منتدى هوازن - محمد سالم العـــــــــــــازمي

لاوالله الا راح نص الليل والمسراى طـــــويل
والعين عيت لاتنــــام ونـــــــــومها ماجالها
لاكن ابسرج مهرتي والقــــــلب مايبغى دليل
والرجل اريحها عن المسرى يكون اشوالها
حتني اعرف من دروس الوقت شين مستحيل
واعرف كل ادروس وقتـــــي دقها وجــلالها
لان العمر محدود وان طول لابد من الرحيل
بين الرجا والياس امشيها علــــــى منوالها
احرك الشجره لياما الغصن منصوبي يميل
واقطف ثمر هالشجره اللي بالطريق الحالها
ان جازلي هالغصن والشجره نويت ابه المقيل
وان كان هو ماجاز لاوالله تــــــركت اضــلالها
عابر سبيل اميز القلب الســــــــليم من العليل
وادور اللي طعنته وســــط الحشى تمثالها
بعلمه درس الحياه اللـــــــي على قــــلبه ثقيل
واعلمه معنى المـــــحبه دقــــها وجـــــلالها
لني مشيت اله بحنان وعطف واخلاص وجميل
وفكيت لــــه بيبان قلــــبن ماتفك اقـــــفالها
وطبعت له حبن على المعلوق لايمـــــكن يزيل
وازعلت جهال البشــــــــردونه وراء عقـــالها
وهذا جزاي يحط وسط القلب من جمر المليل
ويطاوع العـــــذال ويغني علــــــــــى موالها
لاتحسبن الوقت صافيلك ولايمكن يمـــــــــيل
يجيك وقتن يكسر الـــــدله على فنـــــجالها
يجبك الله ماتشوف من الطريق الا القـــــليل
وتجي وانا مبسوط وانت بحــــــالتن يرثالها
واعلمك كيف الخليل يشح بوصـــــال الخليل
واعلمك كيف والحمول اتشال فوق اجمالها
واذكرك بالطعنه اللي بالحشا مثل الدخيل
حتى تعرف ان الذلول مطـــــوله بجفالــــها
العشره اللي مالها مذهب ولا منها حصــيل
ابيعا بيعت بضاعه مارضــــــــي دلالـــــــــها
لان الغلا الصادق سوات الوشم بالقلب الصميل
ويثبت على سود الليـــال المقبلات اهلالها
تحيتن للمهره اللي وصلت عـــــابر سبـــيل
تحيتن من على المـــــهره وانا خيـــــــــالها