلال

من سلايل (( عطا )) يوم القنا لـه زريـق
سيلوا وادي مـن كثـر صـب الدمـي
يا (( العوازم )) محازم من يضـام ويضيـق
مــن ورد عـدهـم راويٍ ماضـمـي
حشمـةٍ للقصيـر وفـزعـةٍ للرفـيـق
والدخيل ان زبـن فـي بيوتهـم يسلمـي

عبدالكريم الجباري الشمري

هالله هالله علي هذي الابيات الجميله
وشاكرلك مرورك

لا هنت علي مرورك وزدنا في ابيات جميله مثل الابيات الرائعه