منتدى هوازن - قصيدة إدم الحشا

إدم الحشـا يـا عشـيـر الغانمـيـن ادمــه . . . وصبـي علـي الشقـا يــا راويــه صـبـي

لا شفت انا زين غيرك قلـت : يـا قدمـه . . . ولا شفت زينك صرخت وقلـت يـا ربـي

فــي ذمـتـي مــا تـنـوخ نـزوتـي كـدمـه . . . لو كان مِن دل سلمى مـا حـرش ضبـي

يـا شبـه وضحـا مـع الـبـدوان منعـدمـه . . . فـي دربهـا مخلـب العشـاق يلـعـب بــي

اقـول : خدمـه؟. ولا هـي سالفـة خدمـه . . . هِـبـي عـلـي وان تـغـيّـر نـوّهــم هَـبــي

بيـت الشـرف لـوّ مـا تلبـس ولا هِـدمَـه . . . بأسـود شعرهـا عــريّ الجـسـم متغـبّـي

أشكالـهـا فــي قـصـور المـلـك منعـدمـه . . . إلا الــذي فــي عــدن حـطـه لـنـا ربـــي

منهـا بروحـي جيـوش البـيـن مرتـدمـه . . . وفي القلب منها الهموم تطـوف وتلبّـي

بـي صدمـةٍ فيـك الا يـا كبـرهـا صـدمـه . . . منـهـا مـعـاد اقــدر اســرّب ولا اسـبّــي

بــيــوت الا بــيــوت الــعــزّ مـنـهـدمــه . . . لـو فـي حسـن دورهـا تـلّ الهـوى لـبـي

لـو دونهـا الـسـود مرتـدمـه ومحتـدمـه . . . الله جـعـل بـيـن ايــادي مـكـرهـا طـبــي

مــا عــاد عنـهـا نحـانـي واحــدٍ فـدمــه . . . لا ارضـى بسـبّـه ولا هـوراضـيٍ سـبّـي

لـو نفسـه مـن السوايـا الـسـود منّـدمـه . . . هو واللي اغووه ما جوا في وسط عبي

يـا قـوم لـو كـان فيـه مـن الـوفـا أدمــه . . . يقصـر عـن مجاكـر الاجـواد فـي خـبّـي