محمد السنانى .... مصلح ابن عياد
 

محمد السناني
مرحبا بإسم شيخن له وجاهه و جاه ... اكتسبها بما يفعل و يصدر منه
يصدع اسمه و يتناقل بكل اتجاه ... ورث الطيب لأحفاده و ساق ثمنه

مصلح بن عياد
البقى يا الرجال الطيبين الدهاه ... جودكم ينوجد في يوم ولا سنه
بن رويشد يمد الوافيه من يداه ... ان عطى الميسره ولا عطى الميمنه

محمد السناني
استفدنا و اخذنا من دروس الحياه ... نسمع ان الرعد مقبل وله دندنه
وانت في ذي و هذي ما يبيلك وصاه ... و استلام الخفاره ناشدينك عنه

مصلح بن عياد
يا هل الدرس مدري درسكم وش وراه ... والله انا ما نبغى منه غير أحسنه
لا تحطون في درب المسافر حصاه ... ارحموا واحدن ضيم الدهر جننه

محمد السناني
ما عطيناه درس اقل من مستواه ... مير لا تكتب السيه بقدر إحسنه
ادري انك تصفق له وتطلب رضاه ... يمكن انك تجيب له الجمل برسنه

مصلح بن عياد
لا تشيلون واحد من جبال السراه ... والجبل ما يشيله غير من مكنه
بعض الاصحاب وجهه مثل وجه الصفاه ... معدني يا محمد غير عن معدنه

محمد السناني
لن نويناه قلنا فقر ولا غناه .. اعرف ان النتيجه ممكنه ممكنه
ابن عياد ما يمكن يذم اخوياه ... وش يفكه من الاقلام و الالسنه

مصلح بن عياد
عندنا يا طويل العمر سترة نجاه ... ما علينا من الايام و الازمنه
جاكم البرد ياللي تلبسون العباه ... حبكم جاه طحانن يبا يطحنه

محمد السناني
الله اكبر لو ان المزن ينهل ماه ... كم عرينن يبا سيل الجبل يدفنه
يظهر انك وقعت بموقع الاشتباه ... قبل نرسم بنود الهدنه المعلنه

مصلح بن عياد
الله اكبر ليا دن الرعد في سماه ... يلعن ابليس واحد كان ما يلعنه
اسمع العلم والطيب لا تبحث خفاه ... لأستوت طعنة الخيال لا تطعنه

[align=center][table1="*****:95%;"][cell="filter:;"][align=center]لاهنت على الجهدالرئع شـكــ وبارك الله فيك ـــرا لك ... لك مني أجمل تحية . [/align][/cell][/table1][/align]

اسعدنى وشرفنى مرورك الكريم