الشاعرعبداله فالح العويضي
 

[align=center][table1="*****:95%;"][cell="filter:;"][align=center]هذه القصيده للشاعرعبدالله فالح العويضي العازمي بمناسبت حفل زواج عندقبيلة مطير [/align][/cell][/table1][/align]

[poem=font=",6,blue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
سميت بسم الخالق الرزاقــــــــــي=مفني جميع الكون وهو الباقــــي

عـــــلام مايخفـــى ومايدرا بــــــــه= من غرب دنيا الكون للإشراقــــي

ابدا بذكــــــرة وأسالـــه يهدينـــــي=حسن العمل والقول والاخلاقــــي

لأن العمـــــل للأخــــرة والدنيـــــــا= والقول والأخلاق له ميثاقـــــــــي

أجزي بهن واجزى بهن واذخرهن=للي على درب الوفا سباقــــــــي

باحــــــلال ربعاً يكسبون الطالـــــه= بالخير ولا الشر درعاً واقــــــــي

حضرت والمــــوقف نزيه وغالــي=عاشق وأشارك جملة العشاقــــي

عشق الفخر والعــز بين رجالــــــه=ماهو تجول داخل الاسواقــــــــي

احمل ملازيـــم الفخـــر واهديهـــــا= سفير عن ربعي فخر وأراقـــــــي

اصالةً عنــي وامثــــــل ربعــــــــي=قوم العوازم ماعليهم تاقـــــــــــي

ســــــلام يااهل الحفل والضيفانــي=ياطيبين الصيت والأعماقــــــــــي

سلام من قلبٍ صــــديقٍ صــــــادق= باسم العوازم بالفخر ينساقـــــــي

ينصــــــا بنــــي عباد من دانيهــــم= لقصى مطير ويسكن الآفاقــــــــي

يامطير يازبن الدخيل الجـــالـــــــي= اللي بكبدة يشتعل حراقـــــــــــــي

عز الخـوي والضيف وأهل الجيرة=وسقم المعادي باللقا والاقــــــــي

لاثارة الهيجا وصاح الصايــــــــــح= شعلة خطركم كنها براقـــــــــــــي

انتم هل الهدات واهل الـــــــــردة=كم سربتٍ بسيوفكم تنعاقـــــــــــي

حمر النواضر لعتزو في علــــــوى=الموت ياطراد يالحاقـــــــــــــــــي

قد قال عنكم شاعرٍ من ربعــــــــي= قولٍ صحيح وبالوفا تواقـــــــــــي

ياشيب عيني من سرايا علـــــــوى=علوى هل الردات والأوفاقــــــــي

ماذمهم رغم أنهم عدوانــــــــــــــه= بهاك الزمان ميبس الأرياقــــــــي

قولٍ على وضح النقى ومثمــــــــن= ماهو كلام مهولٍ قراقـــــــــــــــي

يوم القبايل بين خذني جيتـــــــــــك=متقاسمين الشر والارزاقــــــــــي

واليوم لله الفضل والمنــــــــــــــــه= أخوان لابغضا ولابه شاقــــــــــي

بأمن وأمان ونعمةٍ من ربـــــــــي=وحكام عدل إلنا ذرا ورواقــــــي

الله على عدوانهم ينصرهـــــــــــم=وحنا بعد نوفيهم الميثاقــــــــــي

شاعر وأمثل لابةٍ محشومــــــــــــه=تاريخها بين القبايل راقــــــــــــي

صديقهم في ضفهم يحمونـــــــــــه=من طعنة العيال والدراقــــــــــــي

وعدوهم مايهتني برقــــــــــــــــاده=دايم وهو في زعزعه واراهاقــي

مدحي بهم حقٍ لهم يلزمنــــــــــــي=وافهم وش اللي مقتفيني باقـــــي

المدح في باقي القبايل يوصــــــــل=وكلٍ بفعله جلها ودقاقــــــــــــــــي

والنعم باللي حضر واللي غايـــــب= حقٍ لهم والحق ماينحاقــــــــــــي

كم لابةٍ تطحن رحات أعــــــــــداها=توف الخصوم وتعتق الأعنـــــاقي

والشعر بحرٍ يرهق السباحــــــــــي= والمدح مايوفي على الإطلاقـــــي

ترا الكلام الجزل لن قلـلتــــــــــــــه=أخير من كثر الكلام الباقــــــــــي

وعلى الرسول إختامها وآخــــــــرها=صلوا عدد مانام حي وفاقـــــــــي[/poem]


[align=center][table1="*****:95%;"][cell="filter:;"][align=center]الشاعر/عبدالله بن فالح العويضي العازمي[/align][/cell][/table1][/align]

شكرأأأأأأأأأأأأأأأأأأأأ يا صالح على نقل القصيده وشكر موصول الشاعر عبداله فالح العويضي