|
الشاعر فهاد بن مطلق بن جافور العازمي
الشاعر :
** (( فهاد الجافور )) *** نبذه عنه : فهاد بن مطلق بن جافور العازمي من فخذ الجواريه ولد بـــ فريج العوازم سنة 1924 م قال شاعرنا الشعر في سن مبكره وقد اشتهر بــ فن القلطه وذلك لسرعة بديهته اثناء المساجلات الشعريه كما انه ايضا شاعر نضم وقد أسهم شاعرنا في برامج ديوانية شعراء النبط بالاذاعه والتلفزيون كما ان شاعرنا له صله كبيره بالبحر فقد كان له باع كبير في ركوب البحر حيث كان غواصاَ لفتره طويله -------------------------------------------------------------------------------- (( 1 )) بادين بالله اللي معتلي شانـه الله اللي جميع الناس يرجونـه ينصر اللي علينا عمة احسانـه من تسمو بديرتهـم يعزونـه نسل سالم طويل الشبر واخوانه فعلهم كل خلق الله يشوفونـه يا الله اليوم تكسر عز عدوانه دم بعـزه وذل الله يعادونـه البلد كـل شيبانـه وشبانـه حاضرين وحدر امره يطيعونه مرخصين العمار وضد عدوانه يفرح الشيخ والعايل يردونـه دارنا تهتنـي بالعـز طربانـه الصباح البلد حمايـة اركونـه كان شب الشعار وثار دخانه تظهر الدوله اللي مابها خونـه ابو سالم فزع له نسل جدانـه يوم كل طلب من صاحبه عونه الملك دز قواته علـى شانـه قوةٍ من فزع فيهـم يسرونـه حي هالوجه يافازع لجيرانـه مسقي السم كبد اللي يعادونه -------------------------------------------------------------------------------- (( 2 )) يا الله نبغى منك عانيـت مـدد يوم الحرايـب دخنـن اشعارهـا من عز والي العرش ماعنده بحـد عنه اليمانـي يقصـرن اشبارهـا عز الامير وعـز رايـات البلـد وعز الصباح اكبارها وصغارهـا اللي تعرضهـم تعرضـه النكـد خسارتـه مايرتـفـع قبـارهـا الشيخ يامرنا على الراي إعتمـد والشعب دون إبلادنا واعمارهـا ابشر بقومٍ مايغيـب إلهـا سعـد ترخص بغالي الروح دون إديارهـا إلبا إستوى حس الفشق مثل الرعد نحمي بلدنا مـن عـدو زارهـا -------------------------------------------------------------------------------- (( 3 )) ياعلي تله مـع الطـاروق تلـه جازلي ممشاه يا الوجه الفليحـي عطه الاميه لا تجيب اقصاه كلـه انت رجال على المطلب صحيحي قضبت السكان اشوفه جايز لـه موتره من زين سوقه مستريحـي الخـوي اللـي بصفـه مايملـه الولد ماهو قاصر هـاب ريحـي يا الله انك تمنعه من كـل علـه عاش من قوّى إعزومي في مطيحي يابغيت الدرب قال الدرب ادلـه اطلب الله لا ترجى للشحيحـي -------------------------------------------------------------------------------- (( 4 )) يا الله يا اللي كل حـيٍ يسيلـه ياعالم غيب الامـور الخفيـات تفرج لمنهو ساهرٍ طـول ليلـه مليت من ربعـة ردي المـروات من الردى ياربعنا حـط حيلـه من شين طبعه حط دفتر وكتبات هو يحسبن الرزق يوخـذ بحيلـه الرزق مايوخذ بنطحه وقـوات الرزق بيد اللي ينشـي المخيلـه جزل العطا رفاع سبع السماوات اطلب من المولى عسى الله يزيلـه اللي تنحرنا بحنـه وصيحـات فلا هلا باللـي علومـه رزيلـه من طاح حوشله شتايم وغيضات سعود تـاه وضيـع الله دليلـه مال الخوي عنده معزه وحشمات دايم يصايح مثل شروى سحيلـه يا اونس خويه باشره بالرزالات حط الردى والربربه لـه نحيلـه الله لا يرحمك يا هيـن الـذات وجدر العزالـه دايـم يستويلـه إمصلح عمره ولافيـه غفـلات يابعد عنـه المرجلـه والنفيلـه عنه المراجل بعد ضلعات ابانات الجنس هيـن والمعرفـه قليلـه يااونس خويه قال صيده عيارات -------------------------------------------------------------------------------- (( 5 )) يا حي هالشوف من شوفه تناجيبـي لا يا بعد شوف هيرٍ فتـر اعظامـي ريحة هواها ليا ذعذع كمـا الطيبـي يجذب هوى الريح ريحة ترف الاقدامي مدهال حسن النبا زيـن التعاجيبـي عساني القـاه فـي منزالـه العامـي -------------------------------------------------------------------------------- (( 6 )) نوخذه هب كوس منوتـن للمعلّـي كل من كان قلبه مثل قلبي يشوقـه تو ماصار يا الممدوح للعـود حلـي ابذل الطيب فينا خل نفعك نذوقـه يا (( محمد )) حشى من خوتك مانملي خوتك ياعزيز الجار عندي إشفوقـه خل عنا نواخـذة التحـوس تولـي لين ربي صفط للعبد زيّـن اوفوقـه ** محمد هو : النوخذه محمد بن دعيج رحمه الله -------------------------------------------------------------------------------- (( 7 )) يا الله يا الوالي اللي تخضر الريضـان تفرج لقلب من الافـراق مشطونـي ماودي ابدي سريرتنا على العربـان وفرقا لطيف الحشا بيـح بمكنونـي يازين خدٍ سكنها مدمـج السيقـان ياليتني عندهم والـرزق مضمونـي بالقيض يسكن عن اللاهوب بالليوان وان جا الشتا في حسين الدور مكنوني ابجتهـد وبرخـص غالـي الاثمـان ياكود حظي يحوشه وامري ايهونـي يارب تجمع بشملي يارفيـع الشـان مع زين الاوصاف كود اتهوّد اشطوني ماساعفت في عشيري والدهر خوان الناس عن صاحبـي عيـوا يسلونـي -------------------------------------------------------------------------------- (( 8 )) مرحبا بالهبوب اللـي تمـر الخديـن ليتها وصلت من ريف قلبـي سـلام واشقا القلب عقب افراق صافي الجبين آه لا عود الله بعد زاهـي الوشـام نشت الحال من فرقـاه يامسلميـن ماتهنيت عقبـه فـي لذيـذ المنـام بالبحر سهمتي وياه في كـل حيـن ياصفيتم لنا قلت العـذارى حـرام مانسيت الصديق اللي كلامه حسيـن ابوجديل ليا كـده تعـدى الحـزام والثنايـا تشابـه القمـاش الشريـن وخدها مثل براق بالليـال الظـلام ياهوى القلب لوكم بحالنـا عارفيـن كان قل تم جميع الذخر عنكم حـرام لاتطاوع بنا حكـي العـدو المبيـن يا اريش العين كثر الدق فك اللحام -------------------------------------------------------------------------------- (( 9 )) سلط على الحلم ياشينه هذاري الليل خوانـه يازيـن زولٍ موافينـه واليوم يابعد خدانـه زول اثقـال موازينـه ابترخص على شانـه زمان اقرب مغيضينـه شفقان والترف حمقانه حسيت الاقبال مغلينه ولاهمني حكي عدوانه ليا زعل غيضته زينـه اجيه ويروح شيطانـه -------------------------------------------------------------------------------- ( 10 ) يابن حمـد مرقـد الشنبـاك ماليبـه مابي البحر مير هذي قسمـة الوالـي شفي على اللي نهوده رفعـن جيبـه إليا حصل في رضاهم يرخص الغالي عليـه قلـبـي يفـرنـه دواليـبـه داون ببحر الهوى مع سمح الاقبالـي إليا عرضني بحلـم النـوم اهذريبـه واثري لهذاري على اهل الحب الاقبالي ياقلت أبدلـه إحلـوم الليـل تدنيبـه واصبح حرين الضماير ضايقن بالـي أطلب من الله يعـل الحـظ يرمبيـه عسى حسين النبـا يصيـر بحبالـي انا أتحـرى الخبـر سالـم يجينيبـه بدنات عبري يكـز الخـط بالحالـي تسيـر حالـي ياجتنـي مكاتيـبـه ووصول خطه ليا جاني نعش حالـي ياكاتب اكتب جوابي عقـب هالغيبـه للصاحب اللي لنـا مـا ذز مرسالـي وقله عشيرك بخير ومعجبـه سيبـه بس يتمنى وطنكـم عقـب هالحالـي -------------------------------------------------------------------------------- ( 11 ) عسى الكريم لدعوتـي يستجيبـي يالله يا عالـم خفيـات الاسـرار تلم شملي مـع أعيـون الربيبـي =اللي صطمني حبها والغلا حـار توني شباب وبان بالراس شيبـي عليه قلبي يقـرع قراعـة الطـار يا المسلمين الحب مالـه طبيبـي أباصله قبـل اتعـرض للاخطـار ترف القدم منها صوابي عطيبـي في خاطري زينه مع الناس ما دار الردف شط إحوار بأرض عشيبـي هجلن على امه في عذيات الاقفـار والعنق عنق الادمـي المستريبـي وخدن كما برق الدجي يجهر اجهار ياشافها راعي الهوى يستصيبـي يقول وش هاللي مع الناس ماصار اسهر طوال الليل واقنـب قنيبـي على مضنت خاطري شمعة الـدار هذا وهو توه غشيـم(ن) طليبـي الله يعيـن ليـا تبلـق بالافكـار ما من صديق لي سلامـه يجيبـي ومني يوصل زين الاوصاف بأخبار قلت اتقتر كود اشـوف النصيبـي ووقف كما السائل على الباب طرار مير اتقصر من صديقـي وأديبـي أذل من هرجـة ردييـن الانظـار قالوا تذل ماتوصله قلـت عيبـي انا جزومي يـا قطعيـن الاظهـار لاشك مرضـا بالخمـال لحبيبـي أذل من هرجن يطوله وهـو غـار ان ودني ماهـو علينـا صعيبـي لابد مـن فكـات والوقـت غـدار -------------------------------------------------------------------------------- ( 12 ) يانوخذه عنـك المراجـل بعيـده الطيب ياوجه الدجاجـه لهاليـه الطيـب دربـه كايد(ن)ماتحيـده والربربه سهمة فـؤادك وطاريـه امدحك بالشعري وقرص الحديـده وجدر العزاله بالعمالـه تسويـه والحنه اللي كل يـوم(ن) جديـده شيبت وانت إلسانك إبليس مغويه اما الردى تسند على الدرب سيده والا الصخا والجود مخطي مجاريه ليا اونس خويك قلت عيار صيده تأدبه كنك مـن السـوق شاريـه إكثـر الحنـه وهـي ماتفـيـده إلسان و الا المرجله تقصر ايديـه عسى الذي برضاه تسجد عبيـده يقدر عليه انه عن الخـد يخفيـه -------------------------------------------------------------------------------- ( 13 ) البارحه طار الكرى عن إعيونـي من سبة الهاجوس دمعي كساني طار(ن) طرالي وقف النوم دونـي وعزم علي من الرقـاد يحمانـي أمشي دبوبن والفـؤاد محزونـي والناس ماتدري على اللي طواني مدمن بهامي من تكضم إسنونـي ليا طرتلـي غربتـي هالزمانـي يا سعود شاورت الصديق ونهوني وعصيتهم يومن مـا الله هدانـي وادعت حباني وهـم وادعونـي وصارت لي الغربه عقايب زماني يهون كل امر(ن) وهو ما يهوني فرقا الجماعه والولـد والخوانـي أظنهم فـي غيبتـي يحسبونـي دلهت وانا ذكرهـم فـي لسانـي اكتب مكاتيـب(ن) ولاواصلونـي ومبين(ن) في كـل خـط مكانـي انا اتحـرى خطهـم وهجرونـي ولا هـو مـن الاهـل والعوانـي واليوم مـا نكتـب ولا يكتبونـي ترا وعدنـا الدايـره برمضانـي ولا السنه هذي مجيـي إطنونـي نشبت روحي والامـور اتخفانـي -------------------------------------------------------------------------------- ( 14 ) البارحه يصخف عدوي نحيبـي أبكي خفى والدمع مالي ثيابـي بلاي همن صابني يـا شبيبـي من يوم فارقنا مليـح العذابـي الناس هجاع(ن) وانا مصتصيبي أطوح الونـات محـدن درابـي بغيت اشق من التفايـج جيبـي حتى التراب اللي قعدنا جزابـي بلاي من راعي الكـلام اللبيبـي جاني وجيتـه وقفتـة بنقلابـي إن جيت ناويهم بنـو الحريبـي راح الزعل عني وصرنا اصحابي لطف الحشا من شوفتي يستريبي الناس عدواني لقـص الشبابـي ودي أجيه بساعتن مـا دريبـي أخذ جوابه ثـم يأخـذ جوابـي يعطيني المجمول علمن يطيبـي ويصير خلي للكـلام متصابـي جرى نقل جميع هذه القصائد من : ديوان (( صدى الماضي )) طبعه سنه 1988 م للمؤلف : (( مطلق فهاد الجافور )) |
| الساعة الآن 02:31 PM. |
Powered by vBulletin Version 3.8.7
Copyright ©2000 - 2024, Jelsoft Enterprises Ltd
Translation by
Support-ar