طاروق جديد بيني وبين عبدالله المقاطي
 

[poem=font=",6,,bold,italic" bkcolor="transparent" bkimage="" border="none,4," type=0 line=0 align=center use=ex num="0,black""]
[poem=font=",6,,bold,italic" bkcolor="transparent" bkimage="" border="none,4," type=0 line=0 align=center use=ex num="0,black""]
طاروق بين عذبي بن دواس وعبدالله المقاطي=

عذبي=
سلامي علي اللي يعرف العدل والميل=جزيل السلام أرسل وكل وأحترامي
بعد غبت عنا قلت أعيد المواصيل=وأنا أشره علي الغالي وأكب الخمامي
المقاطي=
هلامرحبا تكميل في سد تكميل= تحية وفا يامرسلين السلامي :
كفو والرجال يقدرون الرياجيل=وعذبي سعودالصدق غاية مرامي
عذبي=
يدوم البقا يأهل التقا يالحلاحيل=عتيبه لكم قدر ومكان ومقامي
تبا ترجح الكفه يبا يرجح الكيل=أرجال الوفا مايخلفون النظامي
المقاطي=
دروب الرجاله ماتفوت الرياجيل=وسيف العدل يقطع يدين الحرامي
لياطالت الدعوا يبايطول الليل = سرا الليل والساري يشدالحزامي
عذبي=
عسى الله يقطع كل محتال وبخيل=وعسى الله يدوم أهل الوفا والكرامي
أشوف العرب ردو على الحط والشيل=بعضهم يلام وبعضهم مايلامي
المقاطي=
دعاالمومنين الطاهرين المقابيل=يطهرقلوب الغافلين النيامي:
نشوف العرب والوضع مكشوف بالحيل=كلامك يابن دواس والى كلامي
عذبي=
تبا تمطر المزنه يبا يجري السيل=وسيل المطر ماعنه برد وسلامي
ياليت البدو مايشعلون القناديل=قنيب الذيابه بالضحى والظلامي
المقاطي=
عيوني تخيل الجدي وتراقب اسهيل = وبرق المخيله لاح والبرق شامي :
وانا وانت ياعذبي نغني المواويل= ياعمق البحرعمقاه والموج زامي
عذبي=
عسى الله يستر من زمان التهاويل=زمان العجب ياكثر من فيه ضامي
غرابيل يادنيا الغرابه غرابيل=نشوف الصقر والبوم بالجو حامي
المقاطي=
زمان المهبل غثنا بالمهابيل =وقوم الفتن مايتركون الخصامي :
عسى الله يسلط فوقهم طيرابابيل = ولافيه حذف ورمي من غير رامي
عذبي=
زمان العجايب فيه شوك وسماليل=ولا عاد يوجد للقضايا محامي
يقولون لو جده على شاطي النيل=يصيرون خلق الله خوال وعمامي
المقاطي=
يبايشهدالتاريخ جيل بعدجيل = وكل الأسامي في سجل الأسامي .:
تبازبدة الموضوع جمله وتفصيل = ونعمين ببن سعود مسك الختامي[/poem][/poem]