أتــعــبــت نــفــســي
 

[poem=font="simplified arabic,5,black,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
ماني على روحتك للغيـر مغتاضـي=هذي حياتك وانـا ماعادلـي فيهـا

لاصرت راضي على الفرقا وانا راضي=كل ٍ علـى مايبـي رجلـه يمشيهـا

اتعبت نفسي معك لكن على الفاضي=والعيشه اللي معك ماعـدت ادانيهـا

اركض وراه هقوتي وان طال مركاضي=واخلفت هقواتي اللي كنـت هاقيهـا

القلب لاهزك إمن الشوق واهتاضـي=تذكر إن رجلـي بدربـك معنيهـا

والحين ماعدت ابيك ورجع اغراضـي=واغراضك اللي معي ماعدت انا ابيها

منته على عشرتي حاكـم ولاقاضـي=والسالفـه مبطـي ٍ خابـر تواليهـا

مافيه غير الفـراق ومنـه نعتاضـي=خلاص انا انهيت هالعشره وماضيهـا

ماودي اذكر ولا طاري من الماضـي=وبتعب على خوة ٍ زينـه وابشريهـا

وإن كان قصدك تخلي القلب يغتاضي=( النار ماتحرق إلا رجـل واطيهـا ) [/poem]