تعبـّر عن نفسهـّـا 0 0 0
 

[poem=font=",6,blue,bold,italic" bkcolor="transparent" bkimage="" border="none,4," type=1 line=1 align=center use=sp num="0,black""]
بسم الله الي عالم ٍ كل الاحوال=ماغيره الي عالم ٍ بالخفيه
من بعـد ذكره الله ابصوغ الامثال=واعسف قافي مثل عسف المطيه
مثايل ٍ يطرب لها ذرب الافعال=ودرب الشعر لي فيه روحه وجييه
الناس عاشت بين نازل ورحال=الي حيى والي خذته المنيه
والحظ يمكن يعتدل عقب مامآل=وتـّرتـاح من عقب الحياة الشقيـّه
اعرف ترى الدنيا ماتبقى على حال=ولو شفتها زانت تراها دنيـّه
دنياك لاشـانت توريك الاهوآل=ولازانت تعيشك عيشه هنيـّـه
الطييب .. لهل الطيب .. وهبه ومدهال=مهما تمثله النفوس الرديه
عمر الردي ماطاب في كل الاحول=منبوذ .. مهمـّا كون العصريـّه
للكفو منزال ٍ وللاش منزال=عندي وعند اهل الوفاء والحميه
للمرجلـّه رجل ٍ وللخيل خيـّال=ويبقى الكرم .. لهل النفوس العذيـّـه
ومافات مات .. شهور وسنين وليال=وايام تاخذ ماترد العطيـّه
ومن يجحد المعروف ماهوب رجال=والكذب .. عمره مايحل القضيـّه
الكذب .. ذنب .. وينقلب طبـّع لاطال=وترى جزا الحسنــّات ماهوب سيـّه
والشعر وهبـّه .. ماهو لكل من قال=وزن وقوافي من حروف ابجدييه
لو يشتريه فـلان وفـلان بالمال=من دون فطـّره .. تفشـل التمثليـّه
للشعّـر احاسيس وقريحـّه .. ولازال=عند اهلـّه .. ولايقدم هديـّه
هذا وصلو عد ماهل همـّال=على شفيع الخلق خيُر البريه[/poem]