دروس الحب000 مصافحه جديده
 

السلام عليكم ورحمة الله وبركاته
اعضاء منتدى هوازن الكرام
اقدم بين ايديكم هذه القصيده وعسا ان تنال قبولكم ورضاكم


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]
من هاجس اللي متْعظ من دنْيته كلّ العبر طول الّدهر جرّب وشاف أنّ التّجارب هي مواثيق الّدروس=كلّ الدّروس اللي تَعَجْز اتْطولها اعْتى النّفوس الطّايله نال الدّروس الكايده فالأوّله للأوّله
في دنيته يدري بأنّه في مقرٍ ما يدوم أنْ دام هذا اليوم باكر ما صفاله عرّضه حدّين موس =لكنّ مع هذا أخذ مبْدا القناعه كنْز ما يفْنى ويومٍ جود وأيّامٍ تجوّد فالسّواعد سلسله
وانْ كان ما طال العنب ما قال حامض قال باكر لا دنى غصْنه قَطَف ما لذّ وأسْقته الجداول والرّسوس=عنْده أمَل كبْر الجبل لو كان قالو مشكله جرّت نَمَل في ليلةٍ سوداء على كسْرة فَحَمْ متْحلّله
لكنّ يوم أنّه خذا كلّ الدّروس وشاف فالدّنيا عِبَر كبّ القناعه والامل من شان خاطر عيطموس=جتْله بلا ميعاد في صدْفة عُمُر يا صدفةٍ خيرٍ ترى من ألْفِ ميعادٍ كما قالوا رجال الامثله
في لحْظة الصّدفه خذتْ قلْب المعنّى واعْلن التّسْليم دون امْقاومه حفظٍ على أمن المشاعر والنّفوس=ثمّ أعْلن البيعه لها والصّدفه اللي جابته صارت كما يوم الوطن لا دار دور اللحْظة اعْلن محْفَله
العيطموس اللي ليا من سلْهمت بعْيونها يسْهى مناظرْها كأنّه واحدٍ يقْراء له الرّاهب طقوس=أمّ العيون الدّعْج مكْحول الهَدَب عكْش الرّموش الغانيه والله خلقْها ما تَعَرْف المكْيجه و المكْحَله
رعبوبةٍ من خلْفها ليلٍ طويل الفارع الفرْعاء ليا من فرَّعَت تفْرَع مورّدْت الهنادى فالتّروس= في حسْنها هيبه مثل هيبة سلاطين الجيوش ألْيا مشى وألْيا وقف وقّف له الطّابور بعْد الهرْوله
وأمّا الثّقال اللي تمثْناها الخصر كنّه كما قوسٍ مقابل قوس من فوقه بعد قوسٍ تسنّد ظهْر قوس=وأنْ أقْبَلت وأنْ أدْبَرت تمْشي دلع مع بخْتَرة مع كلّ خطْوة صار في قلب المعنّى واعذابه زلْزله
في طلّته بعْد الغياب الغيث من بعْد الدّهر يحْيي منَ الأشْواق ما أفْناه الغياب اللي ظما منْه العسوس=وفي غيبته بعْد الوصل فجْعه كما فجْعة عقيدٍ بالغلط صاب ولده من بعْدها البلْجيك حرّم ينْقله
هذه طبوع العيطموس اللي خذت قلْب المعنّى وأشْقته يومٍ سَعد وأمْرار يومٍ قمْطرير مع عبوس=من يوم جتْله غيّرت كلّ المبادي وأشْغلت فكْره وهدّت همّته من مشْكله في مشكله في مشكله
في مشكلة حبّه طَمَع يومه يقول أنّ القناعه كنْز قال الحبّ كنْزٍ والقناعه خلّها وسْط الطّروس=في حضْرته ودّه حضورٍ ما تَفرّقه الليالي للأبد يعْني حضوره مع غيابه يا ولَع والاّ وَلَه
نار التّولّع والوَله في وسْط خفّاق المعنّى كنّها نار المجوسي لحْتفل وايّا مطانيخ المجوس =والّصبر ما ينْفع ولا طول الأمَل كنّ المعنّى طالبٍ عنْده إجابه مير ما يمْديه وقْت المسأله
هذا كلام وهجْس ما صاب المعنّى بعْدما شاف العِبر وأنّ الدّهر يخْفي دروسٍ ما دَرَتْ عنْها النْفوس=وأنّ النّساء فتْنه كما أيْضاً لَهنْ كيدٍ عظيم اللي تَظهّر فالأوادم مرْجله والاّ تهزّ المرْجله[/poem]

ناصر بن سعد بن دغيم السهلي



هــلا وغــلا

قـصيده أكثر من رائعه

دمـــت أخ عزيز وأكثر من رائع





العيطموس اللي ليا من سلْهمت بعْيونها يسْهى مناظرْها كأنّه واحدٍ يقْـراء لـه الرّاهـب طقـوس
00000 أمّ العيون الدّعْج مكْحول الهَدَب عكْش الرّموش الغانيه والله خلقْها ماتَعَرْف المكْيجـه والمكْحَلـه

صح السانك شاعرنا الكريم
والصراحه اول مره اشوف هالبحر ممكن تقولي اسمه ..

ليس كل شاعر يستطيع كتابة هذه القصيده

احسنت اخي وصح السانك

تلاعب بالمفردات وسبك وتوظيف رائع للكلمات

بحر لايجيده إلا عمالقة الشعراء


تأكد أنك عملاق وأنك شاعر من كبار الشعراء

سجل أعجابي

الله يبقيك اخوى اللشاعر الغالي منصور الرويلي

صح بدنك

ولاهنت على مرورك

ولي الشرف ان شاعر بحجمك اعجبته القصيده

لا خلا ولا عدم

في لحْظة الصّدفه خذتْ قلْب المعنّى واعْلن التّسْليم دون امْقاومه حفظٍ على أمن المشاعر والنّفـوس
ثمّ أعْلن البيعه لها والصّدفه اللي جابته صارت كما يوم الوطن لا دار دور اللحْظـة اعْلـن محْفَلـه
العيطموس اللي ليا من سلْهمت بعْيونها يسْهى مناظرْها كأنّه واحـدٍ يقْـراء لـه الرّاهـب طقـوس
أمّ العيون الدّعْج مكْحول الهَدَب عكْش الرّموش الغانيه والله خلقْها ما تَعَـرْف المكْيجـه و المكْحَلـه


ياسلام عليك ياسلام عليك ياسلام عليك ماشاء الله


صح السانك مدد ماهيب عدد

شاعر ووافي وجزل ومتمكن وراهي

هلابك اخوى العويني

صح بدنك ولاهنت على مرورك

وشرفتنى طال عمرك

على بحر الرجز

وخذا الطاروق هذا بعد يابعدي

http://www.hwazn.com/vb/showthread.p...threadid=45344

قصيده ما يجيبها الا كبار الهامات من قروم المراجل وازحولها


لاهنت يا ناصر بن سعد بن دغيم السهلي

اطلق على قصيدتك لقب معجزة القصايد

نار التّولّع والوَله في وسْط خفّاق المعنّى كنّها نـار المجوسـي لحْتفـل وايّـا مطانيـخ المجـوس
والّصبر ما ينْفع ولا طول الأمَل كنّ المعنّى طالبٍ عنْده إجابـه ميـر مـا يمْديـه وقْـت المسألـه
هذا كلام وهجْس ما صاب المعنّى بعْدما شاف العِبر وأنّ الدّهر يخْفي دروسٍ ما دَرَتْ عنْها النْفـوس
وأنّ النّساء فتْنه كما أيْضاً لَهنْ كيدٍ عظيـم اللـي تَظهّـر فـالأوادم مرْجلـه والاّ تهـزّ المرْجلـه



شاعر استوطن الابداع


صح بوحك ودام حضورك