الاجودي مايظلم
 

الاجودي مايظلم الااجوادي=ولايولع للمشاكل ناره

يحشم رجال المعرفه وينادي=على الكرم ويطيب فى مشواره

يرقى على العليا ولاينقادي=للظلم واللي مايجوز إشهاره

لامن سمع له علم من نقادي=يخصمه وإلا يستره بستاره

مايطير به للمجلس المرتادي=ولايدور للمديح أسعاره

وإن صار شاعر ماهرن وحيادي=مايحط بالعالم ردى وعياره

ذيبن يعرف إن الذياب إتصادي=والبوره إتعود على البواره

بالعلم دايم بالسنع يزدادي=ولايخوفه البحر بخطاره

يسعى لماراد الولي ويفادي=بالروح عن ربعه وكل أنصاره

وإلا الضعيف اللي حدر بالوادي=مايشوقهّ يم الجبل معباره

ماهوب قاري لوحة الارشادي=ولامخلي ضيعته بغباره

مهما نصحته يترك الاحقادي=على الردى والشين شفت إصراره

نجسن بظلمه يلهد الاكبادي=ولاترده طعنته ونذاره

عايش على ظلم العرب ومعادي=الغافل اللي ماسعى بظراره

وأنا لاشفت الغاير الهربادي=ماقلت إله ياحمار لف الطاره

أكويه لين إمن الخمال إيبادي=وحط من تحت الحذا مقداره

عزالله إنك ياهذاك الرادي=جرحت إلك رجلن كبيرن كاره

ماكنت أضنك للبشر عبادي=ولاهقيتك كلب للجزاره

كنت أحشمك وطيبكّ بالكادي=ومدحك عند البدو والبحاره

وثريك نذلن للوفا جحادي=والمنزل العامر تهد أسواره

أكبر دليل إنك مريض إفوادي=فرقت مابين الجمل وحواره

الصبر لو طول معك مافادي=لازم تذوق المر بالقطاره

أنت الخبيث اللي بظلمك بادي= وأنت الكسير اللي لقى جباره

حركت إلك بحرن نشيطن هادي=لاهاج ماتنصد منه الغاره

بحرن لطومن يغرق الحسادي=مايرد من عدوانه إلا بثاره

متعلمن ماقال سين الصادي=ومنوراتن كل يوم أفكاره

مايجهل اللي للفضا روادي=ولايزيده علم وجه الفاره

لوقال هذا مانقص مازادي=وجهة نظر ماعقبها كفاره

ماجرحّه بمصقلات إحدادي=ولارثع فى سمعته وأسراره

ياما بوجه إعداه دونه ذادي=باللي تحش إمن الخفوق أوتاره

مير أنت ملعونن وهبس إربادي=فى كل شين إموقعن بوكاره

تشهد على شرك عرب وفرادي=يالساقط اللي هالكن من عاره

فى كل موقع للبشر جلادي=ماخفت من لايرحمك بقداره

ماتهمك إلا المصلحه والزادي=والمدح من خبلن قرع لك طاره

للشينه أنت أطوع من الفسادي=وأسبق من الصاروخ والطياره

للطيب والعيا ماحدك حادي=ولا الوفا قد قيدك بهجاره

مافيك غير المهلك الوقادي=حسدن لخلق الله سرى بعصاره

من يوم يالمهبول يالقصادي=فشلت باللي منه ذقت أمراره

أبلشت خلق الله بكل إبلادي=وأتعبت من لافيك لد أنظاره

تركض ورى اللي بالمحطه سادي=والشاعر اللي مبدعن بشعاره

مافيه رجلن بالقصايد جادي=إلا بصوره تاخذه بزياره

ماكنك إلا فاتن الاكرادي=اللي تلم المال من هداره

للمصلحه تقرب من الحصادي=وتكدره وتجوده بزراره

ماتهده إلا لين منه إتقادي=للمركز اللي شاع به مظهاره

متولج العالم خطا وعنادي=من حاره إتحولّ لذيك الحاره

تبغى الشهاده من عيال الضادي=على هزيلن قابره قباره

لاكن محدن فى هزيلك شادي=ياكود من قال الغزال إحماره

إصحى من الغفلات والمرقادي=يالفاجر اللي ماتسر أخباره

تراك فى سبي هبيلن غادي=أنا حمد ياسيد الطراره

ماني كماك أشحذ من الاسيادي=ولا ركبت إمن العرب سياره

عزيز ماني للردى كدادي=يالساقط اللي عاشقن محداره

على الفقر لي قيمتن وإشدادي=من نفس دايم للعلا وماره

محدن بماله مدني بمدادي=ولانخيت التمر من تماره

ثوب الشرف هو دوم سر إسعادي=عن ثوب من ذله تزيد أشراره

مالك من الامجاد مثل أمجادي=بالعز وإلا بالشعر وصداره

من كنت تلعب كورتك بالنادي=وأنا القصيد إمجمله بزهاره

إنطعتني لاتصير قدم إزنادي=قدام لاقلبك تشم إكتاره

خذ من على نصح البشر معتادي=نصيحتن لهل الردى طهاره

لاصار بيتك من زجاج إبوادي=لاترمي إبيوت العرب بحجاره

وإن عدت للنكبات والمهجادي=وخفيت يالبوار عني شاره

يكشفك عندي ثالث الابعادي=وحط فيك اللي ماتطفي ناره