مــســا يــوم الإثــنــيــن
 

[poem=font="simplified arabic,5,black,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
الله لا يجـزي مسـا يـوم الاثنيـن=فارقتلـي غالـي ونهينـا العـلاقـه
سلط علي ابليس بعـض الشياطيـن=وعقدلي التفكيـر وأحكـم وثاقـه
ضقت وتنرفزت وقلبـت الموازيـن=مدري جنـون الحـب والا حماقـه
ووقفت متعجب وانـا بيـن ناريـن=إمـا قبـول الظلـم وإلا فـراقـه
وقطعـت لفراقـه جميـع القوانيـن=ويالنعبـو الفـراق مـرن مـذاقـه
يانفس مالومـك فبعـده تضيقيـن=لاهـزك بطاريـه كثـر اشتيـاقـه
وياشوق رح قله عسا بالـك يليـن=لك صاحب ٍ ماله على البعد طاقـه
نفسي صحت من نومها يا اريش العين=واستشعرت عقب الرقـاد الافاقـه
تعال واسمع ماجـرى قبـل يوميـن=واستوعب الموقف بعقـل ورواقـه
وعقب تعرف انـي تمنيتـك سنيـن=ومالي جمـل فـي سالفتنـا وناقـه
وانكان رحت وخاطرك يالغضي شين=وتركت قلبي فـي لهيـب إحتراقـه
وماجيتني واقفيت لا ادري على وين=وخليت هاجوسي يزيـد اصطفاقـه
الله يسمـح خاطـرك والله يعـيـن=ويجبر عزا قلبـك وروعـة شهاقـه
وترا عزاي بكل يومن مسـا اثنيـن=ومنك وباسبابـك نهيـت العلاقـه [/poem]