|
قصة رومانسية باللهجة الكويتية
السلام عليكم ورحمة الله وبركاته
قصة رومانسية جدا جدا قصة رومنسية حزينة جدا أنا تأثرت بها كثيرا وقد نقلتها لكم من إحدى المنتديات وأتمنى أن تنال إعجابكم القصه مكتوبه باللهجه الكويتيه وحسب ما سمعت انها صدق فأيام ما كانت بشاير في سن 17 .. تعلقت واااااايد فولد عمتها ( نواف ) وحبته حب ماله أول ولا آخر .. وولد عمتها نواف اكبر منها بثلاث سنوات .. وهو بادلها نفففس الشعور .. فدايما ً كانت تدور أي فرصه تشوفه فيها .. ودومها مرتزة فبيت عمتها والسالفه انها متخبله على الرجال .. وهو رجال طيب وعلى نياته .. وكفاية انه جماله وحسن سلوكه غطوا على شخصيته .. فما تنلام ليش انها حبته .. لكن مثل ما يقول المثل ..لا الفرح دايم ولا الحزن دايم ... جأ اليوم اللي كبر فيه ( نواف ) وصار لابد انه يشتغل .. ففضل انه يسافر بعثة لبريطانيا.. و مع السفر كللل شي تغير دامت مدة سفره 4 سنين ... من عقب ما سافر .. اتصل لبشاير يطمنها عليه .. اهو اتصال وااااااااحد وبس .. ومن عقبه نسى كل اللي كان بينهم .... كل شي .. لا خبر ولا حتى رساله تتذكره فيها كل اللي عطاه لها صورته و كاتب عليها ( المغترب.. تمر الأيام و بشاير بلهفة لنواف .. فخاطرها تسمع صوته .. تعرف شو صار له ..؟ ليش كل هالغيبه .. مرت سنتين على سفره .. و مثل ما يقولون اللي بعيد عن العين بعيد عن القلب .. لكن هالمثل ما آمنت به بشاير ولا فكرت فيوم انها تنساه .. رغم كل اللي سواه وياها .. كبرت بشاير .. وصار عمرها 19 سنه .. والكل طالبها ويبه يخطبها .. لكن الأهل مو موافقين ، والسبب ان البنيه متمسكة بولد عمتها .. فبيوم من الأيام .. جاها اخوها الصغير وبيده رساله .. المسكين مايدري شالسالفه و إهي اكبر وحدة فالبيت .. فناولها الرساله وقالها : بثاير .. مادري ثفت الورقه هذي فوق الثطوح .. فيها كلام .. مادري ثنو انتي اقري ثنو مكتوب !!... قرت بشاير الرساله واهي مصدومه ... يا ترى شاللي كان فالرساله ؟؟ ومنو اللي كاتب هالرساله ؟؟ وشالسبب ؟؟ وكان مضمون الرساله وبدون تفاصيل .. ( يعني بالمختصر ) ان أهو فخاااطره يتعرف عليها اذا ما عندها مانع ... ما يبي يصرح عن نفسه .. بس يبي يعرف شنو رايها و يذكرها بنفسه انه واحد تعرفه من أيام الطفوله ... أيام ما كانت فالابتدائية ... وغيره وغيره .. وكاتب لها أبيات شعر ... و فخاطره يردون للطفوله .. عسب ترجع هذيج الأيام الحلوة اللي كانت ... فاستغربت ... معقووووولة ؟؟ منو هذا ؟ وشو يبي ؟؟ ووووو أسئلة اشكثر خطرت فبالها .. فمن كثر فضولها ركبت للسطوح .. وجافت شريط ... و وياه رساله ثانية .. ومدون عالشريط رقمه فشلت الرساله والشريط و راحت حجرتها واهي ماكلنها الفضوووووول.. فخاطرها تعرف شاللي فالرساله قرت الرساله .. وفيها أبيات شعر .. وكلام معسول يا عيني .. و كاتب لها انه يموت فحبها من زمان .. بدون ما تحس .. سمعت الشريط ... فيه اغاني .. بعضها لعلي بحر وخالد عبدالرحمن والباجي ... مادري بهم .. فظلت دووووم تصك الباب على عمرها و تسمع الشريط .. حست باحساس غريب .. فعمرها ما مرت بهالموقف .. ولا كان فبالها انها بتمر فمثله .. وكالعاده ... اول من درى بالسالفه خواتها ... أهم ناااس عدها بالدنيا .. و اعز ناس فاللي اقترحت عليها انها تسأل عن صاحب الرقم .. واللي قالت لها هذي حركات شبابيه.. ناس ما عدهم سالفه.. أما بنت عمها .. فقالت لها عطيني الرقم وانا بتصرف بالباقي .. لكن بشاير ما تامن لبنت عمها .. فرفضت الفكره ففكرت وفكرت ... لكن .. لشنو اتوصلت ... ؟؟؟؟ فإهي حطت فبالها شخص معين .. من عيال الجيران ... لكن اللي غييير رايها .. انها الرسايل اللي استمر يطرشها لها يكتب فنهايتها اول حرف من اسمه ... فعرفت انه l,اللي فبالها .. فمع الأيام ... قام يراقب متى يطلعون الأهل من البيت ويستغل الفرصة .. ويتصل لبيت هل بشاير فدامها اهي اكبر وحدة .يعني اهي اللي بترد على التلفون .. فرن التلفوووون ... تررررررررررررررن ترررررن !!!!! وردت عليه بشاير ... :ألووووووووو ......... تسمع صوت هادي .. و بالصعوبه تلتقط كلامه .. ألوووو السلام عليكم بشاير : وعليكم السلام والرحمة .. نعم أي خدمة اخوي ؟ ؟؟؟ : أي خدمة ؟؟ والله انا مو متصل لكفتيريا والا مطعم والا .. بشاير : لو سمحت حسن ألفاظك ، واذا متصل تبي اخوي .. تراه مبو موجود وتقدر تاخذ رقمه من أي واحد ،، و ان كان فنيتك تأذينا ، ترى ما قولك غير ، استح على ويهك ، تأذي الناس .. ما عندك خوات تلمهن وتغار عليهن ، ما عندك أهل يعلمونك شلون تتعامل ويا الناس ؟ وتصك السماعة في ويهه فبداية اتصالاته المتكررة كان يختبرها ... لكنها دوووم تصك السماعة في ويهه واول ما يوصلون اهلها تعلمهم عن السالفه .. والوالد اظايق من السالفه ... و فخاطره يعرف هالرجال ويسجنه بعد .. لأن اتصالاته اتعدت 20 اتصال فاليوم ومسبب للكل ازعاج .. لكن كل مرة يحاولون الأهل يعرفون هالشخص اللي مأذنهم ما يقدرون لأنه دوم يتصل من كباين ..( هواتف عموميه ) وفـ مررررة اتصل نففس الشخص ... واللي ردت عليه ( بشايــر ) بشاير : ألووووو !! ؟؟ : يا مرحبا والله ، يا مرحبا ببنت الحسب والنسب ، ويا مرااحب ملاييين ولا يسدن .. بشاير : بدينا .. نعم ؟ خير انشالله ؟ منو وياي ؟؟ : اذا تبين تعرفين منو اللي يطرش لج الرسايل ... لا تصكين السماعة بشاير : شنووووو ؟؟؟؟ منو انت ؟؟؟ وشنو تبي ؟؟ و أي رسايل ؟؟ : أقولج ، أنا انا نفس الشخص اللي يرسل لج الرسايل .. بسسس اهو قال جذي ... عرفته على طووووول ،، لأنه عنده عقده فحرف الراء .. (غاء ) يعني اكيد فهمتوا بشاير : منووووو ؟؟؟ علي ، قول ،، ليش ساكت ... ؟؟ : علي ؟؟ أي علي بشاير : قول بكل صراحة ، الصراحة حركة مو حلوة منك من بعد سكوووت طويل .. ردعليها وقال ؟؟ : والله لو أقولج شاللي فقلبي لج ، مستحيل تصدقين ! ما بجذب عليج وبدوخ فراسج ، بس انتي تعرفيني زين ، و انا ما حب ألعب فذيلي ،،، هيه انا علي أنا علي اللي كنتي تسميني انتي والكل ( بالسفـــــاح ) .. انا اللي كل ما تحرش فيج أي واحد من الفريج ألعن له خير بوسلافه .. أنا اللي كل ما شفتي فلم تركضين وتعلميني .. أنا اللي كل ما غلطتي وخايفة من اهلج .... تركضين لي وتقوليلي ... انا اللي كل ما ألاقي وردة ....لازم اعطيها لج .. انا اللي كل ما احلم حلم .... أقولج .. وما خبي عليج أي شي يصير لي ... انصدمت بشاير .. لأنه ذكرها بأشياء قدييييمة .. وناسيتها تماما ً و اهو ذكرها و رجعها لأيام الطفوله بشاير : بس بس بس يا علي بشاير : علي علي : عيون وقلب وحس علي .. تامرين أمر .. شنو فخاطرج الغاليه؟ بشاير : لو سمحت علي .. هالكلام ما يمشي عليه ... غزل وكلام فاضي .. انا مش البنية اللي انت ادور عليها ... صح اني أحس يمكن تكون صاج ... لكن دخيلك .. لا تجيسني .. هذا شي راح وانتهى ... و انت كنت شي من الماضي ... شاللي رجعك ؟؟.... علي : لااااااااا يا بشاير شنو هالكلام.. انا لو ابي ألعب بذيلي أقدر ألعب على ستيييين وحدة ، لكن انتي غير بشاير : علي اذا انت صاج فاللي تقوله ......... انسى .... انسى انك عرفتني فيوم ، أرجوووك أنا أكبر من انك توهمني .. و تقص عليه وفالنهاية تخلني متعلقه بأمل مفقود علي : بشاير ... أنا علي اللي كنتي تعرفينه وما تغيرت .. أحبج أكثثثثثثر من أي شخص فالدنيا ،، انتي أهلي وناسي وكل دنيتي بشاير : علي اذا صاج فكلامك ، لا تتصل البيت مرررة ثانية ، لا تأذينا ، وانسى ان فحياتك وحدة اسمها بشاير و السموحه يا علي طراااااااااخ تصك السماعة في ويهه ومن يومها ما اتصل ... بشاير فالحجرة ويا خواتها ،،، بشاير : مرايم ... شنو تقولون الحين ، علي صج يحبني و ما يجذب عليه ؟ مرايم : والله مادري به ،، ولادري اللي سويتيه به بيخليه ينساج او لا .. كل اللي اعرفه انه كان شيطاااااااان على أيامج ... مادري به احينه يمكن عقل والله هداه حصة : ريميه خلي بشوره على كيف كيفها ،،،،، تفكر فعلي وناسية ولد عمتها نوااااف ،، اللي على قولتها تحبه بشاير : حصووووه ،، تدرين ان نواف سافر ولا سأل عني ولا افتكر ، ما فكككككر يطرش سلام ويا خواته على الأقل وانا أحبه هيه احبه ، سوي نفسج مكاني ،، شو بتسوييييييين ؟ حصووه : والله انا واللي عليه سويته .. قتلج خلج منه ... بشاير : اوكي فيج الخير ،، زين سويتي يالله اسكتي .. حصه : ههههههههههههه أمزح وياج ... بس صج حسيتج مهتمة فيه .. غريبه..مو من عوايدج بشاير وعلى وييها ابتسامة : انتي ما تيوزين عن سوالفج .. مو مهتمة ولاشي .. مو فاضيه لمزاحج حصوه .. أفكار بشاير متشتته .... شاللي بيصير يا ترى .. وهل بتظل بشاير على هالحال ومركم شهر على السالفه .. فـ مرة كانت بشاير طالعه رايحة السوق ويا خالتها و خواتها وبنات عمتها .... يتشرون اغراض تدرون بعد البنات وسيراتهن للمجمعات ما تخلللللللص .. وفجأأأأأأأأة يررررررررن موبايل بشاير ... شافت الرقم ....!! ما عرفته ؟؟ غريبه هذا رقم منو بشاير : فصوووووول ، امانه شوف لي هذا رقم منووو ؟؟ ---> > > فيصل اخوها الأصغر منها بسنه فيصل : ها شنو رديتي عالمكالمة ؟؟ بشاير : لا تخيل ،، رقم ما عرفه ... اوكي لحظة شوي .. الرقم مب غريب عليـّـه ..... جايفه وييييييين ؟؟ ويتصل فيصل على الرقم فيصل : ألوووو ، مرحب علي : اهلين وعليكم السلام فيصل : صوتك مو غريب عليّ ... اعرفك ؟ علي : ههههههه ربيع عمرك يارجاال وناسي صورتي .. مو انت فيصل ... أمس كنت وياك فالكافي فيصل : اهااااااااااااااا ... علي و فز قلب بشاير يوم اسمعت اسم علي ... وادور فبالها أفكار وأفكار و اول ما خلص اخوها من المكالمة سئلته .. منو هذا ؟؟؟ وشلون عرف رقمي ؟؟ وشنو يبي -------> > > اكلته .. فيصل : اخت علي ولد جيراننا تعرف رقمج .. ؟؟؟ بشاير : والله مادري بها .. يمكن احد قالها من رفيجاتي ... ليش ؟؟ فيصل : لا أبد بس يقول انه شاف رقمج فموبايل اخته ... فحب يتأكد اذا كان صج هذا رقم بنيه .. بشاير : اهااااااااا .... عيل دامه بيسوي ويا كل وحدة من رفيجاتها هل الحركة عزى الله طاحن فيها رفيجاتها وتظظظظظحك ..... بس ظلت تفكر فالسالفه ... معقوله ... اخته كيف جابت رقمي ؟؟ وليش يتصل على رقمي بالذات يوم خلصوا الجماعة من الدواره على المجمعات .. راحوا ياخذولهم عشى اتاخروا عالبيت واااايد فرجعت بشاير للبيت ... وودها ترتاح ... تعشت وحطت راسها عالمخدة ... وفيها نوم الدنيا كللللللللها .... شوي ويدق موبايلها ... بشاير : لا حوووول الله ... الساعة 2 الفجر ... حد يتصل بهالوقت ؟؟ ناس فاضيه <<<------ مشكلتها ما غلقته دون ما تنتبه للرقم : ألوووووووو صوتها مرووووووح ... خخخخخخ علي : سلام عليج .. ها شنو نايمه ؟ بشاير : علي .. عليكم السلام ... شلون تتصل بهالحزة ... انت بعدك ما بتتوب ؟؟ تدري اني ما فخاطري أكلمك .. وكلامي اللي قلته لك قبل كان جازم و كنت صريحة فيه ليش رجعت لي مرة ثانية .. علي : بشاير ... حبي لج أكبر من اني انساج .. النسيان صعب تعرفين شو يعني صعب .. اللي يحب صعب انه ينسى 00 النسيان مب سهل يا بنت الناس 00 اذا ما فقلبج حد بادليني الحب 00 انا فامس الحاجه لج 00 والله أحبج ومحتاج لج 00 أنا أحبببببج أحبببببببببج واموووووووت فيج بعد والله .... بس محتاج فرصة أقولج و تفهميني .. بشاير : الكلمة هذي كبيره فمعناها يا علي ... انت حاس باللي تقوله عــ ويقاطعها هني علي ويقول شنووووو حاس باللي أقوله ...؟؟؟ اقولج انا احبج وانتي أعصابج باااااااااردة ... انتي تعرفين معنى الحب ؟؟ كيف تبيني أبرهن لج عن حبي .... مستعد لأي شي تقولينه بشاير : سمي بالرحمن وحط راسك وارقد يا علي ... انت اللي تسويه اكبر منك ... واللي بتتعرض له مع الأيام استحاله تستحمله ... كل اللي تسويه غلط بغلط بغلط يا علي ... انا بنت ناس ولي اهل .. والحمدلله عايشين ... و انسانه عاقله عارفه الصح من الغلط فدخيلك سكر عني و انسى ...... انسى انسى ... علي حز فخاطره رد بشاير عليه .... لكنه ما يأس وحاول وياها .. وبرهن لها عن حبه .. بكل الطرق ... وفكل يووووم لازم يتصل علي على موبايل بشاير .. لازم كل يوم كل يوم .. ما يعدي يوم .. لكن بشاير معانده .. ما ترد عليه والمسكين عقب ما يتعب من كثر اتصالاته يطرش لها مسجات .. يقول فخاطره على الأقل تتذكرني بشي حلووو حتى وانا مو فقربها.. الصبــــــــــــــح .. الساعـــــــــــة 8 يقعد علي من نومه ... على رنين موبايله ... منوالمتصل ..؟؟ فيصل علي : ألووووووووووووووه هاااا فصيل: بسم الله الرحمن ... !! خالتي.. آسف عالازعاج .. الظاهر غلطان بالرقم علي : شنو غلطان بالرقم يا رجااااال .. تتطنز حظرتك فيصل : أوووووووه .. والله تحريتك يدووووه ... بس نسيت انها متوفيه ...... الله يرحمها علي : هااا شنو رحت الاتصالات فيصل : الاتصالات ؟؟؟؟... تراها خايسه خايسه .... يا رجال قوووم ورانا طريق ... قوم وغسل ويهك واتسبح لا تقعد تهلوووس علي : هاااا ؟ اوكي .. بس بو صلوح اتصل بك أمس فيصل : يا ريجاااااااااال هههههههههه ما قلتلك سالفته .. والله فشله .. هذا محد يوديه المارينا .. بعدين بعدين أهم شي الحين روح اتسبح .. وتعالي .. انا بيي وباخذك .. بس هااا لا تتأخر علي : اوكي .. نزل علي من الطابق الثاني من عقب ما تسبح و تكشخ وراح جدا صورة امه ... باسها وفقلبه حزن .. يذكر انه كل ما يبه يظهر مكان يستأذنها.. و تحلف عليه ياكل قبل لا يظهر .. ويبوسها على راسها .. وايدها .. وتدعيله ... علي : آآآآآآآآآآآآآآآآه ............. وين زمانج يا يمه .. والله وحشتيني ... الله يرحمج ويغمد روحج الجنه .. طلع علي ويا فصيل .. وباله كله مشغووول ببشاير .. و يطرش علي مسج لبشاير .. فيصل : علوووه ؟؟ اشبلاك ساكت و تتعبث بالتلفووون .. سولف .. انا بروحي ظايق خلقي .. علي : ما احسدك .. دومك مستانس وماخذ الدنيا مشراع وميداف .. فيصل : هيه والله ....... بس الله يغربلهن من بنات ، ما ينفعن يا رجال ، كلهن مروحات فيها ... علي : ونوروه فيصل : تدري بعد .... خلاص شنو فيها ... خاينه ووحده الله لا يبليك فيها علي : و ريموه و بدروه و ايمان ؟؟ الظاهر صارن قدام فيصل : ما بتسكت ... ذكرتني باللوعاه ... يا ريتني ما قلت لك تكلم علي : فيصل .. احس اني تعبان .. من أمس و أنا بطني مو بخيييير .. ( علي ويا فيصل ويا الشباب ) علي : يا جماعة انا اترخص ... أحس اني مو صاحي بوصلوح : وين رايح يا بو الشباب .. انت خلك ريلاكس وكل شي بيكون تمام .. ....... لكن انت زرعت فنفسك هالشي .. علي : زرعت فنفسي ؟؟ شو ؟ بوصلوح : شو بعد !! انك مريض .. علي : هههههههه ما عندي سماد أزرع ههههه مسوي عمرك فيلسوف بوصلوح : أوكي مرخوص .. بس داري على عمرك وانت تسوق شوي شوي .. لا تدعم لنا شبه والا ادش فالرصيف أدريبك تراك .... لازم كل اسبوع حادث علي : ههههه شو قالوا لك اني بوصلوح نمبر 2 راح علي .... ظل طوووول اليوم وهو يمشي فالسيارة ... ويتسمع اغاني علي بحــر ... يموووت فأغانيه ... مجرد ان الماذن يأذن على طوووول يروح علي للمسجد ..... مرت الساعات و علي يتمشى بالسيارة .. ناسي نفسه ... ناسي كللل شي .. حتى البيت ما دله .. الظاهر نساه .. مرت الساعة 8 العشى .. 10 .. 1 .. واهو طول الوقت .. يتصل لبشاير .. يطرش مسجات .. لكن ... بلى جدوى مرت الساعات .. و اهو يتمشى .. عقبها راح للبحر .. الظلام يخيم عالمكان ... لكن ضوء القمر محلي المكان .. و صوت علي بحر و النغمات الهادية تاخذ تفكير علي ..... لأبعد مكان ... مكان ما يعيشه غيره اهو و حبيبة عمره بشاير .. فكر علي بعمق .. ويسأل نفسه مليووون مرة ... بشاير تحبني ... او لا ... فقلبها حد غيري ؟؟ وين بتحصل انسان يحبها كثري ويييين ؟ اشمعنى قلبي تعلق فيها اهي بالذاااااااااات من بد كل هالبنات .... ؟؟؟ أنا البنات يترجوني ... أتصل او اعطي وحده فيهن ويه .......... و المخلوقه الوحيده اللي تصدني ............ قلبي يريدها ومتعلق فيها .. ويقطع حبل أفكاره .... اتصال .. فيصل : الوووووو علي : هلا هلا بحبيبي فيصل : وينك يا رجال لا اتصلت ولا سألت عنبوه .. قلت يمكن صار فيك شي ... والله اني طول الوقت احاتيك .. علاوي .. بتروح باجر المارينا ؟؟ علي : لالالا ... مو قادر .. احس .... مبوقادر .... أحس فيصل : بتم على هالموال ؟؟ احس احس ... كلها احاسيسك خرطي .. بس لا تحس علي : ههههههه يا ريال ... والله تعبان .. مادري اشفيني .. بطني واااايد يعورني ... فصيل: اوكي .... انت ويهك ويه طلعات .. مادري اشبلاك انت مو عاجبني أبد .. متغيييييير .. مو علي اللي كنت اعرفه علي : ما علينا .. اهم شي انك تهتم بنفسك .. وسلم عالجماعة باجر ... الظاهر اني ما بقدر أظهر فيصل : مسموح يالطيب .. اهم شي صحتك .. واذا فخاطرك شي .. فما عليك غير انك ادق ..ونحن حاظرين وفالخدمة ومرت سنة تقريباً على كل هذا ،،، وفيوم من الأيام ، قعدت بشاير قعدتها المعتاده عالنت .. وفتحت مسنجرها وايميلها .... وتفاجأأأأأأأأأأت ........ ؟؟؟؟؟؟؟؟؟؟؟؟؟؟؟؟؟؟؟؟؟؟ تفاجأت بشاير ان ولد عمتها نواف مطرش لها رسالة عالايميل .. وطبعا ً كلها مكتوبه بالانجليزي _________________ Hi DEER :that's me How are you ?? ana el7emdelellah tmaaaaam ow enty wen ma tselen ? Elmohem deer ana raje3 elemarat yooom eljm3a enshalla .... slme slme Babaaaaaay ويوم الجمعة قريب وما باقي عنه شي ... مو عارفه بشاير شتسوي .... نواف رجع ... مع انه ما افتكر فيني قبل ليش ؟ انا شنو سويت له ؟؟ فـ يا يوم الجمعة ... رجع نواف من السفر ... من عقب 4 سنين ... راحت بشاير واهلها بيت عمتها ... شافت نواف... متغيييير 360 درجة .. مو بس شكلا ً حتى تصرفاته مو مثل قبل ... تغيير وايد .. مو مهتم لها .. أبد حتى علي .. مهتم بها أككككككثثثثثثر من نواف .. بس فوق كل هذا ... الحب الأول استحاله يتعوض بأي حب بشاير : هاه نواف... متغير واااايد ... نواف : لا متغير ولا شي ... انتي اللي كبرتي وااااايد ... واحلويتي اكثر بشاير : نواف ... شاللي غيرك .... انت منت الأولاني .. نواف : صرت أشوفك شخص ثاني .. انت متغييييير حبيبي .. انت منت الاولاني بشاير تنزل راسها : أنا جاده يا نواف ... نواف : أقول بشاير .. أنا مشغول شوي .. بروح أقعد ويا الأهل .. أجلي هالكلام الفاضي لوقت ثاني بشاير مستغربه من ردة فعله : كلام فاضي ؟؟؟ نواف : .... بشاير ... أشوفج على خير |
المهم لاحظت بشاير ان علي قطع اتصاله بها .. ولا عاد يزعجها مثل قبل ...
اكيد فيه شي ... فيصل وهو يربع لبشاير للطابق الثاني .... بشايرووووووووووه .... بشوره يالله خلصيني افتحي الباب .. بشاير : زييييييين لحظة ... فيصل : بشاير لو سمحتي ممكن سيارتج شوي ؟؟ بشاير : غريييييييبه اول مرة ، العاده ماترضى تركب سياره غير سيارتك .. جنك الا ما تتنزل ... فيصل : هههه ترى هذي أول وآخر مرة ، سيارتي بالمغسلة شسوي ؟؟؟ بشاير : بس انا عندي مشوار .. لزمن علي أروح واخلصه ... فيصل : اوكي .. بس على شرط انا اللي بسوق.. بروح المقهى شوي باخذ شي ناسيه ويا واحد من الشبيبه وعقبها بروح المطعم باخذ لي والربع اكل .. وعقبها ..... بشاير: لاااااااااا والله طرار ويتشرط ما خلا مكان ما قلت لي بروحه ... و انا ؟؟ مشواري فيصل : خليني اكمل ... ... وعقب ما اخلص نزليني المستشفى .... اخذي السيارة وروحي بها .. بشاير : المستشفى ؟؟ خير اللهم اجعله خير شو صار ؟؟ شو مستوي فيصل : ولا شي .. بس خبرج علوووه ولد الجخ ... مريض وحالته لا تسر عدو ولا صديق ... بشاير : الله يكون فعونه .. حليله محد مداري عالبيت وخوانه غيره ... الله يعافيه انشالله فيصل : يالله .... فالرجعة اتصلي بي اوكي ... ظل بال بشاير مشغووول على ... علـــي .. الانسان ..اللي بالنسبة لها غير عن كل الشباب ... راقي .. له أسلوب حلو .. وقلب احلى .... حاولت تتجنب هالأفكار اللي تطري على بالها .. حاولت تخفي اهتمامها بعلي .. وحزنها على مرضه .. لكنها ما قدرت ... لأنه غييير .. غييييييير ... بشاير فخاطرها : شو هالغبااااء .. انا عندي نواف ... وليش أفكر بعلي ؟؟ نواف وغيره محد فقلبي ... هو الحب الاول والاخير .. اهم يومين على هالسالفه اللي صارت بينهم ... واتصل فيها نواف نواف : بشاير ..... بشاير : هلا نواف ... هههه غريبه .. ألحين فكرت تسأل نواف : يا آنسه بشاير انا ما بطول فكلامي ولا بلف وبدووووووور مثل ما تسويين انتي بشاير واهي متخرعه .... نوااااااااااااف .... لو سمحت حاسب على كلامك .. نواف : بتلعبين العبي على غيري يا بشاير ... أنا أكبر من انج تلفين وتدورين علي ... أدري بكل تصرفاتج .. تتحسبين اني سافرت خلاص يعني .. صدقيني أنا ما بحاسبج على شي لأني أساسا ً لغيتج من حياتي .. انتي من حياتي انتهيتي ومن زمااان .. ويأسفني اني أقولج واعترف لج .. إني ما حبيتج بالأساااااااااس .. صدق والله ما حبيتج .. كنا صغار .. نقص على عمارنا .. اصحي يا بنت النااس .. بس بقولج الله يهنيييييييييج ويا حبيب الروح بشاير : شنووووووووو ؟ شلووووون ؟ نوااف ؟ هذا استحالة يكون كلامك ....... اذا انت اقرب الناس لي وحبيب عمري وقلبي ......... تقول هالكلام بكل سهوله .... واستمر نواف يجرح بالكلام .. وبشاير صاخه تسمع لكلامه .. ومن عقب ما خلص .. قالت له : خلصت كلامك ؟؟ نواف : لا ما خلصت ... ،، لا تقولين اني اعاتبج لأني احبج !! لااااااااا وستين غلطانه بعد .. أنا أعاتبج لأنج بنت خالي.. وبمثابة الاخت لي .لا اكثر ولا أقل ..........لكن ............... . منو الشخص اللي تكلمينه ؟ من دبي ... بشاير : من دبي ... مادري به والله ولا عرف عن شي .... نواف : بسسسس .. توقعت ردة فعلج .. لكن .. يأسفني اقولج هذا آخر اتصال .. وبعدين مافي مجرم بيعترف بجريمته بكل سهوله .. بس لاتنسين ........ اني ما حبيتج من الأصل .... ولا يهمني شو مكاني فحياتج .... او... موقعي من الاعرااااااااب ... مادري هذا الثالث والا العاشر اللي تكلمينه .... الله يستر بس ... وما خفي اعظم ...... هه هه ... يأسفني انج بنت خالي بشاير وهي تصيح من خاطرها وفقلبها حسراااااااااااااات على العمر اللي ضاع وياه هدر .................. : اوكي يا نواف ... خذ راحتك .. وقول اللي فخاطرك ... بس لا تنسى اني حبيتك صدق.. لا تنسى بنت خالك اللي عاشت أحلى أيام عمرها وياك .. أنا اللي المفروض اقولك ... الله يهنيك فحياتك .. وداعت الله .... و اول ما سكرت ... اتصل بها علي عقب 5 دقايق تقريبا ً .. ( وطبعاً هو كان ظاهر من المستشفى قبل ) ترددت بشاير ترد او لا ... بشــــــــــاير : الوووه ... ه ... ه علي : مرحباااااا مليووووووووووون هلا 000 اشلون الحلوه ؟ بشايــــــــــــــر ساكتــــــــــــه علي : ألوووو ..بشاير.. حبيبتي ........؟ حبيبتي ردي .. ألو .. بشاير : هلا علي علي و أهو خايف : بشاير .... اشفيج ؟؟ شو صاير ... ؟؟ في حد زعلج ؟؟ صار لج شي لحظة صمت علي : بشاير ردي أرجوووووج لا تذبحيني ، خيييير شو صاير ... بشاير : ولا شي .. بس أنا جم مرة قلت لك لا تتصل .. أرجوك أنا بغنى عن المشاكل اللي فيني كافيني أرجووووووووووووووووووووووووووووووووووووووووووووووو استمرت الأيام .. ولا حس ولا خبر ... علي تايه .. مو عارف شاللي يصير من حوله ... يبي احد يطمنه ... قلبه مو مرتاح .. لا اكل ولا شرب ... حتى النوم ما تهنى به ... فالنهاية اضطر لأنه يقول لأخوها ... فعصصصب عليه فيصل .. وقاله .. اترك اختي فحالها .. انت تدري عن منو تكلم ؟؟ عن اختي .. اختي ..اختي لو سويت هالحركة بإختك بتستانس وبتساعدني أرجع لها ... علي : بس انت تدري اني مو ناوي العب عليها .. فيصل : هه عيل تعال واخطبها يا فالح ... شنو منتظر .. علي : والله مستعد اليوم قبل باجر .. بس انت تدري ان أمي اتوفت من جم شهر( توفت بالسرطان ) وما أقدر ... منو المسؤول عن خواتي واخواني .. تدري ان من عقب ما اتوفى اخوي الاكبر صرت انا المسؤول عن عيلتي .. تدري ان الوالد والله يذكره بالخير .. مرقد فالمستشفى وعنده القلب ... يعني .. لازم أواجه الواقع و أمشي الحال وعقب يصير خيييير .. فيصل : عقب يصير خيييير ؟؟؟ عقب بتتفاجأ يا علوووه .. وراح فيصل عنه _________________ قام علي وطرش لبشاير رساله ويا اخوها الصغير .. ( ثلطان ) .. و اكد عليه انه يسلمها لها ايد بإيد فراح الحبوووب لبشاير وناولها الرساله ... وكان مضمونها سلام عليج ورحمة الله وينج حياتي لاحس ولا اخبار ... مدخل الله اطمنيني عليج .... أرجووووج والله الليل ما انامه والسبة هالأفكار اللي تدووور فخاطري قلت يمكن زعلتج فشي او ظايقت فيج ... ( اشقـــد احبـــج وانتي تدرين . قد الفرح فاليوف وقد السنين .. اشقد أودج لا تسإلين .. لأن كل شي انكتب فوق الجبين ) واذا تحبيني صج مثل ما تقولين ... أرجووووج علميني .. افتحي تلفونج ... أرجوووووج .. تدرين انج الهوى اللي اتنفسه .. تدرين انج مثل الماي اللي أشربه .. وبدووون كل هذا ما اعيــــش .. مالي حياة بدونج لا تجرحي المجروح .. يكفيه جرحه .. يكفيه من وقته ... لوعاه وحرمان المجروح A احتضنت بشاير هالرساله .. اللي فيها من ريحة ظناها ... وبأنامها الصغار ... مسحت عالرساله .. تتلمس الكلمات .. واللي بين السطور تتلمس احساس علي وهمساته ... و ... انزلت عبراتها ... وتركت أثر عالرساله ... بكت بكثر ما تعذبت ... بكت .. وبكت .. وما زالت همومها فصدرها ... مستحيل تروح .. او تنمحي بكل سهووووله .... لكن بشاير ..... ما قدرت غير انها تشقق الرساله .... لأنها ما بتقدر تنفذ أي طلب طلبه .... ... وما تبي تظلم الرجال وياها ... بس احتفظت بذكراه ... بكرى احلى حب فحياتها .. بحرف A .. اللي تحمله قلادتها .. اللي أهداها اياها .. مروا الاسبوعين ... ويه موعد الملجة .. وعلي مايدري عن شي ... اتصل فيصل بعلي .. وقاله ... فيصل : هلاااااااااااا بو الشباب .... علي : هلا بالشييييخ ... مرحباااااااااااااا مليوووووون ... فيصل : هههههههه وينك يا رجال .. كل ماروح المقهى ما شوفك ... مو عوايدك .. علي : شقولك يا رجااال ... انت عارف ... ظروفي ما تسمح ... فيصل : لا بس اذا فصوووول طلب منك شي استحاله ترده .. علي : انت تامر .... تفضل اطلب وانا حاااااااااااااااظر وفالشوفه ... فيصل : اوكي ... توصل الطلبيه للبيت والا الوقت متاخر ..؟؟ علي : ههههههههههههه شنووووو متصل كافتيريا يالدحااااااااااح .. فيصل :هههههاااي لا لا صج .... عقب باجر ملجة اختي ... و أنا من الحين أعزمك .. ابه اشوفك اووول المعازيم ... تعال انت واخوك نوفل ... كل الشباب بيتواجدون وقوم عبود كحيل .. وسلوم صنقور تعال يارجااال ..ترى الشباب كللللهم بيووون لا يكون تتغيب .. علي : هههههه اكيد اختك مريم ... فيصل : لا وانت الصاج .... اختي بشاير صخخخخخخخ علي ... حس ان جسمه كلللللللللله تشلل ... ما نطق ولا بكلمه فيصل : علوووووووه ... بلاك ساكت .. ؟؟ الوووووو علووووووه عاد لا تتمصخر ..رد يا رجااااال .... هاه قولي بتحظر ؟؟ علووووووه ... علي ... اوكي براحتك جان ما تبي ترد .. انا سويت الواجب .. واذا تعزني صج بتحظر..... يالله باي ومع الأيااااااااااااام راحت بشاير و اتصلت على ... مسج موبايل علي ..... فسمعت ... مسجه .. (( تاخرتي )) لراشد الماجد وانتابها حزن شدييييد .. وقلبها آلمها .. على الكلمات .. وعلى فقدانها لعلي.. ادمعت عينها .. ونزف قلبها .. تحطمت أحلامها وآمالها .. خذت فخاطرها على أهلها وعالكل لأنهم بيدهم يروها للقبـــــر .... دفنوها واهي بعز شبابها.. يوم ابعدوها عن قلبها ونبضه ... بس الله يرحم هذاك الحب ... ... ويه يوم الملجة وكانت الملجة بفندق ... واتزهبت بشاير ... و طااااااااالعة قمر 14 ماشالله عليها .. .. طلعت بشاير عالكوشه وهي بكامل كشختها وزينتها .. يخزي العين عليها ... لكن نظرتها تحمل كل معاني الحزن .. والألم ما ودها تروووح ... ولا ودها تظهر للناس ... ما فخاطرها تكون يم نواف .. اللي ما همه فالحياة غير نفسه ... الله يسامح اللي كان السبب فالألم اللي سببه لبشــاير وعلي .. علي .. الانسان اللي حب بكل صدق واحساس خالص .. لكن ياللأسف .. مثل هالحب .. محكوم عليه دووم بالموووووت .. بس ليييش ؟؟ لأنه حب صادق ؟؟ او ان الزمن غدر بهالأشخاص ؟؟ !! المهم مشت .. بخطوات متثاقله ... شايله وياها حزن وهموووم توزن هموووم الناس كلها .. قعدت بشاير عالكوشه .. واهي كلها حزن .. حاولت تخفي عبراتها .. حاولت تنسى انها ملجت .. حاولت تنسى اللي صار .. لكن ملامح وييها .. تحكي اللي فقلبها .... بنظرات حزينه قامت تناظر الناس الموجودين .. اللي يحتفلون بيوم مماتها ... وانصدمت ... لمحت شخص .. شخص ومو أي شخص .... تفاجات بشاير بشخص موجود فالملجة .. ما توقعت وجوووده بالأساس .. منو هالشخص يا ترى ..؟؟ وهل بتكتمل ملجتها على خير ؟؟ كانت بشاير جالسه على الكوشه ... وجت أخت علي ... ( ميثة ) وسلمت على بشاير وباستها .. وقالت .. علي يسلم عليج .. يهديج الأغنية الثانية اللي بتدقها الفرقه .... تعرفين منو اللي بيغني ؟؟ علي يا بشاير .. علي اللي بيغني ... على شانج ... لأنها آخر مرة تسمعين صوته بها ... ويتأسف لج على أي ضرر سببه لج اسمعيه .... ومبروووكه عالملجة .. عقبال العرس ... الله يهنيج فحياتج ... بشاير قلبها بدى يدق بسسسرعه .. خايفه .. متألمه .. ماتدري شو شعورها بالظبط .. تنتظر بأحر من الجمر الغنيه اللي بيقدمها لها ..... تنتظر تسمع صوته الرقيق ... اللي انحرمت منه مدة طووووويله ... لكن ... مع اول كلمة تلفظ بها .. وقف قلبها .. وذرفت دموعها ... واختلطت احاسيسها .... و تأكدت انه هذا اليوم اللي بتودع الدنيا فيه لا محاله .... تعرفوووون شو غنى لها علي ....تعرفووون ؟؟؟؟؟؟؟؟؟؟؟؟؟؟ غنى لها اغنية ( باودعك ) بس اهو قال المقطع الاول من الاغنية ... و ما تمالكت بشاير اعصابها .... قامت تصيح بطريقه تعق القلوب.. والكل تراكض لها ... ويقولون للفرقه يوقفون دق .... ومحد درى ان اللي أثر بها صوت ... علي .. وكلمات الاغنيه .. بس الأم بررت الموقف بأن البنيه ما يهون عليها فراق اهلها .. حليلها الوالدة ما تدري عن شي .. بس الملجة تمت ... وعقب ما رجعت بشاير للبيت .. قبل ما تدخل وتتسبح .. بطلت الموبايل ... وكللللل المسجات مطرشه لها من علي ... وفجاة يرن تلفووونها .... وكان المتصل؟؟؟؟؟؟؟؟؟؟؟ ؟؟؟؟؟؟؟ زوجها نواف ... تدرون النذل شو يبي ؟؟ نواف : ألوووو هلا بشاير بشاير : أهلين نواف ... هاه غريبه متصل مو عادتك ؟ نواف : ليش صحتي فالملجة ؟؟ بشاير : ولا شي تأثرت بالغنيه .. نواف : بسسس ؟؟ بشاير : هيه بسس نواف : أوكي ... بس انا جم مرررة قلت لج خفي وزنج صح ... ؟ بشاير : زين حاولت ... بس شنو تبي اكثر .. وزني صار 56 .. نواف : ههههههههههههه شويه ... والله فشله شكلنا وحنا عالكوشه ... ههههههه بشاير : انت تتحجج يا نواف .... شنو ؟؟ تبي تخلق مشكله ؟؟ نواف : تدرين اني ما حب المتاااان ... يالمتيييييييينه ... بشاير : *-* فاكه حلجها ؟؟؟؟ |
نواف : أقولج .... تراج لا تغترين بعمرج واااااايد ... وتتباهين انج قمر ... انا احلى منج وبظل احلى
بشاير : شنو هالكلام ؟؟؟ اقووول عدل كلامك وياي ..أنا حرمتك ... و انا ادري اني مو احلى عنك بس على الأقل لي قلب واحسسس بطعناتك هذي .... و الحمدلله راضيه بخلقه الله نواف : والله ان شفتج بالعرس ما خفيتي لطلقج على طوووووول بدون ذكر أي سبب بشاير : شنووووه .. حسبالك انا ميته عليك .. ( تصيح ) انا ما اجبرتك تاخذني .. كلمتك بخصوص السالفه وقلت لك انت مجبووور عليه .. قلت لي لا ... قلت لك تبي آمنه ..وقلت لي لااااا .. شنو بعد ..تبي تتحكم فكل شي فحياتي انشالله .. انشالله ... انشالله .... بس تذكر اني لحد احينه فبيت اهلي ... و أقدر ... ( يقاطعها نواف ) شو تقدرين ؟؟ ترفضيني ؟؟ هههههههههااااي .. خلاص يا حبيبتي انتي صرتي حرمتي ما تكمل كلامها وياه ... وتصك عنه بسسرعه .. جنه شي علمها وقالها افتحي كبتج ... فتحته ... وشافت رساله محطوطه على علبه المكياج ... ووياها ورده حمره.... .. هذي الورده اهي الورده نفسها اللي اهي أهدتها له من مدة .... أيام الحب .. الأيام اللي عمره ما رح ينساها ...لكن هالورده ذبلانه .. وانتوا اكيد فاهمين شنو معنى ان الورده تذبل ؟؟! قرت الرساله .. كانت بخط ايد حبيبها علي .. مايهم جفف دموعك ..ما يهم اضوي شموعك ..ما بقى شي يا قلبي يسوى دمعة من دموعك ... مشكوووورة يا غناتي .. على أحلى هدية قدمتيها لي ... مشكووورة على الحلم اللي عيشتيني فيه مشكوووورة على كل الوقت اللي ضيعتيه وياي ... لكن للأسف حبج فقلبي كالسم دساسي .. لاني قادر أنسى هالحب .. ولا قادر انساج و انسى ذكرياتج .... غدر فيج نواف ... وبالتالي ... غدرتي بي ... بس ما قول غير.................... الله يرحم حبنا اللي قتلتيه .. جفت دموعي والبقا في حياتـــــج ياللأسف كل الأسف مابكيتيه انتي الغرور أعماج مع حب ذاتج انتي بديتي الحب وانتي نهيتيه اقري عليه الفاتحة في صلاتـــــج انتي رعيتي الحب وانتى طعنتيه توي دريت إن الغدر من صفاتج انتى شريتي الحب مني وبعتيه عســـــا الثمن يكون سبة عنــاتج انتى بنيتي الحب وانتـى هدمتيه الله وأكبر من يسـوي سواتــــج انتي رسمتي الدرب بس مامشيتيه أعماج عن درب الغرام التفاتج انتي كتبتــي العهد وانتــي مسحتيه محـاوله تزوير في ذكرياتــــج خلــي جمالج ينفعج واستغـليه روحي ورا اللـى قالج يا حـــــلاتج اخذى الهوى وياج ليش أحتفظ فيه؟ يمكن يجيله يوم يهدم حياتج .. تذكرين انج دووووم كنتي تغنين لي ... اغنيه استحاله انساها ... ألحين انا اللي فخاطريه اغنيها .. وبكل معاني الألم .. اهديها لج .. ( لا يا قلبي لا اتكلللم .. لا يا قلبي لا اتألم .. هذا هو اللي تحبه .. لو نسيته ..آآآآآآآآآآآآه لو نسيته كان أرحم ) وانشالله فعرسج .. بهديج شي احلى .. صدقيني ... بس يمكن انا ... كنت عقبة ..بينج وبين نواف .. وصيتي لج ... الابتسامة ..... .لا تخليها تفارق شفافج ... اتمنى لج كل السعادة .. لان اللي يحب .. عمره ما يكره لج كلللل الشكر اللي تكرهينه المجروح ... تألمت واااايد من كلام علي .. بس داست على مشاعرها وتحملت الألم .. لكن علي معذور بكلامه .. لأنه محطي كل آماله وأحلامه فحبيبة عمره ... فشنو شعوركم اذا غرستوا نبته ،، رويتوها واعتنيتوا فيها ليييييين ما كبرت ... وفالنهاية يقطفها شخص عديم احساس ... بكل سهوله ... ؟ شنو احساسك وانت معطي شخص معين فمكان عزيز وغالي على قلبك ... واكتشفت ان هالشخص غدر بك ... وتركك من عقب كل اللي كان ... عرفت ان هالشخص ما يستاهل هالمكانه ..؟ شنو شعورك ... بشنو بترد عليه .. معقوله بتم متمسك فيه وحاط عليه الآمال .؟؟ هذا علي ... الانسان اللي واجه الصعوبات ... تركوه الغاليين وراحوا .... وفوق هذا .. تم متمسك بآخر أمل ... انه ياخذ بشاير حتى لو تزوجت ... حتى لو جابت عيال .... حتى لو ...حتى لو ... !! بس لييش كل هذا ؟؟؟؟ لأنه يحب بصدق ... محد يلومه ..... وفعـــــــــــــام 2003 وفيوم عرسها.. طلعت بشاير للمعازيم واهي بكااامل كشختها .. والكل يحسد ريلها عليها ... طلعت ببياضها .. وشعرها الأسود الحرير .. اللي ياخذ العقل ويخلي كل من يشوفها .. ينفتن بجمالها ورقتها .... لكن للأسف محد درى شاللي فخاطرها .. الكل يزفها .. وما يدرون انها تعاني من قسوة هاللحظة ... تمشي ..وتمشي .. والكل من حولها ... فاللحظة اللي قلبها يودع السعاده .. ويودع برائتها وأحلى أيام عمرها ... تمشي وفقلبها سكاكين .. تعذبها .. وتقطعها .... على فراق أعز مخلوق .. أعز انسان ... العزيز الغالي .. علي .... من عقب ما طلعت من الفندق اللي سوو فيه العرس .. راحت ويا ريلها لفندق ثاني ... اللي حاجزين فيه لثلاثة ايام ... ... دخلت بشاير للجناح اللي حجزه ريلها ... وعلى طوووول اتصلت باهلها تطمنهم عليها .. وكلمت خواتها اللي ما اسكتن من الصياح ... بشاير : بس عاده مريووووم .. انا ما مت بعدي حيه .. كل اللي صار اني تزوجت .. خذت نصيبي من الدنيا .. ومثل ما انا تزوجت بيجي يوم بتتزوجين انتي بعد ... مريم : لاااااااااااااااااا يا بشاير .. الموضوع اكبر من اللي تتكلمين عنه .. بشاير : ليش؟؟ شنو تتقصدين ؟؟ تكلمي مريووووم ... مريم : اول ما رجعت انا وخواتي .. شفت هدية كبيره لج على شكل قلب وتدرين عاده من منوووو ؟؟ من علي يا بشاير .. من علي ... و كاتب لج رساله وداع ... وجنه الله كتب عليه ... بشاير : مريوووووم طيحتي قلبي كملي .. شنو فيه ؟؟ شنو صاير ... لا تذبحيني ارجوووج مريم : علي مات يا بشاير .. مات .. فحادث بشاير تشهق شهقه حست ان روحها بتفيض : شنوووووووووووووه ؟؟؟ مريم : هيه والله .. فصول اتصل فيني و قالي .. وميت صياح .. تدرين شنو كان علي بالنسبه لفيصل .. تدرين انه رفيجه الروح بالروح ... بشاير .. بيدفنون علي اليوم الفجر ..... بشاير دارت فيها الدنيا وماقدرت تمسك عمرها ... وصاحت بصوت عالي حتى نواف فز قلبه قال يمكن صار شي بأهلها لا سمح الله.. ونواف قاعد على راسها يسألها شنو صاير ومو راضيه تقوله أي شي بشاير : مريووم قولي شلون صار الحادث ؟؟ لا تعذبيني اكثثثر دخيل الله مريم : مادري مادري بس الغلط مو منه .. من الشاحنه اللي دخل تحتها .. والله مو قادره أصدق انه مات .. --------------------------------- تدروووون شنو كاتب لها بالرساله .. كاتب لها .. انتي كنتي وردة فبستاني واقطفوج .. كنتي شمعتي .. ذبتي .. وذابت احاسيسي معاج .. وصرت معدوم الاحساس... كنتي كل شي فحياتي .. وبكل سهوله خذوج ... كنتي السعادة اللي احلم فيها .. وتلاشت .. محكوم عليّ وانا علي بالحرمان .. سعادتي مستحيل القاها ويا غيرج .. انتي وبس القلب و أحاسيس هالقلب .. ونبض قلبي ..مادري كيف بعيش بدونج ؟؟ .. منج انتي وبس عرفت معنى الحياة .. من عقبج منو اللي بيسأل عني .. منو اللي بيواسيني .. كل أحبابي راحوا .. وفالنهاية ... رحلتي عني للأبد .. بس مازال الأمل فيني.. يمكن ألاقيج فيوم من الأيام ... و يحلى اللقا ...........،،، فالجنه ..انشالله اتمنى لج السعاده .. ..مع اني أشك فإن غيري يقدر يسعدج ...والرساله طويله ..بس هذا القدر .. والمكتوب .. وحكم الله ونحن مسيرين ... ما تدري شنو الله يبيه لك ... صحيح يعز على نفسي اودعج .. لكن أنا مابي اكون الشخص اللي يوقف فطريق سعادتج ... وتأكدي .. سعادتج من سعادتي ... وهذا كل اللي اتمناه لج والحياة ممرات .. وعقبات ... والقوي .. اللي ما له ملاذ غير الله .. فأكيد بيصبر وبيتحمل .. وبيكمل المشوار ،،،، المجروح انجرح مرة ثالثة .. رابعة .. وأكيد في المرة العاشرة ... بس ربي يصبرني على بلواي .. ---------------------------------- خلصت بشاير من المكالمة ... وبالليل ما غفت ولا ياها رقاد.. والكلمة اللي على لسانها وترددها ( دفنوه) .. وهي تعضضض باللحاف وقلبها يتمزع .. ظميرها يأنبها ..............علي........................... علي راح .. و اهو مادرى ان بشاير حبته من كل قلبها .. راح وكانت آخر فكره حطتها فباله ان بشاير تكرهه .. حست انها حرمته من السعادة وفرضت على نفسها انها تعيش ويا انسان انــــاني ... لكن راح اغلى حب فحياتها ... وابتدت حياه يديده ... و اهي حامل الحين وفالشهر الرابع .. بس.. حامل ببنيه .. واهي متوعده نفسها انها لو احملت فبطنها ولد .. بتسميه علي وهذي نهاية حب .. حب ما اكتمل .. وحكمت عليه الظروف بالموت .. يـــا راحل ٍ عنـــي غصب ... يعز علي أودعـــك اعفيني من حرق الدمـــع .. ماقول غيـر الله معك و السموحه يا اخواني واخواتي وفي بعض الأشياء فالقصة ما ذكرناها .. بس للتحفظ ... واتمنى من أي واحد قرى القصة .. يترحم عالرجال .. ما راح تخسرون شي .. وهذي النهايه |
الله يعطيك العافية
وشكرااا على القصة |
السلام عليكم ورحمة الله وبركاته
الله يعطيكـ العافية مشكور ع القصة والله يرحم موتانا وموتى المسلمين |
القصة وايد حلوه ومؤئرة, الله يرحم علي ويرحم بشاير لانها بتعيش حياتها بعذاب طول العمر
|
شكرا علي هذه القصه الرائعه
|
ارواايات زيييننها زيينهااا
|
[align=center][table1="*****:95%;"][cell="filter:;"][align=center] شـكــ وبارك الله فيك ـــرا لك ... لك مني أجمل تحية . [/align][/cell][/table1][/align]
|
شكرااااااااا تسلم يا الطيب
|
| الساعة الآن 03:09 AM. |
Powered by vBulletin Version 3.8.7
Copyright ©2000 - 2024, Jelsoft Enterprises Ltd
Translation by
Support-ar