البارحه في منامــــي
 

[poem=font="simplified arabic,6,darkred,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]


بسم الله الرحمن الرحيــم
البارحه في منامي شفت نور العيـن = الصاحب اللي بهرجي قمت اهذريبه
قعدت من مرقدي والفال مني شيـن = وهلت دموعي بلا خوف وبلا ريبـه
اسباب مابي زمانن كد مضى للزين = وقتن مضى للحبيب مقـدر أجيبـه
قفى وانا صابني من صدته جرحين = ويومه طرا ضمري زادت لواهيبـه
قالوا علامك تذكـر ناسـن مقفيـن = قو العزا عنه يومـه طـول الغيبـه
قلت العزا ياهل المعروف دربه وين = أخذو اجر في محبن طاح بمصيبـه
ولو العزا ياهل المعروف له دربين = تراي درب العزا ماعايس امشيبـه
وشلون ابنسى عشيري ناعم الخدين = وصفه ذهب والذهب معرف عذاريبه






[/poem]