لا تــنــصــدم ...!
[poem=font="simplified arabic,5,black,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
مابيـك تستغـرب إذا قـلـت مابـيـك=قلبـي مـن اللـي صـار غيّـر كـلامـه تـدري وش اللـي حدنـي يـوم اناديـك=بـودعـك واقــول مــع السـلامـه بودعـك وانسـى زمانـك وماضـيـك=وداع مــن ذاق الجـفـا والـمـلامـه لكـنّ , ودي أسألـك قـبـل اخلـيـك=وابيـك تعـطـي للـسـؤال اهتمـامـه فـي ذمتـك وشلـون غيرتنـي فـيـك ؟=وخليتنـي استغـرب غــلاك ونظـامـه وانـا عشانـك كـل ماتطلـب يجـيـك=رفعتـلـك هـامـه و نـزلـت هـامـه ما عاد لـك فـي داخلـي حـيّ يبكيـك=صـدري قِبَـر كـل الحـواس بعظـامـه اغليك ؟ صح \ أنا اشهد إن كنت انا اغليك=والحيـن راس المـال مـنـك السـلامـه لا تقول ليه , وكيف , وشلون , وشفيـك=ماضيـك يعطيـنـي لبـكـره عـلامـه مـا ودي اضـيّـع حيـاتـي بأيـاديـك=دام إن مــن عــزك تـنـزل مقـامـه غـلاك \ ماعلمـك تكسـر تغلـيـك ؟=وغـلاي \ اثبتلـي الـوفـا والشهـامـه كافـي نضيـع وقتنـا فــي بـلاويـك=مـا يِرجِـع اللـي راح كثـر النـدامـه وإن ضاقـت الدنيـا بزحمـة طواريـك ؟=الليـل الأسـود , مايـطـول ظـلامـه والحين تعـرف ليـه انـا قلـت مابيـك ؟=و قلـب ٍ يحبـك ليـه غيـر كـلامـه ؟ ودعـتـك الله لاتجيـنـي ولا اجـيـك=ولاعـاد تسـأل خاطـري وش عـلامـه ولا تنصدم فـي بسمتـي يـوم احاكيـك=أحيـان تلـقـى بالجـريـح ابتسـامـه [/poem] |
الساعة الآن 12:56 PM. |
Powered by vBulletin Version 3.8.7
Copyright ©2000 - 2024, Jelsoft Enterprises Ltd
Translation by
Support-ar