الغربه
 

هنيً الحمام العابر اللي قلع سربه
تدفه هبوب الريح ماعاكست سيره

قطع والديار اللي تصادف على دربه
يقيم المساء والصبح يعلن تباشيره

وهنيً النداوي لاوجس الشئ ينزربه
كفخ في جناحينه عجولٍ على الطيره

وأنا كل ماتقبل عليً ليلة الغربه
شهقت وزفرت وقلت يالله عسى خيره

يسج الفكر مع هاجسي وأتحيًربه
يجيني ولو ماجبت طاريه والسيره

حنين الوطن كل المخاليق تشعربه
مامثله سكن بالروح حبه وتقديرة

كويتي وعز الأسم دوماً أفخربه
ياكم أنعم الله دار وأقطار من خيره.؟

وأنا في رجا اللي فارج الهم والكربه
جزيل العطايا ربنا مالنا غيره

تدور الليالي وشايف البعد ياقربه
امروًح عن الديرة وراجع على الديره