منتدى هوازن

منتدى هوازن (http://www.hwazn.com/vb/index.php)
-   الشاعر نواف منّور العازمي (http://www.hwazn.com/vb/forumdisplay.php?f=235)
-   -   الشاعر نواف بن منور العازمي (( ملف شامل - متجدد )) (http://www.hwazn.com/vb/showthread.php?t=136715)

حمــد الصابري 25-05-10 08:21 PM

الشاعر نواف بن منور العازمي (( ملف شامل - متجدد ))
 
السلام عليكم ورحمة الله وبركاته

سأضع هنا ملف شامل لنواف منور رحمة الله
طواريقه قصايده صور


نواف ..
مرحبا بلي حضر بنيابه عن حبيب .... من هجوسن كلمت الحق قام وقالها
يالرياحي بعد جينا ودرجك النصيب ..العلوم الوافيه في صدور ارجالها

فيصل ..
والبقابك عدما تشرق الشمس وتغيب ..بالرجال الي لهم روس حالي حالها
اجتمعنا والتقينا ولافينا غريب ...... وسعوا ميدانها حددوا منزالها


نواف ..
بارك الله في رجالن تزيدالطيب طيب ...اذكر الي يجزي الناس حسب اعمالها
المنازل عاليه مابهاشكن وريب .... الحبال ان عقدوها يجي حلالها


فيصل
العلوم الهاهدف والجروح الها طبيب ...والبنوك مقيدن قرشها وريالها
شايفن بعض العرب مورحله ريح ذيب ...والذيابه كيف حالك وكيف احوالها


نواف ....
العلوم الها هدف والنظر ماهوقريب ...ما يميز ليلتا العيد غير هلالها
انت تضحك لاكن الذيب في وسط الجليب ...والذيابه يختلف لونها واشكالها


فيصل ...
ياحليل البندق الي مراميها تصيب ...ربحت من جابها ربحت من جالها
اعتبرها لك شهاده ولا فالصدق عيب ...مير خلك عم ليلى وانا رجالها


نواف ...
انت بدالنبيا ماذكرت الا شعيب ...والبقيه ما لقا حملتن يشتالها
يتعب المسلم ويشهد له الرب الرقيب ...وانت خذ مع حسنتك مثلها وامثالها


فيصل ...
اصلح النيه وتلقابها حظ ونصيب ...دوبنا نسمع بذاعت سبا وارسالها
جعل عمرك عمر نوح وعسى راسك يشيب ...مير سير بالجزيره وعدجبالها


نواف ....
يالرياحي ما يجيد الادب غير الاديب ...والبروق الي تكاشف عليك ارسالها
ان حضرنا قرب الحوض واشرب يا شريب ...كلمت الشيبان جت في قلوب اعيالها


فيصل .....
مرحبا بالبرق والسيل والوقت الخصيب ...اقنعوا بالعافيه والعبو موالها
زانت زهور الخزامى وفاحت ريح طيب ...مير معها نبت ثاني ماهيب الحالها


نواف ...
انت لولا شبت النار ما قلنا شبيب ...وان حضر شباب يجلس شبيب بجالها
كانها صعبه ترى ما على ربك صعيب ...انت قدم دلتا الهيل مع فنجالها


فيصل ....
كل ما ناديت جساس ناداني كليب ...وانتهت حرب البسوس وعرفت ابطالها
ما تزين الزبده الا ليا خض الحليب ...عشت يا نواف بين الرحا واثفالها


نواف ...
كفت الميزان تخلص طليبن من طليب ...ما يحسب لقمت السم غير اكالها
الرياحي بسفل الضلع في بطن الشعيب ...ما درتله سربت القوم لين اومالها


فيصل ...
العلوم مصلحا وش تودي وش تجيب ...حولتلك فوق راسك قبل ترقالها
بكره الجمعه وتسمع ويش يقول الخطيب ...يا لعلك تحفظ الخطبه الي قالها


نواف ...
لا تجاهد مع يهودن علامته الصليب ...ان لقيت الروس مالك ومال اذيالها

و سلامتكم

حمــد الصابري 25-05-10 08:22 PM

يــــــقـــــــول لــــشــــاعـــــر مــــســــتـــــور الــعـــصـــيـــمـــى


ليا ضاق صدرك خلق مطلق يجيك اسعاف
ترى صاحبـك كـل الطواريـق غناهـا


ولـــلـــعـــلــــم كــــــــــــــان مــــطـــــلـــــق مـــــــوجـــــــود؟


يــــــقـــــــول لــــشــــاعـــــر مــــســـــحـــــل الـــمـــطــــيــــرى

حنا العوازم كسبنا النصر وانت امهـزوم
هزيمتـن جاتكـم ماينمـحـى عـارهـا

يـــــــقـــــــول لــــشـــــاعـــــر عـــــــبـــــــدالله الــــعـــــيـــــر

دام الـعـوازم سيـفـهـم مـجــرود
الـنـور مشبـوبـن مـاهـو طـافـى

يــــقـــــول لـــشـــعـــار قــحــطــانـــى لايــحــضــرنـــى اســـــمـــــه الان

جعادين العوازم تركب البكره بدون اشعور
ليا حنت من الضيقه تساوا فـوق غاربهـا

يــــــقـــــــول لــــشـــــاعـــــر فــــــــــــــلاح الــــقـــــرقـــــاح

مانقـصـر الطـيـب دون الطيـبـيـن
والا المـهـبـل نـزيــد اهـبـالـهـا

يـــــقـــــول لـــشـــاعــــر حـــبـــيــــب الـــعـــازمــــى الــعــتــيــبــى

انـت مـن يــوم غـيـرت الديـانـه
صــار مـغــزاك دون انكـافـيـه؟

يــــــقـــــــول لــــشــــاعـــــر فــــصـــــيـــــل الــــريـــــاحـــــى

ان حضرنا قرب الحاض وشرب ياشريب؟
كلمت الشيبان جيت فى قلـوب اعيالهـا؟

يــــــقـــــــول لــــشـــــاعـــــر مــــحـــــمـــــد الـــســـنــــانــــى

سجل اسمى وانت مجهول ومسجل غياب
البقـا للـحـى والمـيـت الله يرحـمـه

يــــــقـــــــول لــــشــــاعـــــر ســــلـــــطـــــان الــــهـــــاجـــــرى

العـوازم رجالـن مايـدنـس شرفـهـا
ياوليد اقحطـان اللـى غـدا برمضانـى


مع الشاعر الكبير ( مستور العصيمي )

يقول

احسبنك منت هين وضلعن مايشال 00 لين شفت الناس تعقد عليك احجاجها


انتها المشوار والفال يقفاه العقال 00 خل صبرك صبر مكه على حجاجها

له بيت من الاف البيوت مع سلطان الهاجري

يقول

اهب ياهالذيب لو عنه اسنون 00 ياكل عرب مافيه شين يعيفه



انا اقول لو معكم ثمانين شيطان ابى اعطيكم المقسوم وانا لحالي




مع تركي الميزاني بحفل المريخي





جدي ليا عدت الاجـداد شرفنـي ومطير في ساحة الميدان تعرفني
لا تحسب اني على كيفك تصرفني والبيت مايعمر الا فوق سيسانـه




مع عبدالله العير المطيري




لا والله ماتعرفنا وعرفـك لنـا بلـوى هل المهد تدري في سميره وفي سلوى
وانا خصامي الي تعرف العازمي علوى ترى المذهب الاول يغطي على التالـي




مع عبدالله الميزاني



انت سالم وطيبك جاك من ورث سلمى
لكن الضلم في سلمى العواريف ضلمى
كيف هالطاسه الخرقى يقدم بكلمه
جعل فالامر خير وجعل فالامر خيره




نواف خشم الوجه وانت من ... الشك دايم من صفاتك يالضعيف




مع فيصل الرياحي





وان كان حبل المشقنه فيه رجال لا تترك الميقاف وتقول خيـره



مع عبدالله بن شايق


تــى الحقيقة تجود في قوى الحبال\ارجــع لبيرن تليمتوا علــى جالــها
يــوماصبح القدر والتقــدير تحـــت النعال\ربعــي نشامــا مــاوللة تــاصل انـــــــــــعـــالــــــــــــهـــــــا



مع عبداللة الميزاني



انا لامشيت الدرب ماني بنشاد تضيع الدروب ولايضيع الدليله




للشاعر : نواف بن منور العازمي

أثــرك ولــد عبــاد مافيــه غيـــره .... الي ذبحنـاه فـي جــال النجيــره .... تلقـى علومـه عنـد صقـر الجزيـــره .. هـذا الصحيح وقولـو الي تقولون

حنـى العـوازم كسبنـى النصـر وأنــت مهـزوم .. عزيمـتن جاتـكم ماينمحـي عــــارهـــا


على الهـــون ماودي أتعـدى الحــدودي ... عسـى ناصـر المسـلم يـذل اليهـودي .. لكنـي كويتيـن نضامـي سعـودي

لـو نشـد النـاس وش بعـد العـوازم عـن مطيـر ... قالـو للـه العالم بعـد النقيـره عن نقيـر ... العـرب تبغـى الطلابـه والسموحـه يـ الاميــر

أنــت جاهــل وعادت الجهـال ماتقـول الصحيـح .... ميـر قبـل تضحـك العالـم وقـع لأ تطيـح . ليتهـا صارت عوافـي وصارت ذبيـح

عطنـي العـلم الجديـد ومامضـى راح ومضـى .. قبـل لأ أضيـق عليـك الارض ويضيـق الفضـى . وأن زعلـت مايجي بعـد الزعـل غيـر الرضـى

حمــد الصابري 25-05-10 08:23 PM

نواف العازمي:
يا قحاطين قصتكم عرفنا هدفها...مير نبقا نطق البيت مع باب ثاني
والسنين لخيره يلعن الله جدفها...لاعبت للعراقي وضحكت لليماني

سلطان الهاجري:
يا عوازم تجون المرجله مع طرفها ...يا صغار الخشوم ويا طوال الاذاني
القحاطين تحفظ حلفها لمحالفها...وانت طير تنقل من مكان لمكاني

نواف العازمي:
العوازم رجال(ن) ما يدنس شرفها....يا وليد قحطان الي غدا برمضاني
الرجال نعرفها والعلوم نعرفها ... هاجري(ن) علومك كبر ضلع قحطاني

سلطان الهاجري:
العوازم رجال(ن) ما نرابي صدفها...وسمها جيت(ن) تحت الضلوع الحواني
فيك علا وانا الازم لزوم اكتشفها...ثم ناد الطبيب الي يعرف المعاني

نواف العازمي:
لا عرفت الرجال الطيبه لا تحذفها ....أنطح القومي ياراع القعود العماني
انت رجل(ن) تخم السالفه وتخطفها....ليلن مالك صديق وليلت(ن) مرحباني

سلطان الهاجري:
فيك ريشه وريشه ومادري من نتفها...حسبناالله على صدام ذلك الزماني
دايم الناقه الجنفا يبين جنفها...فلعسر واليالي فالعسر والليالي

نواف العازمي:
وانت ريشتك طارت وطلب الله خلفها...يا هل الريش و تفتيش حول حلباني
انت مثل العسيف الي خسر من عسفها...لبركت ما تثورها عصا الخيزراني

حمــد الصابري 25-05-10 08:23 PM

المحاورة قديمة ونادرة جرت بين الشاعريين
نواف منور العازمي ( رحمه الله) و رشيد الزلامي
اتمنى ان اوفق في نقلها لكم




رشيد الزلامي




مرحبابالشاعر اللي بالاصل منهـم ومنـا
عد ماخيل خيال الصيف وامطر من مزونه
الوطن هذا وطنكم والوطـن هـذا وطنـا
نعرفة وانتم ليا جيتوا وطنكـم تعرفونـه





نواف العازمي




البقا بالشاعر اللـي كلمـا راح وتعنـا
ماحدن يجهل رشيد ولاحدن يجهل لحونه
انت صادق والعروبة مابها شك وظنـا
فيه ضلع مثل ضلع اطويق ثابت ركونه






رشيد الزلامي




مثلكم يكسب رضانا وش يدور من زعلنا
الرفيق اللي يحب اخشومكم لا تزعلونه
انت يانـواف تعرفنـا لياسقنـا جملنـا
الصديق اللي وراك ابعيد حطيناك دونـه





نواف العازمي




ياعسى السكين في جنب البعير اللي مثنى
وانت تعرفنا ولا نرضى على مثلك مهونه
من عرف درب السلامة غير دربة ما تمنى
والرجال تقدر المعروف ماهـم يجحدونـه






رشيد الزلامي




الحقيقة مالنا غيرك ولالك غيـر حنـا
مار صار العلم مثل الحلم كيف تفسرونه
في نهار العيد ماشفنا لكم كـف محنـا
والرجال يقدسون العيد يـوم يعيدونـه





نواف العازمي




انت قبل العام قد شاركت في غـزوة مهنـا
وان عطيتك علم حطة من وراى قلبك ودونه
في نهار العيد كلن له هـدف سامـي وفنـا
فيه عود عود طيب وفيـه عـود يعزفونـه






رشيد الزلامي




علمنا الاول وصلك وعلمك الثاني وصلنا
مار يوم الذيب قرط فيك كسرنا سنونـه
لو خليناه ياكلكـم كبـر بطنـه واكلنـا
مار خليناه يربض غصب وانتم تسبرونه






نواف العازمي




لاتسجلها علينا والخطـأ ماهـو بمنـا
فيه ناس غير شخصك يارشيد ايمثلونه

حمــد الصابري 25-05-10 08:25 PM

نواف العازمي :


سلامي والله يبيض وجه خالد زعل


لــــزم عليه وانــــا لــدعــواه لبـيـتـهـا


يالشمري ذيب تال الوقت مسبوه عهل


سويتها مــيــر مدري كــيــف سويتها




ذيب الشمري :


يامرحبا بالخصوم اللي تــصــيغ الجمل


اللي تــــحـــدى اليا مني تحديتها


ماني مكلف بتدوير البعير الـــهــمــل


اتعبت رجلي على سكته واحفيتها




نواف العازمي :


انا احسب انك قبل هذي طبيب العلل


واثرك تبغى تداوي العين واعميتها


رجلك ورى مسيلمه الكذاب وابو جهل


تركض ورى الشله اللي ينهدم بيتها




ذيب الشمري :


انا اخلط الحبة السودا بجوف العسل


يــــاكـــم علة زمان(ن) طافت داويتها


يلعنك ياكوكب الــمــريخ كوكب زحــل


هذي نتيجة لــــك الله مـاتـمـنـيـتـهـا




نواف العازمي :


انت سلالة ثمود مكذبين الـــرســـل


ماهي غريبه لو الاصحاب غشيتها


منك الزعل محتمل ومنك الرضا محتمل


مير ابخامس يمينك يــــوم مديتها




ذيب الشمري :


انا سلالة رجال(ن) صالحين العمل


امــنــت بالله والاصـنـام هديتها


حديثك المغتضب واسلوبك المبتذل


لامن بغت تـطفي النيران شبيتها

حمــد الصابري 25-05-10 08:26 PM

هذة محاورة جرت بين الشاعرين نواف العازمي وملفي المورقي
في راس تنورة بالمملكة العربية السعودية بمنطقة الشرقية.. الجزء ( 1 )





يبدأ نواف العازمي

ياسلام الله سلامن مثـل نـور الشمـس بـادي
فـي محـل العـزوة الـي نارهـم بالحيـل حـيـة

الوعـد يالمورقـي بكـرة ليـا نــادى المـنـادي
و كان منته في عفيف القاك عند اهل الحوية

يـــــرد الـمــورقــي

مرحـبـا ترحيبـتـن مسكانـهـا داخــل فــؤادي
مـيـر اترجمـهـا واهندسـهـا واقدمـهـا هـديــة

الوعـد ياصاحـبـي وان سـيـل الله كــل وادي
غـيــر هـــذا لاتـقــول ولاتـلــد الـعـيـن بـيــة

يدر نواف العازمي

ياعسى فيكم البقى يالشاعر الي منت تاعدي
مطلعـك مـن راس تنـورة علـى نجـد العـذيـة

انت مدري مع فريـق النصـر ولا الاتحـادي
ودي اعرف قبل ندخل في تفاصيل القضيـة

يـــــرد الـمــورقــي

السـوالـف كلـبـوهـا طـيـبـة والـجــو هـــادي
قـض وقتـك بـارك الله فيـك بروحـة وجـيـة

الخبر يابن الحلال اكبر مـن اخبـار النـوادي
صارت الدعوة على خيطان مدري السالمية

يرد نواف العازمي

المـطـيـة فـوقـهـا راع المـطـيـة والــشــدادي
وانشد الراعـي عـن اشـداد المطيـة والمطيـة

نسمـع اخبـار الـنـوادي كلبـوهـا غـيـر رادي
ذاك لـوانـة يجـيـب اخـبـار زودهـــا شـويــة

يـــــرد الـمــورقــي

من غزاة الذيب الاشهب لايصيح ولاينـادي
يحتزم بالسيف ابـو حديـن مـن دون الرعيـة

تدري ان الداب مايهتم مـن سـرب الجـرادي
يتـحـرف ويتخـيـر راس ذيــك وراس ذيـــة

يرد نواف العازمي

ياحليـل الــي يحسبـنـة يصـيـد ولا يـصـادي
لـــي بـكــرة تنـكـبـة الايـــام نـكـبـة عالـمـيـة

كـان رحـت اتابـع الغلطـات والعلـم الوكـادي
يمكـن الايـام تغـدر فيـك وتصـيـر الضحـيـة

يـــــرد الـمــورقــي

ان نفضنا البارق المنشـور واعلنـا الجهـادي
دون علـمـن نقـصـدة مانخـلـف الـنـيـة بـنـيـة

الحـرايـب لاتحسبـهـا خــراب بـطـول وادي
مايلـد القـوم غـيـر ســلاح وعـزومـن قـويـة

حمــد الصابري 25-05-10 08:27 PM

بدا مناور

راح نص الليل ياشعار من تعب يتعفى ---- لايقوم الا قوي الحييل شيال الامانه

وانت يا نواف بين الحق والموت المصفى ---ان بغيت الحق عانه وان بغيت الموت عانه

رد نواف

اتلفت من صلاه العصر وانشدوتلفى---- تو ماشـــافت اعيوني صاحب القـــلب الــتكانه

يا مناور قمت نص الليل كنك مستخفى ---- اعرف اني مثل نجم اسهيل ماتاقف اوزانه

مناور

ادري ان ارموش عينك يا ابيض الشارب ترفى---ولاسرى من ليلك الا ضحك سن وليل دانه

انت لوحاولت تخـــف النور بان ولاتخـــفى---- الخـــطر داهمــك يانواف بــــعد عن مــكانه

رد نواف

بارك الله في فهيم لاوقف وفى وكفى-----والرجال اهل المعرفه مايحبون الاهانه

اكبروا وقت الرخا والخير وانعام اتكفى---قبل يا الضلع القصير ماتوقع خيزرانه

رد مناور

الخصيم انشافني قابلت للميدان قفى----لايغرك يوم نضـــحك معك ونطـــش الميانه

كل نار تشتعل من قدح زندى ماتطفى---مير بع موترك وامسك صف وشتر عيربانه

غير نوااف

ياجماعة خير جعل بتالي الايام خيره ----صاحبي ذا الليل اشوف كن ماهو صاحبلي

يامناور لاتعودها على حوس المريره-----ثم تصبــح سالفتنا كلـــها ياطــــير يلـــي

رد مناور

انت يانواف في صدرك سواليف خطيره----والكلام اللي يضــر بصــحتك خـــله يـــــولي

اخر الايام اشوفك شرهتك صارت كبيره---- يوم تصبح بالرياض ويوم تمسي في حولي

رد نواف

لي محل(ن) فالكويت ولي محل(ن) بالجزيره ----- يعلم الله ماتعبت الا دفاع(ن) عن محلي

ابتلش باللي يحاربني بسـيف(ن) مستعيره ----- وانت اعرفك صاحبي ماطعت في الشله الي

مناور

واحد ماخاف ربه طامعا في حق غيره -----وانت لو حاولت ماحصلت شي ماحصلي

انسعيت بخير والله مانعقد لك مسـيره----- وان بغيت اتصادم الضلعان يانواف قلي

نواف

يامناور يوم حدوها على حووس المريره -----والله ان اللي غدا للناس ماهو غاديلي

حمــد الصابري 25-05-10 08:27 PM

ومن اقوى المحاورات مع الشاعر نواف العازمى فى الكويت
وهو يطلب العير رحمه الله في اعنف واشد المحاورات والفتل والنقض

اليكم بعضا منها

نواف العــازمي


سلام رديّه تذر الكحل بعيون الحسد=تلفي مجال اللي يحاولها ولاهو حولها
السبت قدام الاحد واللي ورى السبت الاحد=اقولها واللي معه فكرٍ سليم يقولها


عبدالله العير المطيري


يامرحبا ياسعود يوم انك تغني مع سعد=اهل العقول البيض مدري وش دخل بعقولها
تراك يانواف ابن منور غريب (إ)عن البلد=والمقفليّه عند رجالٍ يحفظ قفولها


نواف العــازمي


دام البقاء بسعود خيّال الجهام المعتمد=ما اقولها لأهل الطبول اللي تدق طبولها
استغفر الله يوم قلت ام الولد جابت ولد=يوم انها قامت تشيل الجمر وسط حثولها


عبدالله العير المطيري


إليا قنب سرحان في الظلماء ورد والا شرد=والصايحه تنخى وكل الناس مالدولها
عين المهلهل عقب اخوه كليب والفها الرمد=والناس قامت يم .... حروثها تعن خيولها


نواف العــازمي


انا ادري انك علةٍ صرمى ولاادري وش بعد=المشكله حلياك حلياها وزولك زولها
ترعد وتبرق سالفتكم جعل مافيها برد=يالله عساها المزنه اللي ماتسيل سيولها


عبدالله العير المطيري


ابن الحلال اللي حرث عنها تورط وانقرد=انته تحاليها وانا حملتها بحمولها
الله واكبر يالعوازم ياقويين الجهد=ان كان فيكم خير سربتنا الصباح اقفوا لها


نواف العــازمي


ان جيت مازاد العدد وان رحت ماتنقص عدد=تبغى الصحيح اضحك على ناسٍ خفاف عقولها
عزالله انك فارسٍ قطاع لو ماترتعد=والا العوازم خابرين فعولكم وفعولها


عبدالله العير المطيري


انا ليا جيت اخزي الشيطان والواقف قعد=والا انت ابو جره مايعروف ثومها من فولها
فعلت لك فعله ولاحصلّت منها الا النكد=يوم العرب هجت وكبت قشها ونعولها

حمــد الصابري 25-05-10 08:28 PM

مجلة المنصّه العدد الحادي عشر 2006

حاوره- محمّد صويّان :-

نوّاف منور العازمي .. إسم لا يخفى على كل من يعرف الشعر الحقيقي ..
حضوره كفيل بنجاح أي محاوره .. يدخل الحفل مبتسماً ويخرج مبتسماً .. ثقته تجعله منتصراً دائماً .. يرتقي بالشعر .. ولا يشغله المهاترات .. يخشى الأذكياء عواقب إحراجه .. فهو من أقوى شعراء الرد في الخليج .. وفي النهايه تكون له الضربه القاضيه .. في لقاء جريء لا يخلو من المفاجآت كان لـ (( المنصّه )) معه هذا الحوار .

1. حدّثنا عن مشاركتك في مهرجان المحاوره الأوّل المقام في الكويت وكيف تقيّمها ؟

- في البدايه اشكر الشيخ أحمد الفهد على إهتمامه ورعايته لفن المحاوره ، فقد ذلّل كل الصعاب من أجل نجاح المهرجان ، وسيكون هذا المهرجان سنويّاً بإذن الله أمّابخصوص مشاركتي فقد كانت رائعه ولله الحمدوُفـِّـقنا بتقديم ما يرضي كل من تكلّف عناء الحضور ، وشاركت طوال أيّام المهرجان حين تم تكليفي من خلال اللّجنه المنظّمه بلإتتاح المهرجان وختامه وكانت مشاركتي ناجحه في رأي أكثر الناس.

2. ما رأيم بمستوى الشعراء المشاركين؟

- شعراء متميّزون ومبدعون لهم حضور قوي تفاعلت معه الجماهير وكلّهم نجوم .

3. محاورتك مع محمّد بن مشيط كانت من العيار الثقيل فهل كان بينكما خلافات ؟
- ابن مشيط شاعر ولا يوجد بيننا أي خلافات ، ولكن المحاوره لها سياسه خاصّه من الصعب جدّاً كشف أوراقها الحقيقيّه وابن مشيط شاعر إبداعه في السنوات الأخيره يجعله في الصفوف الأماميّه .

4. بماذا خرجت من هذا المهرجان ؟

- خرجت بتجربه جميله تضاف إلى رصيدي .

5. يقال إنّك إستغللت علاقتك باللّجنه المنظمه من خلال تمرير بعض الاسماء ومحاولة عرقلة بعض الأسماء ؟

- هذا الكلام غير صحيح وأتحدّى أن يبته أحد .

6. غياب خمسة شعراء معلن عنهم في مهرجان بهذا المستوى أمر يصير الإستغراب فهل هناك أسباب؟

- أنا بإعتقادي أن هذا السؤال يجب أن يوجّه لهم وبفضل من الله نجح المهرجان رغم غياب أهم النجوم لكن الموجودين فيهم البركه .

7. ما سبب إعتذارك عن الكثير من الحفلات التي تعرض عليك ؟- لم أعتذر إلاّ عن الحفلات التي لا تليق بميتواي ولا تضيف لي شيئاً وشعراؤها دون المستوى .

8. هل المكافأه شرط أساسي لحضورك إلى الحفل ؟

- بالأكيد فهي من حقوق الشاعر ولكن قد أحضر أحياناً لتوجيب أهل الحفل وأعينهم .

9. أين أنت من الفضائيّات ؟

- تأتيني عروض كثيره ولكن أغلب هذي الفضائيّات تبث بثّاً تجيبيّاً وإذا أصبحت رسميّه أكثر سأفكّر في عروضها .

10. قد يخفى على الكثير أنّك كنت كاتباً صحفيّا في مجلّة (( سيوف )) قبل سبع سنوات في صفحتك (( خلّوها )) أصداء واسعه حدّثنا عن هذه التجربه ؟

- (( خلّوها )) حق من حقوقي كوني شاعر لي مصنّفات وحقوق محفوظه في وزارة الإعلام ولفت نظري سرقة مطبوعه لها سمعتها هذا الإسم ليصبح ضمن صفحاتها متجاهله تماماً حقي الأدبي وللأمانه أنا لم ألتفت لهذا الموضوع بجديّه ولكن يقتضي التنويه .

11. سمعنا غم ديوانك المقروء فما هي أخباره ؟

- أضع اللّمسات الأخيره وسوف يرى النور قريباً وهو ديوان مقروء يحتوي على أغلب قصائدي من النظم وخصّصت للمجاوره 300 صفحه من 900 صفحه وهي عدد صفحات الديوان .

12. الإشاعات تلاحقك دائماً لدرجة أن الصحافه تنشرها في الجرائد اليوميّه ولم نسمع منك أي تعليق ؟- في أثناء نشر ما كنت تعنيه لم أكن في البلاد ولعل سفري ساهم في رواج هذه الإشاعات التي لا تزيدني إلاّ صلابه وقوّه ولا تُـرمى إلاّ الشجره المثمره ولم أجد وقت الفراغ للرد على من كان هدفهم ردي لذلك حرمتهم ما كانوا يريدونه ، ومشاركاتي الأخيره سواء بالكويت أو في الخارج أكبر رد على هؤلاء المرتزقه .

13. هل تعتبر نفسك شاعر الكويت الأوّل ؟

- هذا اللّقب لم يأت إلَيَّ من فراغ فأنا قد مثّلت الكويت بأغلب المهرجانات الرسميّه وخلال 15 عاماً قابلت أغلب شعراء الخليج وأعتقد أنّي أستحقه بلا منافس .

14. من الشاعر الذي تخشى مواجهته ؟لا أخشى سوى شاعر واحد يعيش الآن في مثلّث برمودا وهو (( أدسم بن دامس )) .

15. يقال إن لشعراء المحاوره طقوساً خاصّه قبل بداية الحفل ما مدى صحّه ذلك ؟

- أرجو التوضيح أكثر .

16. بصراحه إن أكثر الشعراء المحاوره إمّا يستخدمون منشّطات أو (( مخاوين )) ؟

- فن المحاوره له تاريخه العريق وليس من السهل على أي شاعر دخوله وعموماً الموهوبون معرّضون للإنتقاد الباطل .

16. ما رأيك بعودة ابن شايق ؟

- سمعت عن إعتزاله وسمعت عن عودته ولكن إلى الآن لم يتغيّر شيء وقد يكون إنشغاله بمطاردتة (( المكسيما )) أنهك قواه .

17. ما سبب خلافك مع فيصل الرياحي ؟

- هو من إفتعل الخلاف وحساسيّته الشديده جعلته لا يحتمل سماع ردّي .

18. ولكن ما شاهدناه في البلوتوث غير ذلك ؟

- قد يكون الرياحي لقطته رياحيّه .

19. رغبات الجمهور غيّرت خريطة طريق المحاوره فهل هذه الظاهر سلبيّه أم إيجابيّه ؟

- تفاعل الجمهور شيء إيجابي وتغييره دليل على متابعته ونحن لا نلعب إلاّ من أجل هذا الجمهور ومن المؤكّد أننا نحترم رغباته ونحاول جهدنا أن نلبّيها ، ومت كان حضورنا إلاّ من أجل ذلك .

20. برأيك هل الإعلام أنصف شعراء المحاوره ؟

- للأسف لا ، فهناك كثيرون لم يسلّط عليهم الضوء مثل (( خليف بن دوّاس )) .

21. نلاحظ أن ردودك على تركي الميزاني دائماً قويّه ؟- لأن إسلوب تركي خفيف وحبّيت أثقـّـله ليصبح الحفل أكثر سخونه ، وتركي من الشعراء الذين أستمتع كثيراً بمحاورتهم وأحترمهم جدّاً وبعد إنتهاء الحفل نرجع أحباباً وكأن شيئاً لم يحدث وهو يدرك ذلك تماماً .

22. محاوراتك مع الشاعر سعيد بن رحمه لاقت نجاحً جماهيريّأً كبيراً بالرغم من عدم إنسجامك معه في البدايه ؟- هو شاعر في بداية طريقه وأحياناً يكون النجاح توافيق ، وأبو حمد وأبو حمد لم يدعا له المجال (( جعلهم يسلمون )) .

23. محاوره ندمت عليها ؟

- محاوراتي مع الشاعر زيد بن سلمي وأتمنّى أن لا تسألني عن السبب .

24. محاوره لا تنساها ؟

- كانت عن الأمير سعد الناصر السديري بالغاط لأانّي إستطعت أن أفتح الأبواب المغلقه وأكسر القيود .

25. من يلفت نظرك من الشعراء الشباب في ساحة المحاوره وتتوقّع له مستقبلاً زاهراً ؟

- الشاعر سفر الدغيلبي والشاعر إبراهيم الشيخي من الشاباب المتميّزين .

26. وشاعر الخليج الأوّل في المحاوره ؟

- رشيد الزلامي بلا منافس خصوصاً بعد تسليم صيّاف الحربي العهده .

27. كلمه أخيره ؟

- أشكر مجلّة المنصّه على إهتمامها بالشعر والشعراء وأتمنّى لها إنطلاقه قويّه تحرّك سكون الساحه وأشكر القائمين عليها وأتمنّى لهم التوفيق

حمــد الصابري 25-05-10 08:30 PM

محاوره بين الشاعر نواف العازمي وصياف الحربي> رحمهم الله

نواف

مرحبا في المكان اللي عزيز(ن) جنابه
غززوه الرجال معززين السلومـي
مايجي فـي محلي واحـد(ن) بالنيابــه
لين أعلم رجال المعرفة علومـي

صياف

كـل كــاتــب مــع الدنيا ينظـم كــتــابـه
والبقا بالعميل اللي يـسد اللـزومـي
أكـثـر الـنـاس يـغـلـط والـغـلـط ما درابــه
قاصد الحج لاينسى طواف القدومي

نواف

تـونـا فيك ماهـــي وقـفــة(ن) وانــقـلابه
كيف بأحصر علومك بين ليلة ويومي
بعض الأصحاب ياصياف نحسب حسابه
مير بعض العرب يفداه ربعي وقومي

صياف

انــت طــرقـي وقــدامي جـبال وشعابه
راسك اصلع ويومي واسفل الثوب يومي
شعشع النور يوم أوحيت صوت الربابه
والحقيقه في هرج الصدق ماني ظلومي

نواف

جيت طرقي وأنا أعرف كل درب وغابه
مير ابا طق خشم مرفعين الخشــومـــي
كان لك نفس تسري ليل ما ينسرابه
طلعت الشمس عفشك جاهز ومحزومي

صياف

كان ضاعت صلاتك بين شهب الذيابه
لاتــعــديــت مــكــه صــلــها فالجمومــي
أنت يالخندفي ماتحسب إلا شبابـــه
نوب تنخى سليم ونوب تنخى البقومي
نواف

أنت ما أنت برسول ولا حفيد الصحابه
يا أحمر العين مالك في صلاتي وصومــي
أدرى أن الـخنــادف عــلومــك طــنابـه
مير أنا شلت قسمي من خيار القسومي
صياف

الـجــمــل مــايطيح إلا لـيـا طاح نابه
وش تبي بالدفاع اليا خسرت الهجومي
صــاحــبي خندفي لكــن روح نهابه
مـيـر يـرفـع يـده ولله غفـور(ن) رحــومي

نواف

كان يا حرب صار الوضع حزب وعصابه
صار صاحبك معطى وأنت صرت محرومي
أنت شكلك غريب وفي علومك غرابه
والســلامة على قـــول المثل ماتــدومي

صياف

أنت صرت أجنبي فالدار مالك قرابه
فوق راسك ثلاث طيور شهب تحــومــي
أكــثـر النــاس يضحك لو فوقه رقابه
مايشوف السما حتى يشوف النجومي

نواف

انشد الدار وجبال الحجاز وهضابه
مايضيع البعير اللي عليه الوسومي
السوالف كذا ياحرب ماهي حرابه
وش علينا من الطايح لو انه يقومي

صياف


كان فوق الجمل وسمين ويش تهقابه
دف نفسك مع الشجعان خل الرخومي
من يبي الشرق الأوسط باع به واشترابه
مير قلل في عزمك يالحصان العزومي

نواف

المنازل تفاخت والأسامي تشابه
مير غيري يا أبو مفلح مايلبس هدومي
اثرك الشايب اللي صار رزقه هبابه
أرفــع يديــــك لله يـــاكثير الهــمــومـــي

صياف

اعتبر نفسك الكبتن وحط العصابه
مير حذرا تصفق والفريق مهزومي

>4<

افضل ابيات للمرحوم نواف بن منور

رحمة اللة


الساعة الآن 08:05 AM.

Powered by vBulletin Version 3.8.7
Copyright ©2000 - 2024, Jelsoft Enterprises Ltd
Translation by Support-ar