|
طاروق ناااااااري بين الشاعر الكبير خالد الحجيري (بيرق سليم ) والشاعر صلاح الشمري
خالد الحجيري ياسلام الله من اللي وفيً لصدقاه عارفً معنى الصداقه وعارف دورها الشمالي من صفى نيته كلن غلاه مير جعله ي سلم اهل الردا وشرورها صلاح الشمري مرحبا من شاعرٍ حافظٍ دور خوياه ظل عن حر الليالي وزايد جورها الرجل لابان خيره ولابيّن رداه اقتنع من كف يمنى عطت ميسورها خالد الحجيري ليه دايم لازهمتك تعكس الاتجاه ماتقدر غيبتي لو تطول اشهورها شرهتي شرهت رجالً لهم وجهً وجاه يارجال كل شي يحك اصدورها صلاح الشمري لا دخلك الشك صاحبك ماهمّك رضاه الليال نجومها والكواكب نورها كان تبغى وجه صاحبك لا تقعد وراه انشد اهل الطيب واسمع وحكم شورها خالد الحجيري مادخلنا الشك وابليس مانحسب وذاه واليالي حاسبً يسرها وعسورها الحجيري يمشي للقدم ماينظر قفاه وانت لاتتبع عرب عرفها في ظهورها صلاح الشمري احسب حساب الزمن حسب دورك بالحياه لجل ماتبلش بعمي الرجال وعورها من عرف بيعه يابيرق بيعرف مشتراه ماجهلنا الناس تعرف بطول شبورها خالد الحجيري والله اني ما استمع في هذاك ولاهذاه واثق الخطوه وادق العدا فى انحورها النصيحه قدمت من وفي تعرف وفاه واحترص والناس لاتتدرج بغرورها صلاح الشمري البشر ماهو بمعصوم لا بيّن خطاه كل ما هزّيت شجره تطير طيورها النصيحه طيبه والرجل يتبع هواه لاتوصي من دياره يعرف صقورها خالد الحجيري الغثيث من العرب مايجيب الا الغثاه وانت وش حدك علي اهل الغثا وفجورها النفوس الغاويه مالها سترة نجاه كل ماجاها الهواء تنغرق فى بحورها صلاح الشمري ماني مخاوي سوى رجل عالي مستواه يوم بعض الناس ياسليم بان قصورها النفوس الغاويه فيه من يبحث خفاه والنفوس الطيبه ياكثر جمهورها |
| الساعة الآن 09:56 PM. |
Powered by vBulletin Version 3.8.7
Copyright ©2000 - 2024, Jelsoft Enterprises Ltd
Translation by
Support-ar