منتدى هوازن - ~¤§¦التصويت لشاعر منتدى هوازن ¦§¤~

السلام عليكم ورحمة الله وبركاته

وكل عام وانتم بخير.

بدأ التصويت للقصايد المطروحه بالرقم فقط

فترة التصويت اسبوعين

ملاحظه::لايُقبل تصويت الاعضاء الجدد

( 1 )

[poem=font="simplified arabic,5,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
بوح المشاعر وصادق قافي وحساسي=حاولت ابين معانيها وترجمها
لادار فكري وطاروقي وهوجاسي=مشاعر صعبه أي انسان يفهمها
اقيس مقياسها ماضاع مقياسي=ونقست اغلًف معانيها وصممها
ماقول راهي ولكن ضاقت انفاسي=ونجيت اخصص بدون اشعور اعممها
الحاجه اللي ثلاث ايام تحتاسي=حاولت اجمًع من الباقي ولملمها
ماتستوي ليًنه مع يابسٍ قاسي=هذي قناعه وفاهمها وعالمها
دام العفو والعفو مسكوب في كاسي=اسقي عدوًي وحاسيسي احكمها
وباب المحبه فتحته لابعد الناسي= والناس لو انً تخاصمني ماخاصمها
وابياتها من صميم القلب والراسي=صدق المشاعر تكلمني واكلمها
يالله عفوك تزيل الهم وعماسي=( أمين ) ياواحدٍ والناس راحمها[/poem]

( 2 )

[poem=font="simplified arabic,5,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
بوح المشاعر وصادق قافي وحساسي=حاولـت أبيـن معانيهـا واترجمهـا
لا دار فكري وطاروقـي وهوجاسـي=مشاعرٍ صعبـه اي انسـان يفهمهـا
هات القلم تو زان الشعر فى راسـى=يوم الطواريق تنهمنى وانـا انهمهـا
انكان ودك تعـرف اليـوم ياجاسـى=ابشرح ابيات شعرى فيـك وازهمهـا
ودى اعلمك كانـك بالزمـن ناسـى=ترى خطايا الزمـن لجلـك ندمدمهـا
طيفك يجينى وانا فى غفلـة انعاسـى=متخيـلٍ صورتـك كـنـى اكلمـهـا
لاتفتكـر ياحبيبـى اعلـن افلاسـى=بصبر الحال فـى غيبتـك واكعمهـا
لاتصير ويا الزمن ياصاحبى جاسـى=تـرى الليالـى لغيـرك مانوهمـهـا
خلك ابدربك معـى يازيـن متواسـى=لاترمـى السالفـه يمـى وتكتمـهـا
الثوب لامن لبسته يصبـح اقياسـى=اصبر وتلقى المثايـل فـى معالمهـا
انكان قلبك خفوق ومابـه احساسـى=ترىالمعانى علـى مثلـك نترجمهـا
خلاص ياصاحبى بعثـرت نوماسـى=شتت ذيك المشاعـر كيـف الملمهـا [/poem]

( 3 )

[poem=font="simplified arabic,5,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
بوح المشاعر وصادق قافي وحساسي=حاولـت أبيـن معانيهـا واترجمهـا
لا دار فكري وطاروقـي وهوجاسـي=مشاعرٍ صعبـه اي انسـان يفهمهـا
كيف اتغنا معك ياقلبي القاسي=الاوله طايفه لاكن اتممها
مانلتفت فيك لو راسك كما راسي=خذها كذا يابشر هيا تسلمها
واليوم انا مشغلن فكري ونوماسي=ضربة معلم لابد ان اتعلمها
وان طعتني خلك ابدنياك متواسي=فرضة حالت طواري وابعممها
واللي يدوس العرب لابد ينداسي=بعض الاوادم ترانا نب نبلمها
ياخذني الفكر مع همي وهوجاسي=مامعك خطه لجل عيني وترسمها
واليوم بين الرجا والحلم والياسي=وطيوف بعض العرب بالنوم اكلمها
ياشجرة مثمرة من غير حراسي=والكلمه الطيبه ملزوم نفهمها [/poem]

( 4 )

[poem=font="simplified arabic,5,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
بوح المشاعر وصادق قافي وحساسـي=حاولـت أبيـن معانيهـا واترجمـهـا
لا دار فكـري وطاروقـي وهوجاسـي=مشاعـرٍ صعبـه اي انسـان يفهمهـا
لاقلت كيف المحبـه ضاقـت أنفاسـي=أمانتـي يـا جماعـه كيـف أسلمهـا
صد وهجر لين بان الشيب في راسـي=يا قاضي الحـب لـو تسمـح تحكمهـا
بذكره يا جماعـه كـان اهـو ناسـي=عن ليلة العشق يوم الشـوق يرسمهـا
بذكـره كـان غيـر طبعـه القـاسـي=نبني صـروح المحبـه مـن تحطمهـا
انجدد الحب قبـل اعلـن لـه افلاسـي=ليتـه يعـرف الطريـقـه ويتعلمـهـا
البـال دايـم معـه والفكـر محتاسـي=والعله ((الحـب)) يظهرهـا و يكتمهـا
ياحبّي اللي جـرا مايضعـف الباسـي=لاشـك عنـدي طريـقـه يامعلّمـهـا
ان ((الصبر)) هو شعاري وآخر انفاسي=حتى الصبر ملّ مـن شـدة مظالمهـا
كـان الليالـي تغيّـر طبعـك القاسـي=نبني صـروح المحبـة مـن تحطمهـا [/poem]

( 5 )

[poem=font="simplified arabic,5,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
بوح المشاعر وصادق قافي وحساسـي=حاولـت أبيـن معانيهـا واترجمـهـا
لا دار فكـري وطاروقـي وهوجاسـي=مشاعـرٍ صعبـه اي انسـان يفهمهـا
بوح المشاعر وحبس الشعر بنفاسي=والصوره اللي في بالي مقدر ارسمها
قتلت حرف القصيده داخل احساسي = لو القريحه تفيض وصعبه أكتمها
حاولت أبين ولكن وقتنا قاسي =والبنت لاولدت الافكار تعدمها
أكتب وعبر قصيدي فوق قرطاسي =جزل المعني هواجيسي تترجمها
اسمع بيوتي مع نفسي ومع ناسي = والناس تطرب لها وانا اتألمها
ما كني اللي حزنت وطحت متواسي = وما كنها اللي على قلبي وسايمها
فعلا معاناه حبي اوجعت راسي = بالله ياقلبي انسي الشعر دمدمها
وثري هوازن تهيض كل هوجاسي =لو كان في ماضي الايام تظلمها
أخذ القصيده من احساسي علي أسي=وبالله لـ منظم التحكيم سلمها [/poem]

( 6 )

[poem=font="simplified arabic,5,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
بوح المشاعر وصادق قافي وحساسي=حاولت أبين معانيها وأترجمها
لادار فكري وطاروقي وهوجاسي=مشاعراً صعبه أي أنسان يفهمها
على الذي ذاكره وهو الذي ناسي=حتى وعود المحبه مايتممها
مكذب لو أقول له من بين الأقواسي=أشقى حياتي وغربلها ويتمها
لو البلا شوق بقول له لاباسي=مير البلا خطتاً ماكنت راسمها
ماقلتلي ليه يابو خصر مياسي=ناساً تحبك علامك منت راحمها
إنحست وأنا الذي مانيب منحاسي=مابه حباري تسالم من صوارمها
أنكفت عنكم بعد ماخذت مرواسي=واليوم نفسي على مثلك مشيمها
بكره أذكِركّ يلي دايماً قاسي=لابد يوم المراره منتقاسمها
مانيب خاسر لو أعلنتلكم إفلاسي=إللي مثيلك أرباحي من هزايمها[/poem]