منتدى هوازن - طاروق اتوماتيك بين عواد الجويسري وسعيد ابو ديه

عواد الجويسري

السلام اقدمه والتحيه= ابرجال عاليه مستواها

غن ياخولان والا ابودية =والرجل لاقال كلمة حماها

سعيد ابو ديه

مرحبا ترحيبة عالميه=والمخايل كيف يلحق مداها

هاتها ياعود والشمس حيه=كل نفس دوم تتبع هواها

عواد الجويسري

الخوى لابد يذكر خوية =للرجال الى تعد اخوياها

سامعلى علم ولا علية =لقمة اليتمان منهو كلاها

سعيدابو ديه

ذمتي ياهل المعرفه بريه=والحقيقه لاتبيح خفاها

النطيحه ياعرب والرديه=خاسر من باعها واشتراها

عواد الجويسري

سم داب وخالطة سم حية =والحياية سمها فى جماها

الرعيه مات راعي العرعيه =ابتلش من بعها من شراها

سعيدوابو دية

انتبه ياراعي البندقيه= لاتثور بنقدك في خباها

ودي انك تحتفظ بالوصيه=مير كاتبها نسا ماقراها

عواد الجويسري

ياسعيد ارفق وركز شوية =قبل لاازعل ناس تكسب رضاها

اعرف المحدود غير العلية =ماعطيت الناس ربك عطاها

سعيد ابو ديه

لاتحسب ان سالفتنا حميه=واخويانا الله يسعد مساها

وردوها كل عد رهيه =والضوامي كيف تقطع ضماها