منتدى هوازن - طريق الغوص

بطريق الغوص واعدنى وانا ماعرف طريق الغوص= ومن الفرحه اقول ادري وانا مادل عنوانه

على شانه اقول ادري وانا من كلمته مقروص= اخاف انه يمشيها على بهرجت السانه

ماكان ودى ولاكنه حدانى حظى المبحوص= انا وشجابنى يمه سحرنى بنظرت اعيانه

بقيت احوص لا كنى مولع ماقدرت احوص= احد يمشى ويتركله ثمارن وسط بستانه

عنب وخوخ وتفاحن على اول طلعته مقصوص=وزهور الورد قدامك يعجبك باجمل الوانه

من اول يوم حبيته وحبه بالحشا مرصوص= اكلنى بالحلا والنفس ولهانه وشفقانه

جماله يبهج الخاطركتبه الله اله مخصوص=قليل اللى مثل زينه حضاه الرب سبحانه

يسولف لى وهو يضحك عليه السبحه ام افصوص= الا يازينها بجيده زهت باللبس فستانه

الا ياويل حالي كيف انا اقدر فى بحرها اغوص= عساى اقدر وجيبب اللولو الغالي ومرجانه

عسا ربي يعافينى ويرحم قلبي المقصوص= عطيته نصه الثانى وانا كلى على شانه