كرونا
يالله ياللي منك تنزاح الاظرار=عجل علينا بالفرج من كرونا
طالبّك يالمعبود يارب الاقدار=ينزاح عنا بالظرر كلبونا من سبتة ماعاد بالجو طيار=ولامبادل سوق من بادلونا مكاسب التجار كل يوم تنهار=من المرض خسرو وعنهم حدونا بيبانهم فيها على القفل مسمار=وهم من اللي صابهم صوبونا ندعي لهم رب الملا سر وإجهار=بالخير يوم إستنفعو وإنفعونا حتى البحر منه إنحرم كل بحار=ولت مكاسبهم وهم حطمونا من المرض هذا هبط كل دينار=خسايره من كل شكلن ولونا الارض جردا والبلا عم الاقطار=والجوع واصل والبشر هولونا كل يوم أشوف الناس من كل الاعمار=إقبورهم تحفر وهم يرحلونا أشوفهم واللي ذبحني بالاخبار=ماسيّل إعيوني سواة المزونا قالو صلاتك عن هل العز والكار=فالبيت لجل إمن المرض تسلمونا ماعاد إبه جمعة ولاجمعت أحرار=لجل المرض ماينتشر فرقونا الامن وافي شال ماشال سنجار=حملن ثقيلن لجل مايفقدونا حطو قرارن صادرن بمر الابرار=حجزن ولابالحجز يوم إظلمونا خوفن علينا من بلا ثايرن ثار=شره يصوّب كل من خالطونا من حرصهم قالو فلا نقرب الجار=ولا نضيّف عالمن يقصدونا وسط البيوت إقلوبنا تشتعل نار=على الاهل ثم شوف من صاحبونا قبل أمس ناصلهم على خير ماصار=واليوم لانجيهم ولاهم يجونا عليهم الدمع الحمر مثل الامطار=والقلب ينزف من سهوم الحزونا والحال غير الحال بسباب الافكار=اللي خذت من وزن كل المتونا أحاتي الغالين ورعان وكبار=وأهل البلد واللي بعد يحكمونا وأقول ليت السقم مجهول الاسرار=مايصيبهم ويبيد من قتلونا وإنه يجنب كل ذربين الاذكار=المسلمين إمخلصين الديونا هذا وأنا سامع من إهذيك الاشرار=علمن ولاكن ليت ماعلمونا شاع الخبر ثم بثته بعض الاقمار=ثم قالت إنه صدق لاتكذبونا المصدر أعفن من هل الشر والعار=اللي على خلق الولي يعتدونا الوجه وجه البوم وعيونه إصغار=والخشم ماخذ شبر بين العيونا له شعب مايتعب على الشغل صبار=وإمن المصانع بالبضايع غزونا يوم إصعدو بالمال من بعد الانظار=على رديين العمل والظنونا إبقول منهم ماقطع كل الامتار=اللي بعدنا صابكم صدقونا يبغون كم مليار ويعيش مليار=لاكن خذو كم كاس من ماسقونا سحرن خطيرن فاق بالشر الاسحار=ثم إنقلب من فوق من يسحرونا الكل منهم صار عاجز ومحتار=عن ردع ماعطاهم مثل ماعطونا وأنا ماصدق علم من ياكل الفار=ولاني إبظالم خبيثن مجونا يمكن يكون السقم من صنع كفار=أو من عظيمن بمره اللي يكونا عسى ولي العرش زوال الاخطار=إنكان منه اليوم بمره يهونا وإنكان من تدبير هدام الاسوار=اللي جنوده بالقشر دمرونا عسى العظيم الفرد من نار وعصار=إيبيدهم يوم إنهم ذبحونا ويمد من ستره وهو خير ستار=سترن مثل ستر الورق للغصونا على القروم إمخظبت كل بتار=حكام وشعوبن بهم يقتدونا أهل الشرف والعز وافين الاشبار=اللي ليازاد البلا ماتركونا هذا يمد الشعب من كل الاثمار=وهذاك من زاده يمد الصحونا وهذاك من ماله لمن ذاق الامرار=شده ومده بالخفوق الحنونا وأكثر ماشفت إمن الكرم مد الاخيار=حكامنا اللي بالقسى مانسونا مافيهم اللي خان شعبه ولابار=من طيبهم بالتظحيات إسعفونا بعد الكرم وصو علينا هل الكار=اللي ليا رحنا لهم عالجونا ماقصرو فينا ولا مدو أعذار=بالعطف والتقدير ياما خذونا مداتهم من دار تنزل على دار=بكويتنا وديار من جاورونا أعمهم وأثني على كل بيطار=ودعي لهم يوم إنهم ساعدونا أبحاثهم للكل بالطيب تندار=بالعنصريه يوم ماعاملونا ياعلهم ينهون قطاع الاسفار=بعلاج من بحثن وهم يبحثونا اليوم وإلا قبل من بالحشا سار=شهرن محرّق بالدموع الجفونا ويعيد رب البيت مافات وإنهار=وأولهم اللي للولي يسجدونا ونشوفهم باللي حفظ ساكن الغار=إصفوف خلف إمظمدين الطعونا وسط المساجد منهم إتلج الاذكار=من حاربو خلاق ثم حاربونا ويطير طيارن وتمشي بالابحار= سفنن تغذي والبشر يفرحونا ويصير شر السقم عبره وتذكار=والناس عقبه للولي يهتدونا ولا يرده دوم زوال الاكدار=والارض بمره تنحفظ بالحصونا |
تم تسجيلها بصوتبيه قبل ايام ونشر هاعلى القروبات
وسامحونى بالقصور فمان الله |
الساعة الآن 05:49 PM. |
Powered by vBulletin Version 3.8.7
Copyright ©2000 - 2024, Jelsoft Enterprises Ltd
Translation by
Support-ar