محمد السنانى ورشيد الزلامى رحمه الله
 

محمد السناني :
اِعتيبه الهيلا سِنينِ اِطوال في ذِمّة رشيد
واليومِ حَسبَ اللّي نشوفه خارجه عن ذِمّته

قامَت تناقله الشّبابَ اللّي يحَذفونه بعيد
كِلٍ يقول اطرَف عتيبيٍ يسِدّ اِمهِمّته



الزلامي :
ترى السّناني صاحبي ما جاب لِي عِلمٍ جديد
وانته لِيَا مِنّك وَرَدت العِدّ تعرِف جَمّته

كلٍ براسه مرجله ما هوب انا الشخص الوحيد
احدٍ ورثها ورث ابو و احدٍ ورث من عمّته



محمد السناني :
يا بو جميل ليا توافقتوا على الراي السّديد
امّا اثبتوا فوق الجبل والاّ انزٍلوا عن قمّته

يا اموزّع الميراث وش حظّك شقي والا سعيد
ابعِد عن التشويش لا تضحَك بك المِتشمّته



الزلامي :
يا الرّبع هذا من جهينه دِيرته عَنّا بعيد
لكن اكيد اِنّه يجيه اِعلُومِ من شِرذِمّته

الحاجه اللي ما تخصّك ويش منها تستفيد
خلّ العرب لِن كانِ طشّت حَبّها وِان لمّته



محمد السناني :
يا الرّبع لِن مات الزلامي من يسوّي يوم عِيد
ويجيب دكتورّ يشِيلَ المِخّ من جِمجِمّته

جَتني رِساله عاجله من قلبِ صندوق البريد
الرّوقه اِن جابَت وَلَد صاحي على اسمِك سَمّته



الزلامي :
ما لِك على الشّعّارِ حِكمُ ويفعَلَ الله ما يريد
بالعالَمَ المتواضعه والعالَمَ المِتزمّته