|
ديوان الشاعره عابرة سبيل حصرياّ في هوازن
السلام عليكم ورحمة الله
ديوان الشاعره المرحومة عابرة سبيل الحصري فقط في هوازن لانها لم تسجل إلا في منتدى هوازن وكانت مشاركة معنا قبل وفاتها بالمنتدى وقد وثقت قصائدها حصريا في هوازن ونفت الانتساب لأي موقع وأي منتدى سوى منتدى هوازن الذي سجلت به بموافقة اقربائها بالمنتدى وقد نفت الانتساب لاي موقع بالسابق لان الكثير قام ينسب نفسه بأسمها المستعار ونملك الدليل على انتسابها بهوازن فقط وسنعمل لها ديوان هنا بالقصائد التى وثقتها بالمنتدى سابقا بالنسخه القديمة شاعره هزت الساحه الشعريه بقصائده التي تركت بصمه واضحه في الساحه الشعريه .. لن يمحيها الزمان لم تتصنع ماتكتبه ابدا فقد قالت (( انا لااعصر الجرح لتفرحوا بنزفه فهذا عذاب اخر ، بل تعصرني الجراح وتولد القصائد )) في عام 1418 هـ اصدرت ديوانها الاول وطبع في مطابع الكويت ونفذت نسخه في وقت قصير جداً لكثره الاقبال عليه ويحتوي على 84 قصيده وعدد صفحاته 105 ويحتوي على اربعه فصول - الفصل الاول : ملامح شاعره - الفصل الثاني : كلمات حب - الفصل الثالث : اصداء - الفصل الرابع : ابتسامات شعريه بطاقه شخصيه .. انا عـــجوز ومــطلقه وام ورعـان وايضا مدام وبنت وانــــس وعانس انا بــدويه وعايشــه عند حضران وبنت البــحر وابوي زارع وغــارس امــيه ماتـعرف حــروف والــوان وتلــــــميذه دشت جميـــــــع المدارس ظــفره وخــبله وعاقله في نقصان شرود وانطـــــــــح لي ثــمانين فارس خلون .. اعيش العابره دون عنوان طيــــــــفٍ يــمر بلا رقابــه وحـارس _______ عابره اهلـــي يدرون انـي شـاعره بــس مايدرون في جــرح اللــيالي يمــنعوني من كـتابه خاطره مادروا اني من زمان بها المـــجال آه.. لـو يدرون اني "عابره" عنــدهم بتـــصير موتتــــنا حلال _________ يادنياي جيت بكتب عن شقا عمري قــصيده مــير عيـــــــــــا القول لا ياقف معي شاف همي والــمعاناه الشــــــــديده اكــبر من القــــــول وحروف النعي هــاك يــادنيـاي عمري ماريــــــده اضربيـني واقسمــــــيمي واجمعيني اي نعم ماني بها الدنيا ســـــــــعيده مـــن نهـار ولادتي وهمــــــي معي عــشت مـحزونه وملتاعه وشــريده وياكـــبـــــر شــي تخبيه ضلوعي مــابي بين الناس تبكــــين وحــــيده وان هجــع طرف البشر ماتهجعي امــا مـوته حق او ايــــــدي بايــــده هــــــيه يارحمه الهي .. اسرعي ___________ مقدار مـــقدار حــــبــي عالم فيه ربي والا الـــموازين لغرامي ظلـومه لا ..لا تـقارن حب امك بـــحبي اخــاف من عينك تطــيح الامـومه اخشي يقولوا عندك ماهو متربي مابي اشــارك في عقوق الرحومه يــاغايــتي ماعاد فيني اعــــــبي حــبك تــعدي حـدود نفس كتومه مــابيك تسـال عن مقادير حبــــي بـــكرة مـع الايام تطــلع علومه ___________ حيرة لا..قال ردي لي ولا.. قال روحــي لا .. هو مريــحني ولاهوب مرتاح يــغيب ويــعود يفـــــــتق جروحي واذا استجــــد الجرح لوح لى وراح واضحك واجامل وادعي بالفروحي وبـداخلي نار.. وتجـــاريح وصياح واحــاول اخـــفي جروحي بروحي واخيــط جرح وتنـــفتق عده اجراح وان قــربت دمعات عيني تفــــوحي الله اكــبر ، صـــار لي قلب مزاج _____________ مهره الشوق جيــتك من الفرحه على مهره الشوق تسبقـــني الـخطوة على الدرب قدام جيـــتك ولا ابالي ولو يطلع العــوق جيتك وانا شــوقي مــــــوزعني اقسام لا..لا تـــهمك ناس مــاتعرف الذوق يـــسرون تـال اللــيل والصـبح صيام ياعم لا مــنطق ولا فيــــه منــــطوق بعها ، تراني .. بايـــــــعتها للاعدام اخذ الرطب قول النــخل يتمر غــذوق خــيب رجا اللي يرتـــجونه من العام واضرب على الكايد ان ماجاب برفوق مليــت انا ويــاك من عــــــدم الايام _____________ صبحيه العيد ليــته درى صبحيه العيد وش صار يـاهي جرت لي من عذابي هوايل يوم الــعذارى يبحن بعض الاسرار وجت الــسوالف بين قيل وقايل هذي مـــعايدها قبل وقت الاسحار وهذيك صاحـــبها عطاها رسايل وهذي تـقول انه لفا البيت زوار وهذيك راحت له زيــاره عوايل وهذي تفاخر في غلا الصاحب البار تــقول عايدها بكل الوســايل وانا اطالع فوق ويـــمين ويسار بالعـــيد ماحتي مشطت الجدايل ______________ ش اقول له باكر يجي .. ياشيب عيني من الويل من عقب ماســافر سنـــين مــديه ش اقوله .. صاروا عيالي رجاجــيل ش اقول له ؟ .. ماني بعهده وفيه ان قـــلت لــه تــعذبت بــالحيل وان قلــــت له اكبر عيالي سميه يــبي يعذرني ويترك القال والقيل والا يـجي ويـــــازماني عليـــه وان جـــبت حـظي والمقادير تعليل واني ضــــعيف ورغبه الله قويه يــبي يـــصدق كلمــتي دون تحليل والا يـــبي يـــنسف كـــلامي عليه ش قــوله لــه ؟ ماينفعن الاقاويل مــــادمت ماني بــــعهده وفــيه __________ آخر مـوعد... له موعد(ن)لاروّح الليـل ويـاي أول وآخر موعـده مـع فتاتـه اليوم ماتنفع دموعـه ورجـواي اليوم تفصل عن حياتـي حياتـه اليـوم يعطينـي بقايـا بقايـاي وأعطيه أنا ماشلت من ذكرياتـه اليوم بابـدّل مشاعـر حنايـاي يصبح من أخواني وأنا من خواته اليوم يتركنـي لحالـي بدنيـاي مجبور يقفـي لويزيـد التفاتـه اليوم يخلف عن مماشيه ممشاي والله ماضمن من عذابـه نجاتـه لو أتعلـق فيـه ماينفـع بكـاي خلاص فات الوقت وأعلن فواتـه اليوم بعطيه العزا عقب فرقـاي عندي خبر وش قيمتي في حياته وانا العزا مابيه من كبر بلـواي ماينفع اللي عاش وأعلن وفاتـه يارحمة الله ساعديهـم بسلـواي يعوضـه الله بانكسـار امنياتـه اليوم ياهمي وياطـول مسـراي ويافرحة العذال وأهـل الشماتـه _____________ أحــلام... ياما على نفسي بالأحـلام كذّبـت وياما صبـرت وصبرنـا مانفعنـا وياما..وياما من وداعـه تعذبـت وياما نحـاول نفتـرق ماستطعنـا كم مرت(ن) ودّع وكم مرت(ن)غبت وكم مرت(ن) عقب الوداع اجتمعنا يامـا توادعنـا وشـرّق وغرّبـت ويوم التفتنا فـي بعضنـا رجعنـا لاقـادره أنسـاه مهمـا تهربـت ولامعتـرف فـي حبنـا مجتمعنـا ______________ قال اسمعي... قال اسمعي..فرقاك غصبـن عليّـه عيا الزمن يمشي معانا بالأوفـاق وقفـت لاميتـه ولانيـب حـيّـه تضاربت بالجوف ضيقـه وحـراق وقال:الرسايل وينها؟؟..قلـت ذيّـه وللريح عرضت الرسايل والأوراق رزيـت نفسـي واتظاهـر قويّـه يعنـي كأنـي ماتأثـرت بفـراق أنا عـذاب الكـون صـوّت عليّـه أضحك بسني واختم الضحك بشهاق ماكنت أظن الليـل يمسـي عليّـه ولاكنت أظن تعوّد الشمس بأشراق ــــــــــــــــــــــــــــ الوداع.... قال الوداع ..وقلت لـه بالسلامـه هـذي ظروفـي دايمـا جابراتـي مسحت عبراتـي بكـف الندامـه وتليت من كفه حوايـف عباتـي قفى يداري عضت(ن )في ابهامـه وقفيت اداري عضت(ن )في شفاتي وكل(ن)رحل يحمل بقايـا غرامـه وراحت حياته يوم راحت حياتـي فرقاه ضامتنـي وفرقـاي ضامـه وعلى الله الوالي خلـف ذكرياتـي وعقب البطا أرسل عليّـه سلامـه يطلب ويرجيني يبـي تضحياتـي مقدرأضحـي بالشـرف للملامـه وأمومتـي ترفـض أيتـم بناتـي من ماحصل لقياك يـوم القيامـه ماظن تحصـل شوفتـي ياغناتـي ____________ هذه القصيده رد على قصيدة (( أنا بدوي )) لشاعر:- الاميــــر بدر بن عبدالمحسن .. 7 7 ((رسالة من بدويه )) تعال بشرح لك أنا كل مغلوق ==== تعال شاهدني مع ذكرياتي لا لا يغرك لبس موضة ومسحوق ==== انفض غبار الوقت تلقي صفاتي قرب وطالع معّن الشوف بحدوق ==== وزيف التطور جرده من حياتي بتشوف في وجهي من الماضي اطروق ==== أخذت من بطن الصحاري صفاتي طفلة بثوب مخيطينه ومفتوق ==== تنطر جديد الثوب بالعيد ياتي سمعت طرف اخبار عن كلمة السوق ==== وتاخذ وتسأل هو وجوده ثباتي طفله سحبها الوقت للهم برفوق ==== حتي انها صارت من العاشقاتي وجار الزمن وعرض الحب للعوق ===== شرق ركايبها وهم مشملاتي واتلا عهدها فيه يركض ورا نوق ==== مسرود جيب وفي يدينه عصاتي ويصد لكن يلتفت لي من الشوق ===== عجلان يلخصني بعينٍ تحاتي وقفي وخطواته يتلن معلوق ==== وخلاني ماتنقل عظامي عباتي ودار الزمان ولا مشي الحظ بوفوق ===== ومازلت أخفي بالظلام اعبراتي ولا زلت أنا العب له علي كل طاروق ===== حتي يجيب الله موعد وفاتي ___________________ ((العيد باكر)) العيد باكر أسعد الله ممساك ==== والله مدري وين خدٍ جلسته وين انت ياللي عيدنا في محياك ===== كف القدر من ضيقة الخلق بسته من يوم ما لوحت لي كف يمناك ===== لليوم دمعي بالخفا ما حبسته ومن يوم ماذوقتني حر فرقاك ===== والياس زرعه في حياتي غرسته شريت لي ثوبٍ علي شان لقياك ===== والثوب راحت موضته مالبسته وشريت عطرٍ ما زهاني بلياك ===== أربع سنين بعلبته مالمسته ودفتر قصيدٍ كل يوم يترجاك ===== مافيه يومٍ ماسهرت ودرسته _______________ ((لله ابشكي)) لله ابــشــكــي (حــيــرتــي ) لله رب الـعـالـمــيــن ====وامــد لــه كـفـي (دعـــا) يـــالله عـفــوك iiياجـلـيـل يامنتـهـى (الشـكـوى) إلـــه العـابـديـن iiالصـابـريـن ====يـالله (عونك0فزعتـك) همـي عـلـى قلـبـي iiثقـيـل جتـنـي (رسـالـه) نصّـهـا ياعـابـره (حــزن iiوانـيــن) ====مع(تجربه)مضمـونـهـا فـيــه الـنـتـايـج iiوالـحـصـيـل في شكلها الظاهر (غطا) وفالباطن المعنى الدفين ====وفـي (حبرهـا) تلميـح لايمكـن يصـيـر iiالمستحـيـل وانــا حقيـقـه مـاعـرفـت شـلــون بـبــدى ياحـنـيـن ====مــدري ابــديّ كلمـتـي أو الــزم الصـمـت iiالفضـيـل لا جـيـت ابتكـلـم لقـيـت الـوضـع قـاسـي iiمايـلـيـن ====وان جيـت ابسكـت مالقـيـت عــلاج للقـلـب iiالعلـيـل لاكـنّ (عزايـه) مامعـي سلطـه ولاعـنـدي iiضمـيـن ====ولااقــدر امـيّـل مـاعـدل ولاقـــدر اعـــدّل iiمايـمـيـل مـاعـنـدي الاّ (كـلـمـة ٍ) فـيـهـا الـعــوارف iiخـابـريـن ====الـقــاع لاصــــارت دهــــر (يـابـدو)يـازيـن iiالـرحـيــل وخـلافـهـا (سـلامـتـج) والله عـلــى الـدنـيـا يـعـيـن ====والـصـبـر عنـوانـه(فـرج) والـغـيـث لابـــده iiيـسـيــل ويامنـتـهـى الـشـكـوى إلـــه الصـابـريـن العـابـديـن ====لاحـارت افكـاري تـرى مالـي ســواك انــت iiالدلـيـل _____________ واخر قصايد عابره سبيل ترثى نفسها بقصيدة مؤلمه ومحزنه جداا كتبتها بخط يدها اثناء مرضها تخاطب فيها زوجها وابو عيالها قائلة : ترى الذبايح واهلها ماتسلينى وانا ادرى ان المرض لا يمكن علاجه ادرى تبى راحتى لا يابعد عينى حرام ما قصرت ايدك فى حاجه اخذ وصاتى وامانه لا تبكينى لو كان لك خاطر ماودى ازعاجه اابيك فى يديك تشهدنى وتسقينى وامانتك لا تجى جسمى فى ثلاجه لف الكفن فى ايديك وضف رجلينى ماغيرك احد كشف حسناه واحراجه ابيك بالخير تذكرنى وتطرينى اجيرنى خالقى من نار وهاجه سامع على ماجرى بينك وبينى ايام امسى عدل وايام منعاجه عيالى همى وانا اللى فينى يكفينى علمهم الدين تفسيره ومنهاجه هذه رديه بين الشاعره (( عابرة سبيل )) وزوجهــــــــا .. تقول في قصيدتها : تقول في قصيدتها : ترى الذبايح وأهلهـا مـا تسلينـي أنا ادري أن المرض لا يمكن علاجه ادري تبي راحتي لا يبعـد عينـي حرام ما قصرت إيديك في حاجـه خذها وصايـة وأمانـة لا تبكينـي لو كان لي خاطر ما ودي إزعاجـه أبيك في يديك تشهدنـى وتسقينـي أمانتك لا يجـي جسمـي بثلاجـه لف الكفن في يديك وضف رجلينى ما غيرك احدٍ كشف حسناه وإحراجه أبيك بالخيـر تذكرنـي وتطرينـي يجيرنى خالقك مـن نـار وهاجـه سامح على ما جرا بينك وما بينـى أيام نمشي عـدل وأيـام منعاجـه إعيالي همي وأنا اللي فـي يكفينـي علمهـم الديـن تفسيـره ومنهاجـه وهـــــــــــــذا رد زوجــــــهـــــــا : حاولت انام وحاربت عينـي النـوم وجريت صوت مثل صوت الذيابـه الجفن كنه صار ضايـق ومهـزوم ودموع عيني مثـل رش السحابـه على وليـف قالـو اليـوم مرحـوم فـارق وراح وماتهـنـا بشبـابـه زرت القبور اللي على بعضها رسوم وخطيت رسم فوق ذيـك النصابـه قلبـي مـن الدنياعليـه مـرسـوم والرسم تـوه عقـب خـط الكتابـه احبها مير القـدر صـار مقسـوم ويحبهـا كـل الاهـل والقـرابـه الموت اخذها واودع القلـب مكلـوم جـرح عميـق مايـداوي صوابـه الموت اخذ شجعان وارخوم واقروم واخذ رسول الله وباقـي الصحابـه ،، الله يرحمها ،، ويغمد روحها الجنه ,, الصدفه مشيت بالزحمه مع الناس iiبالسـوق ولا ادري من اللي طق كتفي بمسباح أدرج النظرات مـن تحـت لافـوق وشهقت مثل اللي تواجه iiبالأشبـاح غايب ثمان سنين والقلب iiمحـروق أتلى العهد بـه تـو ماشاربـه لاح واليوم عندي ناحـل بيـن iiعـروق وعوارض على اصفر الوجه iiواجراح والله يا دمـع تحـدر مـن iiالمـوق إنه على الموطى من العين لا iiطـاح يقولون لاتزعل من البعـد iiياشـوق وانا كما اللي قاضـي مـن جـراح __________ في مفرق الدربين قـال الـوداع وقـلـت iiلالاولالا أنا معك في عهد الإخلاص iiمابقت دنق علي وقـال مامـن iiمجـالا وقنعت يوم إني بالأسباب iiحققت وسكت ماعندي نقـاش iiوجـدالا ذقت العذاب اللي له العام iiماذقت سكت ما املك حيلـة iiواحتيـالا إلا ليا منـه بكـى iiحيل..دنقـت ولكن عطا خلـه بقايـا iiحلالـه وفي مفرق الدربين غرب وشرقت ومن الله الوالي طلبـت الدخالـه دخيلة الله كان للبعد مـا طقـت ______________ عيت النفس سنيـن ليـه iiبالنوايا..مبـيـت وانا معاك امشي برهن الإشـارة ويوم ان ضربتك القويـة iiتهيـت ماخفت ربـك بالفجيعـه تمـارا وشلون أسامح عيت النفس..عيت مازال في جوفـي بقايـا iiمـراره نفسي على فرقاك هلـت iiوحيـت وقلبي تحطم وانت سبـة iiدمـاره واليوم لـو قالـوا iiالناس..ميـت يجوز..من قالـه ينـال البشـاره _________________ عواذل وانا توني في مسلك الحـب iiمنجـره قالـوا عواذل:خلـك لغيـرك iiموالـف وقالوا وحطوا به وانـا فيـه iiمنغـره وذولا شهود وذاك عارف وذا iiحالـف وقطيت له جملـة رسايلـه iiوصـوره ليـن ربـي بيـن الحـق iiوالتـالـف ورجعنا عقب معايش الغربـة iiالمـره رجعنا على صـد العواذيـل iiنتحالـف وانا اليوم لا من العواذل حكوا iiسـره يقولون قول شيـن iiواقول:ميخالـف! فلا عاد فـي حبـي iiعواذيل..بالمـره أنا اخذت لي عبره من الموقف السالف ___________ أثر يديني حان الفراق وتم توديـع iiغاليـن قسوة زمن وظروف ماهي iiرحومه وحاولت ابدل موقف العسر iiباللين وابيـن قدامـه جسـور iiظلومـه واعاتبه وانقد على دمعة iiالعيـن وهذا الفراق اللي تجينـا iiعلومـه ومسكت نفسي كن ما صاير iiشين أخشى على خلي يشقـق هدومـه ثم قلت وش تنطر حبيبي لهالحين؟ أثر يديني مـا سكـات iiكمومـه _________________ عقارب الساعة وقف وانا ساعتـي وقفـت iiعقاربهـا ثم دار ظهـره ودارت دنيتـي iiفينـي تنـوف روحـي وأمـر الله iiقاضبهـا مامت لكن رأيت الموت فـي iiعينـي يقفي وانا اطالع الخطوات واحسبهـا وعديت ليـن العـد ماعـاد iiيكفينـي أمج ايدي للترايـب مـع iiهضايبهـا أبا اخفض اي شيء يزمي بينه وبيني حدقت لين احتضن رمشي iiحواجبهـا لين السما حدرت للقاع فـي iiعينـي وغديت أنا البوصلـة للـي iiيراقبهـا والبوصلـة ثابتـة فـوق iiاتجاهينـي شمالها والجنـوب عيـون iiصاحبهـا واليا اتجه..اتجـه ماشـي iiيثنينـي مشاعـر داخلـي أزريـت لا اكتبهـا أكبر من أنه حبيـب ويـب iiيخلينـي وأكبر من الحب والحاجـة iiوراغبهـا مـا كنـه الا مخلفنـي وناسيـنـي ________________ الهموم الكثيرة كل مزاد همي...شان حالي iiونقصت والهموم الكثيرة تبري حالي iiبـري وكل ماجيت بارقد لو دقيقة iiقحصت كن رقط الحيايـا يندسـن iiاظهـري وكل ماقلت طبت ومن عذابي خلصت عود القلب للي فـت يرجـع iiقـري آه ياللي لغيره لا حشا ما iiحرصـت مودع وسط كبدي من غيابه iiفـري ومن نهار الموادع بالفرح مارقصت ولا كحلت العيون ولا لبست iiالزري _____________ قصائد ساخرة ياخبلي الغايب متى ترد للعين متى أشوفك أوتجيني iiرساله صحيح بالدنيا خبول كثيريـن لكن خبالك يا حياتي iiلحالـه *** ياناس..وين اسبنش بابـاي باعطيـه خـل نقـل iiهمـي حتى يصارع جميع iiاعـداي واول مايذبح ولد iiعمـي..!! ________________ هبيل بلاه الله أنا لي ثمان سنيـن متولعـه iiواغليـه وعلى جملة اهل الحقد والعذل iiمحتجـه كتبت القصايد كلها يا جماعه كلها فيـه عليه الحشا مثل القراطيـس iiبالعجـه عقب هالعمر يسأل قصايدك من هو فيه؟ ياويل قلبي كان نشدتـه مـن iiالصجـه أنا ودي أطقـه وأخـاف آتوثـم iiفيـه هبيـل بـلاه الله فـي بنـت iiمرتجـه ______________ رجيم دوم يعيرني يقول :انتى iiمتيـن حلجـك المفتـوح لازم نغلقـه هيه يـا دبـه لـزوم iiتخففيـن والا أثور فيك عشريـن iiفشقـه وفي رجيمي استمريت iiسنتيـن جدي اللي مات بغيـت iiألحقـه ويش رايك؟..قلتها بصوت حزين قال دبه..وانقلبتي لـي iiاسلقـه ______________ العنــــــــز تطورت العنـز مـع مـن تطـور ولاهوب مقصور التطور على الناس عقب الربيع الزيد والخد iiالأخضـر قامت تعلـك بالمدينـه iiبقرطـاس ترضع صخلها من حليـب iiمبستـر تخشى رشاقتها مع الوقت iiتنـداس باقي قليل ويشرب التيـس iiمنكـر ويروج الهروين راعـي iiوعسـاس _____________ هذه القصيده موجهه لشاعر الكبير الكويتي طـــــــــلا السعيـــــــــد .. عندما احتجت الشاعره الكويتيه:- عابرة سبيل على كلمة .. طلال .. عندما قال انا ..لاجي .. بسبب الغزو العراقي على دولتي الحبيب الكويت .. :( كلمة طلال باعلن على كلمة طلال iiاحتجاجـي طلال يكفينـا تجاريـح يـا iiخـي ما انته بلاجي لا ما انتـه بلاجـي تكفى تراها كلمـة تذبـح iiالحـي قل ضيف قل زاير لناس iiهجاجـي وبركه نرد وكن ماصار بـه iiشـي خلك على ماقيل في بـرج iiعاجـي لو تحترق كل البشر في داخلي iiفي شفني وشف حالي وقل iiابتهاجـي عقب انقلاب الحال وش صارير iiفي من أول كيفـي وحـره iiومزاجـي واليوم ماعندي من اللي مضى شي مديت كفي للعطـا وطـاح iiتاجـي وبعض المبادي دستها تحت iiرجلي _______________ صوت السهارى طلال تكفى تـراي دخيلتـك iiكافـي لا تطري البعد والتوديـع iiوالفرقـا الليل..صوت السهارى حسك الدافي يزيد من لوعتي والضيق iiوالحرقـا إن لامس الجرح قولك انسف الحافي وافتح زراير هدومي لضيقـة ترقـا وينلاف قلبي بتـال الليـل iiينلافـي ثم تنقلب دمعتـي تنهيـدة iiشرقـا ______________ مشية العسكري تـل قلبـي وقاسـه وافحصـه واسطـره ثـم قطـه علـى حافـة جليـب iiطويـل المحبـه بعينه..مسـخـره iiبمسـخـره والمحبـه بعيـنـي دبلتـيـن وكلـيـل آتعيـل إلـى منـه عطـانـي iiاظـهـره وان نظرنـي غديـت صغيـر مايعـيـل وصـار قلبـي مكينـة وقرقعـة iiمنجـره وحـس طقاقـة تضـرب ونـاس iiتشيـل هب ياذاك الاسمر..ما اشجعه ما iiاظفـره فيه ضحكة طفـوق وفيـه هرجـة ثقيـل مشيـة العسكـري قـدام جمـع iiاومـرا في كبود العـذارى منـه حـب iiوغليـل سكبة التاجر اللـي فيـه عـرق iiافقـرا لا تكـبـر ولابــذر ولاهــو بخـيـل شاربه ورمش عينه عينه وحاجبه واشعره ليـلـة خرمسية..لاقـمـر iiولافـتـيـل جـاه قلبـي صغيـر يرتجـي iiوانـهـره وجـاه قلبـي شجـاع ورد يمـي iiذليـل ضلـع وراه بكبـره يدمـره لا iiخــزره كيف اجل يا جماعة ان خز عابر iiسبيـل؟ _____________ نون ليه سموا صبي العين نون؟!! لن نونـك يعيـش iiبنونهـا آه يانون..يانـور iiالعـيـون يابعـد نونهـا iiوعيونـهـا لك غرام محشـم iiومحـزون هو سبـب عابـرة وفنونهـا ولك مكانة تعلـت iiبالمـزون جملة الناس طاحـت iiدونهـا مال الأيام في غيبتـك iiلـون إنت نكهـة حياتـي ولونهـا ______________ الأسمر الاسمر اللي زارنـي فـي iiمحلـي الله يجيره من جميـع iiالصواديـف عيا على قطـع المواصيـل iiخلـي يومه درى في علتي زارني iiضيف جلـس يسلينـي بهـرج iiيسلـي صادق لو ان الهرج بدعه وتأليـف إليا ضحك جيته من الضحك كلـي واليا سكت ضاعت جميع السواليف قـال التغلي؟قلـت مامـن iiتغلـي قلت الفراق؟وقال مامـن تكاليـف وقال أبروح وقلـت واكبـر iiغلـي وقامت تدق طبول قلبي iiتحاسيـف ليال عمـري كلبوهـا غـدن iiلـي عداك..ياليلـة رجـوع iiالمواليـف _______________ الله اكبر لي صاحب هو الطرب iiوالـذاذا زبنته الله عن جميع iiالحواديـث ماهمني هـذا ولا اريـد iiهـذا كنه مورثني الملاييـن iiتوريـث الله واكبـر ميتيـن iiاستـعـاده ماكنه الا نازل لي مـن iiالغيـث لا مر..كن القلب يطلب iiانقـاذه كنه برازي والمشاعر مغاليـث ان جيت ابا ارقد كن بالعين ماذه فرقاه نار وذكرياتـه محاريـث واصبري اللي مقترب من iiنفاذه باسباب من بيني وبينه iiمواريث ____________ سبة هروبي أرحل واروح بعيد عنك iiاتخفـى واركض واطالع ساعـة ورايـه واليا انتهى دربي قعدت iiاتعفـى إلا انت ياسبة هروبـي iiمعايـه أشوف لك لمحة إذا الطرف غفى في صحوتي ماخذ خيالي iiمرابه لو أنعمي وانصم..لـو iiاستخفـا لو عشت انا والذاكرة مو iiمعايه بحر غرامـك حالفـه iiمايجفـا عبر مسام الجلد تدخل iiحشايـه ________________ هذاك اليوم لوك معي حاضر ساعات iiتوديعـه ماقلت لي ليه في سن الصبا iiشبتي ولو كنت حسيت في حرقه مواجيعه ماقلت لي ليه عن لامـاه iiماتبتـي حان الموادع وحان اليوم iiتلويعـه ياكثر عقبه اوراق فـوق iiمكتبتـي بيت شطبته وبيت عدت iiتصنيعـه عيت تصور هذاك اليوم iiموهبتـي إن راح وان جا يبقى العهد مابيعه والله وفي ذمتي وعهد على iiرقبتي __________________ الرحيل ميخالف ارحل بـس لاترحـل بعيـد ميخالف اهجر بـس خلـك iiبـداري ميخالف اعشق الف عذرا من iiالغيـد ميخالف اجرح بـس حـاول iiتـداري أنا عقب فرقـاك مـا مرنـي iiعيـد العام ذا مـن كـل الأعيـاد عـاري ياصاحبـي لا تكثـر العـذل iiوتزيـد معذور الأعمى لو مشى الليل iiسـاري بابيع عمري لك مـن غيـر iiتحديـد عمري رخص من يوم شفت انكساري عقبك.قسـم بالله.مـدري وش iiاريـد أبنتظـر مـا بـي ثمـن iiلانتظـاري واتركني أغرق في بحـور iiالتقاليـد إرحل وسافـر بـس خلـك iiبـداري ________________ مزاج سمه دلع سمه غرور iiوعوابـه سمه مزاج يعشق اللي iiيناحيـه سمه قساوة قلب سمه iiصلابـه سمه لعانه..سمه اللي تسميـه هذي طبوعي والغلا مو iiطلابـه يانور عيني غير هالطبع iiمافيـه مليت قلب يشتكي مـن iiعذابـه وتصرفي دايم يذمـه ويشكيـه ودايم على طبعي كثيـر عتابـه درب المذله يامنى النفس مابيه مادام درب العيب ماجيب iiبابـه وعهد الوفا ماخنت روعة معانيه _________________ أمومتي قال الوداع وقلت لـه iiبالسلامـه هذي ظروفـي دايمـا جابراتـي مسحت عبراتي بكـف iiالندامـه وتليت من كفه حوايف iiعباتـي قفى يداري عضة فـي ابهامـه وقفيت اداري عضة في iiشفاتـي وكل رحل يحمل بقايـا iiغرامـه وراحت حياته يوم راحت iiحياتي فرقاه ضامتني وفرقـاي iiضامـه وعلى الله الوالي خلف ذكرياتـي وعقب البطا أرسل عليه iiسلامـه يطلب ويرجيني يبي iiتضحياتـي مقدر أضحي بالشرف iiللملامـه وأمومتي ترفـض أيتـم iiبناتـي من ماحصل لقياك يوم iiالقيامـه ما ظن تحصل شوفتي يا غناتي!! ______________ غالي غالي ولايوجد مـع النـاس غلـوه عن وصف حبه يقصر الشعر iiوغناي كل يـوم حبـه يرتفـع iiويتعلـوى هذا وهو غايـب ولاهـوب iiويـاي في عينـه اليمنـى مـلاذ iiوملـوى وفي عينه اليسرى قرارات iiمنفـاي ما حاصل لي ان غبت راحة iiوسلوى وان جيت كل الناس من دون رجواي إن غبت بلوى وان تقربـت بلـوى منشار ياكل بالخشب رايـح iiوجـاي ________________ ماني شمالية إليا تذكرت المـوادع iiوحققـت سيده يديني وسعن جيب ثوبـي وتليت لي ونه عميقـه iiودنقـت آخذ نهار والصدى في iiجنوبـي واطبع حرارة ضيقتي لا iiتضايقت على الشفايف لا ذكرت iiامحبوبي وغربت في بحر التعاسة وشرقت وكفرت حتى المقبلات iiالذنوبـي ذاب بهواي وفي هواهم iiتعلقـت ماخنت في عهده ولاهوب iiكذوبي اللي حداني يوم حبيـت iiفارقـت ماني شماليـه ولاهـو iiجنوبـي _______________ حرة..قهر أنا قعـدت وصاحبـي راح iiيمشـي عيت تعاوني على المشـي iiرجلـي تعلقـت دمعـات عينـي iiبرمشـي لانازلـه ولا معـوده راجعـه iiلـي أصحى وأغشى وارجع شوي واغشي واعي من الغشوه على صفقة iiيـدي شفت الهلاك وشفت قبري iiونعشـي وقمة عذابي لا مشى والتفـت iiلـي حـرة قهـر والام تعذيـب iiوحشـي وا..خيبتي بالحلم وا..خيبتـه iiفـي |
شكرا لكم وفعلا كما سمعت لم تكتب الا بهوازن كانت معنا قبل 6 سنوات
|
شكرا لكم
|
شكرا لك ادارة هوازن على نقل ديوان الشاعره المرحومه عابرة سبيل
بس ليتك نسقت القصايد حتى تطلع بصوره اجمل تحياتي |
الله يرحمها
فعلا شاااااااااعرة وانا من اكثر المعجبااات بشعرهاااا يعطيكم العااااافية وعسااااكم على القوة |
نعم فقط بهوازن رحمها الله
|
رحم الله عابرة سبيل وعفا عنها وتغمدها بواسع رحمته..
شكرا ادارة هوازن علي الديوان الرائع شيئ ابكاني من ديوانها واشياء امتعتني.. استمتعت بقصائدها... وليجمعنا الله معها بجنانه يارب http://im2.gulfup.com/2011-03-09/1299620201971.gif دمتم لي.. |
الله يرحمهاااا
|
رحم الله عابرة سبيل وعفا عنها وتغمدها بواسع رحمته..
|
الله يرحمها ويغفر لها
ويسكنها فسيييح جناته |
| الساعة الآن 06:29 PM. |
Powered by vBulletin Version 3.8.7
Copyright ©2000 - 2024, Jelsoft Enterprises Ltd
Translation by
Support-ar