السلام عليكم ورحمة الله وبركاته

حبايبي طبعا الدايت هذا بيكون سريع , اينعم فيه قسوة شوي وفيه اكل قليل ولكن هذي شروط لعبه التحدي وهذا الي ابي اعودكم عليه انه كيف تقدر تتخلص من عقده انا جوعان وانا ماكلت شي او انا كليت بس شوي .
التحدي هذا راح يفيدنا في تهيئه الجسم على قلة الاكل وعلى الصبر وعلى مقدرتك بحويل مسار عقلك الباطني من الاكل الى الانشغال بما هو مفيد مثل الراياضه او التسوق او العمل وغيره الكثير.
طبعا الرابح او الي يوصل سابع يوم ونزل اكبر قدر من الشحوم.
مطلوب شرب ماء اقل شي 2 لتر باليوم لطرد السموم ولتهيئه الخلايا على حرق الدهون بسرعه .
وطبعا الي يبي نتايج حلوه يسوي رياضه يوميا اقل شي نصف ساعه وانصح بالمشي .
اليوم هو الاحد , وستعلن النتائج يوم الاثنين القادم وطبعا فيه مكافئئه في نهايه الدايت وهو يوم مفتوح للمتسابقين مسموح لهم اكل اي شي .
بس فيه شغله الله يرضى لي عليكم , ابي منكم شي واحد بس ... الصدق فقط لا غير
والي ماقدر يواصل معانا يرسل لي خاص وصدقوني بعالج الموضوع معاه لين مايوصل لبر الامان .
الى الميدان حبايبي ...



اليوم الأول :
الفطور موحد دائماً وهو : بيضة مسلوقة + قطعة فواكه + شاي أو قهوة (( بدون خبز أو توست )) .
الغداء : سمك أو جمبري أو تونة مع قطعة توست .
العشاء : قطعة توست واحدة + 4 ملاعق جبنة قريشة + قطعة فواكه .

اليوم الثاني :
الغداء : زبدية مهلبية + فتوش او تبوله + قطعة فواكه ,.
العشاء : 2 قطعه همبرجر دجاج مع جبنه + قطعة فواكه بدون توست أو خبز .


اليوم الثالث :
الغداء : صحن فول بدون زيت ا و سمن + صحن سلطة خضار .
العشاء : 4 ملاعق جبنة قريشة مع قطعة توست .

اليوم الرابع :
الغداء : صحن خضار مشكلة كبير مسلوقة مع قطعة توست .
العشاء : مهلبية مع بيضة مسلوقة مع خيارة .


اليوم الخامس :
الغداء : سمك أو تونة أو جمبري مع التوست .
العشاء : قرنبيط مسلوق (زهرة) مع أربع ملاعق جبنة مع قطعة توست .

اليوم السادس :
الغداء: قطعة فروج مسلوق أو مشوي مع صحن سلطة خضارء بدون خبز أو توست .
العشاء : قطعة جبنة مع سلطة خضراء .


اليوم السابع :
الغداء : فول بدون زيت أو سمن والكمية المرادة مع صحن صغير سلطة خضراء .
العشاء : فاكهة متنوعة حسب الرغبة

يله شباب
علموهم العزيمه شلون شكلها

المشاركة الأصلية كتبت بواسطة @ بنوتة الكويت @ (المشاركة 1221953) @@ شنو هذا ؟؟ شكله في شي ناقص بالجدول الانه شوويه الاكل لوووول انا قدها احم احم ..

المشاركة الأصلية كتبت بواسطة الآنسه مدام (المشاركة 1222019) وافي مشاعر ما احب البيض :( ابي بديل له عشان الفطور ووين اللحم ؟؟؟؟ مافي طاري له شكرا لك

المشاركة الأصلية كتبت بواسطة الأوركيدا (المشاركة 1223212) هههههههههه اليوم افطرت سبعه تمرات فقط وقهوه الساعه 7 صباحا الغداء تونه وقطعة توست والعشاء بيضه+ لبن زبادي يمشي ولا لزم اتقيد بالموجود