منتدى هوازن - طاروق بين الشاعرابو عيد الجويسري والشاعر عكاشه

عكاشه

قدمك خيارين لكن مالك الا خيار=اما تعيش بشرف ولا تموت بشرف

دام الصراحه من طبوع القلوب الكبار=اليا انتصرت افتخر وليا انكسرت اعترف

ابو عيد

ماتكمل الحجه الا بعد رمي الجمار=ويموت منهو يجيب السالفه من طرف

السفن ماتشتكي من كبر موج البحار =والبحر ماينقصه منهو بدلوه غرف

عكاشه

في رحلة العمر درس وبالزمان اختبار=وانا ضحكلي طريقي بالزمن وانحرف

لولا غموض المعاني واسمي المستعار =كل عن اللي بصندوق الضماير عرف

ابو عيد

العقل نعمه من الله وانت طالع شهار=كم من مريض حياته بالدوا لنصرف

لو اسمك المستعار اسجله لك شعار=اكتب عكاشه مصيبه بالشعر لنجرف

عكاشه

لك في حياتك مسار وولليالي مسار=ولا تهيّا المناوي بالرّخا والترف

مستقبل العمر ياعمّار قدمك دمار=والحظ لامن بغيته في لزوم انصرف

ابو عيد

إليا تعبنا مع اهل المعرفه باختصار =اكيد صار التعب مخلوف للي عرف