منتدى هوازن - نجوى كرم

سؤال من سيد الغنادير جانى= وجوبتها بسرن عن الناس مكموت

قالت ويش اللي يعجبك بالاغانى= قلت الكلام العذب واللحن والصوت

قالت اشرايك بالحون اليمانى= قلت اليمن لحنه عريقن ومثبوت

لاشك والله ماصغتله اذانى= ماهوب عاجبنى ولا قول مشموت

احب لحنن سامعه من زمانى= صوت ولحن والصوت ماهوب مغموت

بصوت من تسوى جميع الغوانى= ام العيون السود والزول مسموت

لونها مره تشرف مكانى= لهديتها روحي ومملك من بيوت

شلي تقوله قلت نورن غشانى= نجوى كرم فى عيونها سحر هاروت

عمهوجتن مامثلها زين ثانى= هزت جماهير الطرب وسط بيروت

قالت تعرف الزين مابك امانى= شصير عندك يمكن تشوتنى شوت

توي دريت انك معي شقلبانى= ان كان قولك صح بقول سربوت

قلت اعذرينى زل فيها لسانى= والصوت ماينفع ليافاتك الفوت

هذا تمني ولاتفيد الا مانى= انتى سالتينى وانا جيت مفلوت

لك حق تزعل يارهيف الثمانى= مدام انا عن سيرتك طالعن اووت

انت الغلا كله وحبك طوانى= واللي ينوشك طيب الحظ مبخوت

امزح معك بالمزح ربي بلانى= ماغيرك احدن بالهوى لاتنى لوت

قالت خلاص اجلس وخلك اوزانى= اضحك معى مايستوى هرج وسكوت

عطنى شعر معروف يطرب حنانى= قلت الشعر انواع بين وملفوت

احدن لاجاب القاف عفته ثوانى= ودك تحذفه بالبحر وسط تابوت

واحدن على قافه يصوغ المعانى= لاجاك بيته كنه النقش منحوت

يصف قيفانه بعسر وليانى= صف الورق بيدين لعابت الكوت

هذاك يشهد له بسر وعلانى= شاعر يسمى مايبي قول وثبوت

قالت صحيح انك تعرف المعانى= يالله عسانى مافقدك قبل لاموت