اصبر شوي ويخالط زفيرك شهيق= نسحب الصوط والحاشي يصف أربعه (( حفلة الرس ))
 

حفل زواج الشاب خالد بن حسين بن فراج الهدلاني العازمي

بالــرس

عيد بن سمير الحربي





ياسلامي وصدرن به سعه مايضيق= البلا من ضميرن مابصدره سعه

فيه شاطي بجده غير شاطي بقيق= والعوازم تشب الزند وتولعه


فواز بن سلمان العازمي





مرحبا وانت ياشاعر من ايا فريق= لجل كل كلام اللي تقول أسمعه

العوازم رجالن ماتخون الصديق=من عرف منهج العاقل يعرف اسنعه



عيد بن سمير الحربي





أعتبرني جبل وانته جبل ياطويق=العلم حرب ربعي بالجبل ترفعه

والنعم بالعوازم من ضميرن عريق= مير شان الرياض أكبر من المجمعه



فواز بن سلمان العازمي





معدن العازمي طاهر وماس وعقيق=وانت معدنك يابن سمير ماس ومعه

الرياض أحكموه اللي تفك الوسيق=وانت بأيمن طميه تزرع المزرعه



عيد بن سمير الحربي





انت في كل ليلة حفل صدرك يضيق= مير طاوع كلامي ياالسنافي طعه

برضكم لابذرنا لكم كل الدقيق= الصوامع ماتعطي مير ملكك بعه



فواز بن سلمان العازمي





اصبر شوي ويخالط زفيرك شهيق= نسحب الصوط والحاشي يصف أربعه

بذركم في بلدكم والكلام الوثيق= أبذره واحدن يم أنقره مرجعه



عيد بن سمير الحربي





المصيبه جبل دخان ولع حريق= ليش طهران فينا تقبل الزعزعه

انت برقن من مسيان تبرق بريق= والمطر مانزل والناس في مقطعه



فواز بن سلمان العازمي



جابك الحظ ياشاعر بليلن زريق= والسباع الجياع تدور المطمعه

آهل الطرق يوم يوسعون المضيق= لجل تمش الدروب اعراض وموسعه


عيد بن سمير الحربي





اليمين القصيره واليمين الطليق= بينهن فرق وانته طيب الرابعه

مادريبك صديق ولادريبك شقيق= وانت ضرسن بعد ساعه نبا نقلعه


فواز بن سلمان العازمي





أحسن انك تريح خاطرك يارفيق= وخل مشيك من عنيزه ليا الضلفعه

نابي اللي ليا مرك تروح سحيق= الشلل يضرب يمينك قبل تنزعه

[align=center][table1="*****:95%;"][cell="filter:;"][align=center]ابوبطي شـكــ وبارك الله فيك ـــرا لك ... لك مني أجمل تحية . [/align][/cell][/table1][/align]

بيض الله وجهك ولاهنت على النقل

تكفا يابن صياح
ممكن الطاروق فيديو