منتدى هوازن - رسـالة مـن أم مـظـلـومة ( كـسـرت قـلـبـي ) شعـر : أم سـعــود

بسم الله الرحمن الرحيم

(( لقد إسمعـت لو ناديت حياً .. ولكن لا حياةٍ لمن تنادي ))

نقل من شبكة مضايف عنزة
:
رسالة الى ظالم حرم الآم من أطفالها
والاهـداء الى أبنها (سعـود)
فـارس أحـلامـهـا ..
الله لا يخيبّ رجاها

.
.
حسبي عليك الله حطمت روحي = وأخذت مني راحة البال واقفيت
ماخفت ربك .. ياسبايب جروحي = أنشهد أنك في عذابي تماديت
أطِفيت في دنياي شمعة أفروحي = كسرت قلبي في أعيالي وصديت !
من قبل تهدم بالقطاعه أصروحي = معك سنين العمر في كف عفريت
الظلم قاسي والمواصل شحوحي = لامن ذكرت أغلا المخاليق ناديت
صرخة خفوقي تحتظر وسط نوحي = مافيه غير (سعود) يومك ترديت
للحزن صرخه والحنايا تنوحي = وجرح الزمن بالقلب مهما تناسيت
ماغيرّت سود الليالي وضوحي = كلن على طبعه وصادق مباديه
ماودي العذال تسمع وتوحي = ماعاد أبي هرج التعب والمشاريه
(الوردتين) بمزن دمعي تفوحي = أضمّهن بالصدر والدمع أدرايه
بناتي الثنتين .. قمة أصروحي = والثالث اللي يكسر القلب طاريه
(ياسعود) ماغيرك يضمّد جروحي = يفداك عينٍ دمعها عنك تخفيه
أبيك تدري يارجاي وطموحـي = مُحال غيرك يعرف القلب وش فيه
اللي حرمني منك جدد أجروحي = من أول المشوار بانت خوافيه !
أنخاك باعلا الصوت لا لا تروحي = أنت الامل بأول زماني وتاليه ؟
لا تترك (أمك) يابعـد روح روحي = عمرك صغير ونظرة الحر تكفيه
ماكل فارس له حصانٍ جموحي = لاهبت رياح الزمن من يذرّيه ؟
القلب من فرقاك ضايق جنوحي = جمر الموادع حدب الاضلاع يكوّيه
صبرت لعيونك بخاطر سموحي = وعزآه ياقلبٍ بكى فقِد غاليه
عزيت نفسي بصمت يغتال بوحي = وأيقنت في ضيم الزمان وبلاويه
الله عطاني قلب صادق نصوحي = وحظي رماني بالنصيب ولياليه
رمح القريب ليا تمكّن ذبوحي = وسط الضلوع العوج هذي مواريه
العمر يفنى والسعاده تروحي = في قدرة اللي عمر الانسان يفنيه
يارب ياسامع حنيني ونوحي = سبحانك اللي كل مذنب تجازيه

’’’’’

( أختكم : أم سعـود )

...

.........