|
الشاعر رجا بن فزير العازمي
الشاعر :
(( رجا بن سعدون الفزير )) ** نبذه عنه : هو : رجا سعدون بن زايد بن سعود بن معصب الفزير من فخذ الجواريه (( الفزير )) : لقب لاحد اجداده نسبه الى انفه الذي كان مرتفعا أي افزراَ ولد 1890 م في مدينة الكويت ودرس في الكتاتيب وتعلم بها الكتابه وحفظ القرآن الكريم عرف شاعرنا واشتهر بلقب : (( الرجاوي )) وهو لقب اطلقه عليه الشعراء ومحبيه نسبه إلى إسمه توفي بــ منطقة السالميه يوم الجمعه بتاريخ : 16 / 8 / 1979 م بعد ان تعدى عمره الثمانين عاما رحمه الله * شارك شاعرنا رجا الفزير ( الرجاوي ) في عدة حوادث ومنها معركه الجهراء 1920 وكان ضمن الكويتين الذين تواجدو في القصر الاحمر وقاتلو بشراسه منقطعة النظير . * يعد الشاعر المعروف رجا الفزير ( الرجاوي ) من كبار شعار الكويت وكل من عاصره او سمع قصائده يدرك شاعريته الفذه وكان رحمه الله قد جاب الصحاري والبراري وسكن الكويت وقراها الساحليه كــــ أبوحليفه و الدمنه في منزل المرحوم سالم عبدالله الفريحان و الفنطاس وقد عاصر الكثير من الشعراء المعروفين امثال : فهد بن جافور و فهد بورسلي و عوض الدواي( عويضه ) و حمد الغربه و سعيد الغربه و فهاد بن جافور و مرشد البذال و عبدالمحسن الرفاعي و سعود بن كليب و جمعان الحضينه و مطلق الحضينه و مسعود بن سند بن سيحان و عبدالله بن غصاب وغيرهم من الشعراء الكبار * شهد له الشاعر الكويتي الكبير فهد بن جافور رحمه الله عندما سألته في الستينات في بيته الواقع بمنطقة الدمنه ووصف الرجاوي بأنه ( شيخ شعراء النبط بالكويت ) * يقول عنه طلال السعيد في الموسوعه النبطيه الكامله : (( برع منذ الصغر واكتملت شاعريته حين بلغ سن الرجوله وكان شاعر قلطه مهاب الجانب وشاعر نظم له مكانته وله قصائد أهلته لتبوأ المكانه الكبيره التي وصل إليها بين الشعراء)) -------------------------------------------------------------------------------- (( 1 )) (( الألفيه )) بـديـت الله ومحـمـد نـبـيـه رفيـع الشـان عــلام الخفـيـه اليـا منـه بـدى جـزل العطيـه يزيـن الكيـف والـمـردود لـيـه (( الالف )) ألفت المخلـص بدينـه ولاهـل الديـن والنفـس السخيـه اللـي جارهـم يثـنـي عليـهـم والمسكـيـن يعطـونـه عطـيـه (( والباء )) بدّو الضيـف بكرامـه تـرى الضيفـان شرهتهـم قويـه اليا جوكم علـى عـوص النجايـب حفـايـا مزاهبـهـم خـفـيـه (( والتاء )) تم واصدق في كلامـك اليـا قلـت الـوعـد بالمحضـريـه ترى الصـدق هـو بيـت المراجـل يــرد المرجـلـه ورد الضمـيـه (( والثـاء )) ثـور لنفسـك بخيـر وادعــي لوالـديـك المغفـريـه ترى امـك وابـوك هـم الطماعـه اوصـيـك فيـهـم بالضحـيـه (( والجيم )) الجمالـه فـي خويـك واتبـع حشمتـه فـي كـل نـيـه خويـك تـراه حسـاب اخــوك لابـد الخـوي يـذكـر خـويـه (( والحـاء )) حـل عنـد الطيبيـن الاجــواد نـسـل الاجـوديـه اليـا صـارت عليـك المشكـلات يعتـرضـون دونــك بالحمـيـه (( والخاء )) ياخطبت انهض احجاجك ودور بـنـت حـمـاي التـلـيـه ولـدهـا يـحـل المـشـكـلات اليـا صـارت ليـةٍ فـوق لـيـه (( الـدال )) دليـل الحـق دلــه وتـرى الـحـق ودروب خطـيـه درب الـحـق نــورٍ فالوجـيـه مـن يمشـيـه مخـلـص ياهنـيـه (( الـذال )) الاذان اليـا سمعـتـه تمـشـي إلــه بعـيـن جـريـه اليا صليـت فرضـك مـع جماعـه تراهـا خيـر والخـيـره غبـيـه (( والراء )) ربـك المعبـود واحـد مظهـر نورهـا مـن خرمسـيـه رفيـع الشـان عــلام الخفـيـه مخـرجٍ ميـت مـن بطـن حـيـه (( والزاء )) زلة الصاحـب عليكـم ادمحـهـا وعـطـه المـحـذريـه واليـا مـنـه ثنـاهـا بالخطـايـا تـبـيـن بـحــد النافـعـيـه (( والسيـن )) السلامـه ياكـريـم عن اللـي قـد مضـى بالجاهليـه انــا تـايـبٍ تـوبـة نـصـوح دخيلـك مـن الـنـار اللظـيـه (( والشيـن )) الشهـاده ماتـغـط ان كانـك خابـرن كـل القضيـه تكلـم باللـي شافـت اعيـونـك وافـرق شـر هـذا مـن هـذيـه (( والصاد )) صف نيتـك بالنجـاح كـد قالـوا تـرى النيـه مطـيـه انصـح فـي صلاتـك والصـيـام عسـى نفسـك مـن الزلـه بريـه (( الضاد )) ضم عقلك في ضميـرك وتـرى الهـذار مـالـه مقبلـيـه ينبـح بالمجالـس نـبـح لـوقـي ويـزل بهرجتـن فيـهـا خطـيـه (( الطاء )) الطيبيـن اليـا نصـوك يبـغـون العـشـى ولا الهـديـه خـل الغاليـه عنـدك رخيـصـه ولو حاجتهـم اكبـر مـن طميـه (( الظاء )) الضوء هذا ضوء حاجـه تعـمـل العـشـى ولا الشـويـه الضـو اللـي بالـلـوح كتـبـت وهـي الـنـار نــار الاخـريـه (( العيـن )) عـاون لابـن عمـك ان كـان ارشـاه مايـرد الركيـه اليـا سويـت طيـبٍ بالجمـاعـه يـجـازون العـذيـه بالـعـذيـه (( الغين )) الغنـاه اهـي الطماعـه ان كـان بيديـك للسايـل رخيـه اليا جتكـم تتركـى فـي عصاهـا يحاديهـا جـوع وحديبـن ونـيـه (( والفاء )) فالعرب رجـالٍ اقشـر كـذوبٍ اجحـود شـيـن نـيـه يحاكـيـك بلـسـان ارقـــاق ويرمـيـك تـالــي بالهـبـيـه (( القاف )) قال الاول ضـد ابـوك سل السيـف واحـذر مـن مجيـه لـو يضحـك لسانـه بالصـداقـه فـي قلـبـه عــداوه داخلـيـه (( الكـاف )) كـلام الزيـن بـده عـلـى جيرانـكـم والاهلـيـه تـرى جيرانكـم مثـل الامـانـه عنـد اللـي مذاهبـهـم تقـيـه (( واللام )) لـم مالـك بالحسـاب واظهـر مـنـه زكــاةٍ هنـيـه اليا زكيـت مالـك مـن حلالـك تراهـا خيـر لـك فـي كـل نيـه (( الميـم )) المراجـل فالنشـامـا اليـا قـام الخـوي ينهـم خويـه اليا صـار الفشـق مثـل الزعيـري حسـه مـثـل رعــاد بـرديـه (( النون )) انو خيـر فـي حياتـك يامـسـلـم وراك محـاسـبـيـه الحسـنـه بعـشـر كـامــلات والـسـيـه تـقـيـد بـسـيـه (( والـواو )) اول الزيـن البريـره بأمـك والابـو واخـذ الوصـيـه حججهـم وحـج إلهـم بنفسـك تراهـا خيـر لــك بالآخـريـه (( والهاء )) هم غيـرك مايصيبـك اعمـل خيـر بالدنـيـا الدنـيـه واحـذرك عــن راع النميـمـه اكـال الـربـا مخـفـي الهمـيـه (( اليـاء )) ياكريـم اغفـر ذنوبـي ارجــي ياكـريـم المغـفـريـه اول كلمتـي واتـلـى كـلامـي ذكــر الله ومـحـمـد نـبـيـه -------------------------------------------------------------------------------- (( 2 )) آه أنا قلت مـن شيـن جـرىومن يكون آه به كون مكيـد عفت حلو الزاد وانكرت الكرىعلةٍ فيها الدخاتـر مـا تفيـد كود ما ابرى منه والحال انبـرىصرت ضون شب في رمث هميد مع نبات النبت من غير الثـرىمثل وصف الخافية بين الجريـد عينها يا عيـن شيهـانٍ يـرىالحباري اللي لها بصـوحٍ بعيـد حيث جاني يوم جيته مـا درىواستوى ما بينا هرج وقصيـد تخلف اللي حج واللي كد قرىوتودع الشايب يجي عصره جديد يوم راح الروح رايـح بجهـرىما عطاني عنه عربـون ورصيـد وتل قلبي تـل عسـر وانفـرىتل دلو وافقت بالجـال حيـد لا قدرت اقلط ولا ارجع ورىحرت حيرة ماي ماعونٍ صميد كن عنقه موز فـي ظـل وذرىمع كذلك عنقها عنـق الفريـد -------------------------------------------------------------------------------- (( 3 )) البارحة قلب الخطا وصل حـدهيوم اقفت البدوان عقب المقاطيـن البعد عقب القرب ياشين ضـدهان صار به نـاسٍ لنـاسٍ محبيـن لا صار تفريقٍ علـى اول مـودهباول تشابيك النفوس بغلا الزيـن تخلـي العشـاق ينبـاح سـدهفرقى الضحى تفجع قلوب المودين بغيت اجود جيب ثوبـي واقـدهيوم اجنبوا ناسٍ ونـاسٍ مقيميـن بدوٍ نوو عقب المقاطيـن شـدهواقفت بهم عقب المقيض البعارين مدوا وشدوا عقب مقطان مـدهحزة طلوع الشمس يمشون عجلين مظهورهم كن المشومـر يحـدهعجلين بالمظهـار بـدوٍ هميميـن يتلـون بـراقٍ مزونـه مصـدهخمسة عشر ليله على الوجه مقفين بدوٍ تلقـط بالقفاقيـف جـدهما سايلوا عن راعي القصر والطين ما طول حساب الوقت للي يعدهاليوم لي عن صافي الخد عشريـن ولفٍ مثل هاللـون ربـي يلـدهخلاني اقنب والمخاليـق غافيـن -------------------------------------------------------------------------------- (( 4 )) البارحة واجهـت زولٍ شعانـيالغالي اللـي مانـوى بالقوامـه الصاحب اللي بالمـودة طوانـيطي الجلامد في عصـي المسامـه عوده يشـادي ليّـن الخيزرانـيو ساقه كما دراجةٍ حدر قامـه والردف شط حويرٍ يـوم زانـييرضع ثلاث وقام يزمي سنامـه ريحه زبـاد وخالطـه زعفرانـيوالنهد يشدي مثل بيض الحمامه والعنق عنق ادمي جفل بعدديانـيشاف المبندق مع خلول الثمامـه والعين عين اللي تـرب البيانـيان شافها الصقار يرجي يدامـه شيهانةٍ ما تذبـح الا السمانـيمنها الحباري ماتذوق السلامـه والراس ذيل مكظمـة بالعنانـييا تلها الراكب وفيهـا عزامـه قمت اتغشمر له بطرف اللسانـييضحك بحجانه ويقصر كلامـه جيته وجانـا شايـبٍ شقلبانـياخلفني الله يخلفـه وش علامـه عودٍ ياليته قاعـدٍ مـا قصانـيعسى تعود كـل يـوم الندامـه حسبي على هالعود هو وين جانيجعله يجيه اللي نوى في عدامـه ياليت مقطوع الرجا ما وطانـيمقرود والمقرود مـا بـه فهامـه ماهـو بمثـل امجربيـن المعانـيقصده قشر ماهو بقصده غشامه ما سمع جعله للصقـه بالاذانـيولا شاف جعله ما يشوف الجهامه قام يتحـلا بالجـواب وحدانـيبلسانه اللي جعل يعطى الطرامـه وصل جوابٍ للهنوف وكوانـيهرج يفك ملحمٍ مـن الحامـه جعله يلحم فيه قبـل رمضانـيمكاويٍ من غاربه الـي حزامـه -------------------------------------------------------------------------------- (( 5 )) مايجوز للرجال هالحكـي كلـهالا السفاة اللي طروقه مضاييـق والغيض و دروبه يبي مـن يفلـهويفرقه في حزة الغيـض تفريـق الغيض منه يصيـر دخـان جلـهوالولف در بكار مع فكة الريـق لي صاحبٍ من عاشره مـا يملـهعشرة غلا ماهي بعشرةٍ عشاشيق جيته نهار العيد ابـي هرجـةٍ لـهنهار تلتـم القلـوب المشافيـق عيا يجي يمـي وانـا عانـيٍ لـهرفيقي اللي من حساب المصاديـق مدنقسٍ عنـي وانـا فاطـنٍ لـهما غير يرمق لـي بعينـه تراميـق واشوف في عينه ونفسه اشكلـهوفي مقرن الحجان مثل التماحيـق من اولٍ قلت استحى من هلٍ لـهادري به يراقب عيـون المخاليـق وجاني جوابٍ منه مع طارشٍ لـهعلمٍ يحرق بسرة القلـب تحريـق علمٍ حمسني حمس وونسـت ملـهفي كلمةٍ تيبس غصـون المعاليـق وقمت اتذكر ويش انا قايـلٍ لـهوصارت عيوني من دموعي غواريق هرجٍ وصله وحط فالكبـد علـهوانا بريٍ منه ماني علـى ضيـق الصدق بييـن لـه دروبٍ مدلـهوالكذب ماله بالرفاقـه طواريـق هاتوا لي شهوده وانا راكـيٍ لـهلين الكذوب نخفقه حدر تخفيـق -------------------------------------------------------------------------------- (( 6 )) ويقول الرجاوي هذه الابيات الشعريه في احدى وقعات الباديه عام 1922 مادحا بعض اصحابه : مبارك سعود الرميضي و سعد الونده و علي بن هليل و مرزوق الخياط و سعيد الميع امس قبل العصر جتنا المغيره من الجنوب وجو عيال من شمـال تعـادوا فازعيـن استوى وسط الغنم مثل زلـزال الهبـوب لين جيش القوم هجمت وراحـو نادميـن يوم جتنا الخيل قدامها الحمـرا الذنـوب اشهد سعيد يحسـب حسـاب الطيبيـن امدحوا علي ومـرزوق مانـي بكـذوب الرميضي وابن ونده سعـد يالسالمعيـن نعم يا سلمان في يـوم خفـاق القلـوب مطلق عناان الفرس قدم وجه الهايشيـن من هذاك اليوم بان المثانـي والهيـوب وعقب هاك اليوم يا مبارك الخافي يبيـن ماغمضني كود هرج المجالس والنصوب في نهار الضيق يحسب حساب الغايبيـن -------------------------------------------------------------------------------- (( 7 )) هذه القصيده في معركه النقيره عام 1924 وهي على بحر العرضه الحربيه هاضني كون ياعلـه علـى العايـل يعـود عزهـن والندامـه ( لهابـس ) واخويـاه وهقه كون ( الشنيطـي ) ياعلـه مايعـود مادرى ان الله يديـر الفلـك ناخـذ قضـاه جاهم ( شويمي ) زبون النوايـا بالجـرود يقهر اولهم يبـي كونهـم محلـى الصـلاه مع صلاة الفجر حس الفشق مثـل الرعـود لين اخذنا طرش ( هابس ) وملك الموت جاه يصبحـن مطلقـات طـويـلات الجـعـود من سبايب ضربنـا ياخـذ العاشـق هـواه * هو الشيخ هابس بن رفاعي بن عشوان العبيوي المطيري من فرسان قبيلة مطير البارزين في طلع القرن العشرين وهو من رجال الملك عبد العزيز بن سعود رحمه الله اشتهر بالشجاعه والفروسيه وكان يعتزي بــ راعي البويضا قتل في معركه النقيره ضد قبيلة العوازم * ضلعان الشنيطي : - ابار ومرتفعات في المنطقه الجنوبيه من الكويت على بعد 15 كيلو متر جنوب برقان والشنيطي اسره تنتمي الى فخذ الملاعبه من قبيلة العوازم . وفيها غاره قام بها هابس على ابل عدد من العوازم سبباً لمعركه النقيره * هوالامير : شويمي بن سعود بن سويحان الملعبي العازمي من زعماء قبيلة العوازم المشهورين و امير هجرة الحسى ولد عام 1868 وتوفي عام 1927 ولقب بــ ثقيل الرجلين لشجاعته النادره وثباته في المعركه قاد العوازم في عده معارك ابرزها معركه النقيره -------------------------------------------------------------------------------- (( 8 )) ويقول هذه القصيده على بحر العرضه في معركه رضا عام 1929 التي انتصرت فيها قبيلته على الثوار على حكم الملك الراحل عبدالعزيز ال سعود هاضني كون هالايام في جوبه ( رضا ) ماخلق مثله بالاكوان من طول السنيـن واستوى وسطه حريقه مثل جمر الغضا بين الارطا والنثايل وطارفـت القطيـن ليه يا ( نايف ) تجي بالبيارق والنظـا لين خلينا يانايـف جماعتـك طحيـن عركة صارت عليهـم وصـارت حظـا عزها إلنا و ( بن حثلين ) ربعه نادمين من مضاريب ( العوازم ) تعرضت اللضا ذاق ضرب اللي نهار الملاقا صامليـن وعودت جماعتك ماهي بسالمة الشظـا نصهم مذبوح والنص الاخـر نايريـن لين ( نايف ) من مخابيطنا جمعه قضى من مخابيط تجي مـن بـلاد الكافريـن * نايف هو : الشيخ محمد نايف بن حثلين من ابرز شيوخ قبيلة العجمان عرف بشجاعته وقيادته تولى الزعامه بعد مقتل ابن عمه ضيدان عام 1929 وشارك في احداث الثوره وتم سجنه في الرياض حتى وفاته عام 1934 -------------------------------------------------------------------------------- (( 9 )) رجا بن سعدون الفزير ( الرجاوي ) و مرشد سعد البذال رحمهم الله كانوا من اشد الشعراء مزاحا وكثيرا ما يمزحون فما بينهم دون الشعراء الآخرين ولهم من الرديات الكثير وهنا انقل لكم هذه الردية بينهم وسببها : * نقل إلى مرشد البذال بإن رجا الفزير يقول بانه لا يضاهيه شاعر آخر فأرسل مرشد البذال هذه القصيده الي رجا الفزير من باب المزاح يقول الشاعر : ( مرشد البذال ) ياراكـبٍ ثنتيـن بالوصـف كنهـن اشخاص ريمٍ ذيـرن مـن قفورهـا عيرات مثل الصيد اليا هج واصطفق نحايـفٍ كـن المـداري نحـورهـا ركابهن رجليـن بالليـن والقسـى نجايب حرايـر سمـح الله امورهـا ملفاهن بن فزير ليـا جنـه انشـده عن الكلمه اللي قالها في حضورهـا ردٍ لفانـي لا جــزى الله ذمـتـه عسى جنة الفردوس ماشاف حورها يقول انا حبرٍ علـى النـاس كلهـا البـدو واللـي ساكنيـن قصورهـا قل لـه تبينـا لهـم يـوم قاربـوا يومٍ ضو الحـرب طالعـت نورهـا جمعت لي تسعين لـك مـن المـلا عساكـرٍ نحـور المنايـا تزورهـا والفين طيارة سبور ابـي اوجههـا ترعب جميع الناس بوسـط دورهـا وفوقٍ عليها مواتر تنقـل مكاينهـا فيهـا ديناميـتٍ خطيـرٍ بظهورهـا طغـام مافيهـم حنيفـي وشافعـي ياويـل قـومٍ ليـا ولـوا دبورهـا سلاحهـم تركيـةٍ مـن مصانعهـا اللي تعشي مـن وحشهـا طيورهـا وصبحت انا بن فزير في ساعة الرخا في ساعةٍ عنهـا غيـاب نسورهـا اخذت انا بن فزيـر منهـم بشاربـه قدته كمـا ينقـاد بالحبـل ثورهـا حطيت انا بن فزير في وسط مصمك في وسط دارٍ مـن حديـد قدورهـا بنيتهـا يـوم ان دنيـاي ساعفـه سيسانها الفولاذ ونحـاس سورهـا حطيت عند البـاب تسعيـن سبحـة خوفي مـن ادوار الليالـي تدورهـا وفي كل سبحة عشرة الاف فـارس ابيه يونس ما مضى مـن عزورهـا كان انت يابن فزير حبرٍ على المـلا صادتك من قطم الشوارب حبورهـا تمت وصلى الله علي المرسل محمـد عدد حيها واللي سكن فـي قبورهـا وقد رد الشاعر رجا الفزير ( الرجاوي ) بهذه القصيده : يالله ياللي تعلـم السـر والخفـى عـلام بيينهـا وخافـي امورهـا ماحي الذنوب وترزق الناس بالحيا ترجع لهم وتكف عنهـم دهورهـا قمت اتهيض يوم هيضني الخطـا لا واهني اللي وسـاعٍ صدورهـا كبدي عليها جمرة القيـض كنهـا سعايرٍ ما يطفـي المـا حرورهـا هات الداوة وهات قرطاس والقلـم اكتب سوالفنـا وبييـن مهورهـا من واحدٍ يمشـي بضـدي وكايـد يركض بحيلاته وانا اعرف غدورها يا مرشد المقـرود ياغـدي الجـد احذر من الدنيـا تغـرك بجورهـا تراه مادامت لغيـرك تـدوم لـك غريت روحك يوم غـرك بزورهـا كلٍ تبرا منـك مـن شيـن نيتـك مقرود والمقرود ما احدر حدورهـا من انت بكفو دوله ودولتك هينـه عرضتك هذه ما تطيـر طيورهـا الترك من دور الحجـازي سلامـه ما وقعوا بارضـك بعيـدٍ دورهـا طقيت تيـلٍ للقريـزي وخلطهـم مية وتسعين الف ماتطول قصورها صارت على قومك جموع وقناصل صغر العيون اللي كثيرٍ شرورهـا وصاروا مثل زرعٍ درع فيه الدبـا فرايسٍ قـام الحصينـي يزورهـا وعزمت شيخ الجن والجن سيـروا سكنٍ كما وصف المساحي ظفورها سووا لي السرداب والدرب ينسمح واطلعني الله ماخسرت مخسورهـا طلعت من دارك عسى الدار تختفي في ليل اظلم مـا درى ناطورهـا والمرجله والطيب لو انـت قدهـا خل المغازي لا تجي في صدورهـا والفعل للـي ينطحـون المواجـب بوسط المجالس متعبين نجورهـا يافويـرةٍ مـدت ايديهـا للـحـذا ذبحنا السباع؟ وجت تناقز فورهـا -------------------------------------------------------------------------------- (( 10 )) ارسل الشاعر ( سعيد الغربه ) رحمه الله للشاعر ( رجا الفزير ) هذين البيتين كــ لغز قال الشاعر ( سعيد الغربه ) : يارجا ياويش عود جاب عود واحد منهم حمل بأربع بنـات جابهن من غير ملكات وعقود عود كل وقته ساهر عيا يبات رد الشاعر رجا سعدون الفزير ( الرجاوي ) وتتضمن القصيده حل اللغز + ثلاث ألغاز جديده وضعها شاعرنا ( الرجاوي ) ! ذاكر مبداي في منشـي الرعـود بالحيا عقب السنيـن الممحـلات لا ذكـرت الله مـا شـي يكـود الله البـادي قبـل كـل الـبـدات ياسعيـد الله يساعـدك بسـعـود أنصحك واخذ العلوم الناصحـات اخذ مني شور كـان انـه يفـود لاتروز الناس خير لـك السكـات قـط بلـدك لاتشربـك بالحـدود لاتجـي لحيـان بومـك لايثـات ان سطى لوح المسامـه بالبـدود تظهر ارجـال تشيـل الكايـدات وبالملاقـا مايـذل الا الـشـرود اركد كان ان الركايـب معطشـات المدافـع زاهـبـاتٍ والـجـرود والمكايـن والمهـارا محـذيـات ياسعيد تقول عـود جـاب عـود واحد منهم حمـل بأربـع بنـات 1* جد الاربع بدر وتخفيه اللبـود يختفـي فـي مدلهـم المرزمـات الابـو محسـوب والعـد معـدود الشهر ورابع جمعنا والبينـات *. ياسعيـد الغطـو هـذا مـايـرود ليتهن صـارن غطـاوي كايـدات اظهـر الكايـد لونـه باللـحـود لو سكن له مع اسكون خافسـات غطوكم جاني وابثنـي لـك ردود أخذ حاضر في لحـون حاضـرات 2* ويش اثنين يختفو حل البرود وشوفهم وقت الليالـي الدافيـات لاكـراع ولا ذراع ولا عـضـود واضح ولحوم جسمه كامـلات * 3* وغيرهن رجال يردا بلا شهود طيـب يتبـع عـلـوم طيـبـات بالطلايـب مـا يدانيـه الجحـود يفلجه لو الصفـوف موقفـات * 4* مع كذالك وش ثلاث بكار سود مع ثلاث بكار شقح لهـن خـوات البكار السـود فيهـن طـرف ذود والبكار الشقح واسطـه داخـلات والفحل فيهـن إلحالـه ومهـدود جاب شقح وجاب سود مجهمات * * 1 حل لغز الشاعر سعيد الغربه وهو : البدر + ايام الجمعه الاربع في الشهر ** حلول ألغاز الشاعر : رجا الفزير ( الرجاوي ) * 2 حل لغزه الاول وهو: الداب * 3 حل لغزه الثاني وهو : الميزان * 4 حل لغزه الثالث وهو : الليالي المظلمه والمقمره والقمر -------------------------------------------------------------------------------- (( 11 )) هذه احدى قصائد الشاعر رجا بن فزير ( الرجاوي ) المتوفي عام 1979م من ديوانه الصادر عام 2004 ويخاطب بها صديقه المرحوم: محمد ابو عجل العازمي رحمهم الله جميعا يابوعجل يازين في بعض الايام لا صار بالخدان سيل وخبـاري بالنص من تشرين تالي هالاوقام قبل البراد وعقب حر الصفـاري اليا ركبتم فوق عجـلات الاولام وارد امريكا مبعـدات المسـاري فـي ليلـه اول النـاس نيـام ليتاتكم تشدي ابـروق الغـداري معكم فريد يخلي الداغر اقسـام حل الهدد يعجب اعيون المواري سمح المناكب لابرق الريش لطام مضراب كفه مثل حد الشبـاري من ماكره ما قلبـه كـل سـوام في صايده دم الحباري حـواري شامي جبل لمرنق الريش غـرام ياخذ من الجول المقفى اجبـاري راعيه جاني منه حقات وايـدام كد ذقت من صيده ثنادي الحباري ابواردي شاطـر مابـه اوهـام يذبح عدي واطيار للصيد ضاري -------------------------------------------------------------------------------- (( 12 )) ومن قصائده الجميله هذه القصيده التي لم نعثر الا على ثلاثه ابيات منها وقيلت في عام 1957 وهي على بحر المسحوب : اليوم خامس لهل الصفر غيـاب ياعلهم عقـب المغيبـه يـردون راحو يبون الصيد بديار الاجناب مدري يجون الصيد ولا يصادون يطردون الريم تلعـات الارقـاب في موقعن فيه الشواوي يضيعون -------------------------------------------------------------------------------- (( 13 )) يقول مخاطباً صديقه ( شبيب ابو حقطه المسحمي العازمي ) : والله لـولا خوتـك ياشبيـبـي اني لاصير من الهواجيس شايب لولا الله ثم لـولاك والله شيبـي مير المخاوى زين يمحي النشايب خوتك عندي مثل شرب الحيلبـي ياحط فوقه شكر والشكر ذايـب لوكان قلبي مع عيون الربيبـي خودن طوتني عن جميع الحبايب خودن طوتني مثل طي الجليبـي لين اودعت صملان قلبي حطايب * الخود : الفتاة الجميله -------------------------------------------------------------------------------- (( 14 )) حج الرجاوي في عام 1953 مع حمله المرحوم ( محمد الوسمي ) وكان مع لوري ( فالح ابوردن ) الذي اطلق على سيارته اسم ( نايف ) وقال هذه الابيات اثناء عودته الى الكويت وهي على بحر الهجيني : في ثلاثه العيد اودعت بالسلامـه والفروض اللي علي الحج اكملني خالصين مابقـى منهـم لوامـه والفروت امن المنـازل شرقنـي يوم نايف نط في راس العدامـه الـفـروت الاولات يهمـلـنـي كل مخلوق على الوالـي تمامـه سندوا للتفطر واليـوم احدرنـي وانطلق مثل الرشا له من مقامه واستـوى درب بوالـم المغنـي -------------------------------------------------------------------------------- (( 15 )) كان شاعرنا في الباديه مع المرحوم ( سعد بن محمد الغريب ) والمرحوم ( مجبل ابن نعيس المسحمي ) وحل عيد الضحيه عليهم فأراد ( ابن نعيس ) التوجه الى الكويت الاحتفال به وتمنى ( بن فزير ) مرافقته ولكنه ابى وبقي مع صاحبه ( سعد الغريب ) وقال هذه الابيات الشعريه : لولا الحيا خاويت مجبل بممشـاه مير استحي وان الحيا له معانـي ادرى سعد في حشمتـه ماتعـداه رفيقي اللي إليـا دريتـه درانـي في سبته عيـد الجماعـه تركنـاه وجعله يعّود هالسنه مـا شعانـي عيد الدشاش الحمر في وسط مرباه في صمت فيهـا يضيـع الهدانـي * الهداني : الردي -------------------------------------------------------------------------------- (( 16 )) يصف الزمن ومشاكله بهذه الابيات الشعريه وهي على لحن السامري النجدي : ياحمود الوقت هاذا شيـب بالغـلام تستوي شطـات والتالـي يزيـن مثل كلوف المزون الثقيله بالغمـام نوع عج ونوع سيل يسر المسلمين دون شك إليا سلم واستعز به المقام ماعليه خلاف يغنيه رب العالميـن -------------------------------------------------------------------------------- (( 16 )) يالله يارفـاع سبـع السـمـوات ياجابر الحـالات ياجالـي الهـم ترجع لنا بالغيث عن كل ما فـات عد السحاب اللي مزونـه تـرزم ان ترحم اللي مامضى له بغيـات بغيته واحـد ودونـه ولـد عـم محيـره حيـره وزاده بملـكـات ولا لك عن المقسوم والرزق يقسم -------------------------------------------------------------------------------- (( 17 )) ياعين اشقر بالخضيرا يحومي على هون بالله تسمع كلامـي ابنشدك نشده ولامـن لزومـي وابعطيك علمن وعطني علامي سلام الف ياللي زهتك الرقومي وان كانك لغيري نبيلك سلامي نبيلك سلام ونبيلـك علومـي لانك صديـق لحالـي تحامـي اليا شمت عني ياظبي الحزومي علامك تبري ياظبـي العدامـي انا ياطويل الجدايـل جزومـي صبرنا على الوالدين والعمامي -------------------------------------------------------------------------------- (( 18 )) افزلـك يابوثـمـان مراهـيـف كمـا يفـزون العـرب للمخيلـه اليا جت من الجبله مزون مراهيش أرجـاه والا الله عليـمٍ بسيـلـه ماتلـزه الحـذوه بليـا مساميـر والثوب تبيلـه عضـود تشيلـه اما غـلا بيـن ولامـن معاذيـر والا تورينـي غـلاي ونجيـلـه الكذب شين وحوبته تطرح الطيـر وراعيه ينقل لـه ذنـوب ثقيلـه -------------------------------------------------------------------------------- -------------------------------------------------------------------------------- ** الألغاز الشعريه : - عرف الشاعر رجا الفزير ( الرجاوي ) بالألغاز الشعريه الجميله, وهي كثيره ومتداوله لدى العامه وهذه باقه منها : (( 1 )) وش رجلن ياكل ماكول لايخرجه ولا يزوعـه اكله دايم فـي بطنـه ناشبن من بين ضلوعه كل الدنيا وهـو فيهـا واخرته ماعرف طبوعه * الجواب : القبر -------------------------------------------------------------------------------- (( 2 )) ابنشدكم عن عجـوز مالها راس ولا رجلين ضناهـا دق وجلايـل بيـنـات للفطـيـن سته مساهم في عشره وست اسهم في اثنين * الجواب : الساعه -------------------------------------------------------------------------------- (( 3 )) ابنشدك عن رجلن املط مافصل ثوبـه عليـه رجال واجناسه واجـد مثله ولونه منه و فيه روسهم تدخل باثنيـن وقفاهم مدخولن فيـه * الجواب : خلال بيت الشعر -------------------------------------------------------------------------------- (( 4 )) انشدك عن رجلن بين إليا كونـه الله يكـون يدخل في تشرين الاول ويطلع في مبدى كانون * الجواب : وقت الوسم -------------------------------------------------------------------------------- (( 5 )) وش بنتن من غير نفس وبطنها ملياني ميته قبل الهوى مير الهـوى يحييهـا * الجواب : الفرن -------------------------------------------------------------------------------- (( 6 )) انا هالتني هنوف حامل بولديـن وبنـت جابتهم من غير رجل وهي بعد جنس غير * الجواب : الدله والهيل والماء والقهوه -------------------------------------------------------------------------------- (( 7 )) وش اثنين في اثنين في بطن اثنين اعشره حيين في بطن موتى وش الموتى والحيين * الجواب : الحذاء والشراب والقدمين -------------------------------------------------------------------------------- (( 8 )) وش رجلن له بناته حمل حروتهن رقم العشريـن حافظهم عن برد وشمس وفراشهن ولحاف زيـن جو الناس مـن عناهـم وذبحوهـم ذبـح شيـن * الجواب : علبه السجائر -------------------------------------------------------------------------------- (( 9 )) افكـر واديـر الفكايـر بأربعه والخامس مـره واحد من غاز ابليـس ليت اللي سواه ادمـره واحد منهم حرك تبلش من تمحرش فيه اسعره يظهر حس الانثى دايـم عليها ياقـوي اقشـره وواحد يطفي الشوشات لاصار بالشوشات اغبره * الجواب : الكبريت والغاز والبمب ومفتاح الفرن والفرن -------------------------------------------------------------------------------- (( 10 )) انشدك عن اثنين اخوان دنيا من يوم خلقوا مالهم اعمـام مكتفين بصوف من زود العنا مترادفين من فوق راس غلام * الجواب : هو خشب الباسكيل الذي يستخدم لتسقيف البيوت في الماضي -------------------------------------------------------------------------------- (( 11 )) وش اثنين باسم واحـد من عصر الدنيا والديـن واحد منهم من خلق الله يمشـي بليـا رجليـن وواحد منهم صنع بنادم راسه يضرب ضرب شين * الجواب : هو السيفان اي : سيف الحق والسيف المراد به السلاح |
| الساعة الآن 02:11 PM. |
Powered by vBulletin Version 3.8.7
Copyright ©2000 - 2024, Jelsoft Enterprises Ltd
Translation by
Support-ar