منتدى هوازن - راكب القاري

ياللي ملكنى هواك وشتت افكاري= جيتك بلا علم لاتستغرب الجيه

سيارتى بنشرت خليتها اجباري=من دون سلوى على خط الرميثيه

لاتستهين بكلامى وا قبل اعذاري= هذا هو اللى حصل قلته بجديه

ومن القهر ضقت والله ضاعت ابصاري= مدري شسوى وقفت افكر شويه

عليك قلبي حبيبي يشتعل ناري=احترت ياللى معاك الروح مبليه

ودى على شوفتك لاكن محتاري= اشاور النفس بالحسنه وبالسيه

وشلون ابجيك حالت دونك اشواري= وقفت محتار والله يعلم النيه

ومن كان له حيلتن بالحل يختارى= وانا تصرفت فى حيله جنونيه

من شان عينك وحبي اللى معك جاري = خطفتلى عاملن واخذت قاريه

وجيتك من الشوق مسرع راكب القاري= مصلعن ماعلي غتره وطاقيه

حنيت ظهري عليه لشوفتك ساري= تفتر صينيته من دوس رجليه

من مرنى فى طريقي قلتله كاري= ارفع بصوتى واغنى الحان هنديه

ماحدن درابي ولا عنى احد داري= كنى من اهل المطاعم والافنديه

غيرت لبسي عن احدن يعرف اخباري= لاتلومنى مندفع من حر مافيه

لجلك اضحى بروحى واكشف اسراري= انته شريك العمر حاظر وماضيه

مانى بناسيك كل يومن ولك طاري = اذكرك صبح ومسا وازيدك ابغيه

البارحه ازعلتنى وارخصت مقداري= ماتستمع هرجتى مافيك حنيه

فى شوفتك منسجم واردد اشعاري= وانته ولا همتك هذى ولا ذيه

عن مايكنه ظميرك مانى ابداري= حديتنى للزعل ماتلتفت ليه

عسى العوض فيك كانه ضاع مشواري= للي خلقنى وخلك ابرفع ايديه